وزير التربية والتعليم يوجه بالتحقيق في حلقة الثامنة عن المعلمات المغتربات .

اختي تعمل معلمة باحد الهجر التي تبعد عن الرياض 300 كيلو

هذي الهجره تتبع لقبيلة قحطان نجد و ما فيها الا اربع و الا خمس بيوت و عندهم مدرسه ؟؟

ليه طيب ؟؟ المفروض الله لا يهينهم يجمعون كل طالبات الهجر المجاورة لبعض في مدرسة وحده تكون قريبه على الاقل من المركز الرئيسي او البلده الرئيسيه ..

اما يتشحططون بنات خلق الله عشان لقمة العيش بسبب شيوخ القبايل اللي يرفضون ضم ابنائهم مع ابناء الهجر الاخرى سلامات !! هجره ما فيها حتى بقاله او بوفيه

هذا شي و ما جبته من راسي بل من معاناة اختي

الشي الثاني و اللي يقهر اكثر ان بنات ذيك القرى من اللي معهم واسطات ما يتعينون فيها بل يتعينون في الرياض او على الاقل في البلدات المجاورة الرئيسيه

ليه طيب و بناتنا ؟؟

الرياض لوحدها فيها احتياج لمعلمات يفوق بمية مره احتياج القرى و الهجر لكنها محجووووووووووووزه

في فترة التعيين اللي كانت في شهر شوال الماضي كان التقديم على الوظائف في المركز اللي تتبع له اختي كان الاحتياج مكتوب في جداره ( 42 ) معلمة يعني مطلوب 42 معلمة فقط !!

و كنت ممن قدوا على تلك الوظائف عسى ربي يرزقني و اروح و اجي مع اختي ..

و لم يكتبها ربي لي و لله الحمد ..

نتفاجأ بعد فترة التعيينات تلك ان ال42 معلمة اللي تعينو حسب اللي مكتوب في جداره تم توزيعهم على الهجر و القرى البعيده عن المركز الاداري الرئيسي ..

و لكن !! هذا المركز الرئيسي الحيوي و القرى المجااااوره له قد عين فيه ما يقارب ال90 معلمة من اهل الواسطات !!!!!!!!!!!!!

بالله هذا مو ظلم لكن الله فوق و يحاسبهم و ان شاالله ان اختي تجي الرياض قريب يا رب لانها فعلا و الله انها تودعنا و تودع زوجها و اطفالها كل يوم و تطلع من البيت 3 الفجر !!