أبيات أعجبتني 00 كل واحد يشـارك

تنتشي عيني فرح بك وانت عن حالـي مَ تـدري=حتى انا مـدري ولكـن! أشعـر لطلتـك هيبـة
وتتعلّق بك عيوني لين اشـوف الـزول يسـري=واتبعك في ناظـري واقـول : ياربـي تجيبـه؟
فزتي لك طيش؟ مدري حب؟ مدري حس فطري؟=الوكاد انك نهبت القلـب مـن صـدري نهيبـة!
يعني وش اكثر من اني لا لمحتك فـز عمـري؟=وصار يوم اللي اشوفك عيد عندي واحتفي بـه!
يوم اشوفك,, احفظ التاريخ ميـلادي وهجـري=وارسم لعين المحبـة قلـب بـه سهـمٍ يصيبـه
و أتهجى كلمة ( ا ح ب ك ) واغنيهـا بشعـري=واكتبـك بيـن القوافـي واتسمّـى لـك حبيبـه
من كثر ما اسعى لوصلك , اذكر انه كان نذري=(لو يجي والله لاجي له لين اصير اقرب قريبـة)
ومن عقب ذاك التمني عاضني ربـي بصبـري=وجيت تشكي لي جروح الود والشـوق ولهيبـة
نذري اوفيته.. وفي قلبك عـلا شانـي وقـدري=نلت وصلـك ياحبيبـي طيـب.. ولابالغصيبـة!
ما امداني اشربك واروي ضما روحي وعمـري=ما دريت الاانت مقفـي تلعـن الحـب وتعيبـه!
كيف يقوى قلبك القاسي على صـدي وهجـري=وانت تدري في ليالـي عمـري بدونـك كئيبـة
من بعد عينك ترا صار البكـا ل الليـل يغـري=والليالـي ترتـدي ثـوب الالـم وتشـق جيبـه
كل دمعة تنحدر تكتب علـى الخديـن (بـدري)!=ايه بدري لاتروح القلب دونك ويش ابـي بـه؟
باسألك وشلون تسفه قلـب وانتـه فيـه تجـري=وانت تدري من بعادك دقتـه صـارت صعيبـة
ان تماديـت بجفـاك.. بتنقـل عظامـي لقبـري=صدتك عني تبرهن لي علـى ان للحـظ خيبـة!
أسالـك بالله ان صدقـت او كذّبـت عــذري=لاتزيد الهـم فـي قلـبٍ بـه جـروحٍ عطيبـة
آه لو تـدري وش اللـي دايـمٍ بالبـال يطـري=لاطرالـي قلبـك وحـبٍ تذكـرتـه بطيـبـه؟
يختنق دمعي بعيني وقلبي اللي وسـط صـدري=يرتجي وصلك .. وصارت دقتـه دقـة غريبـة

صباح الخير يسعد لي صباحك = واشوف الخير كله والسعاده
اذا شفت ابتهاجك وانشراحك = حصل للعاشق المغرم مراده
وانا ما همني غير ارتياحك = وأخذت المزح انا ويّاك عاده
ولو سافرت انا فارجو سماحك = مصير الأدمي يرجع بلاده
يمر الطير واقول أفرش جناحك = أبكتب فوق ريشك بالركاده
وخطي كاتبه حسب اصطلاحك = ولازم تعرفينه من مداده

بكون بخير ...

لا تقلق

بأكون بخير

وبأتذكرْك .. ياخلـِّي

بعد بالخير ...

وحتى لو

تشوف الحزن بعيوني

تعدَّى موطني و كونــــي ...

تراني بخير

لا تقلق

تراني بخير ...

بخير...؟؟

وش اللي صار حتى ما اكون بخير

ولا حاجه ...

سوى إني صرت محتاجه ...

أكون بخير ...!!

ويعني لو

أغص بعبرتي .. ولا

أموت بحسرتي ..

يا خِـلّ

وش بيصير ؟

أبد عاااادي

ولا اهتميت بـ جروحي قسم بالله

ولا فيني ...

يا خلِّي ...

ترى عـــــادي ...

وش يجيني ما يجيني ..

ما نطقت الآه ...

لا بــــالله

ولا بي من يواسيني

مدام اني

أنــا .. من خانت التعبير ...!

يا خلـِّي

ووش بيصير

اذا صار الألم زادي ...

ورحت بدون ميعادي ؟

بأفسرها مثل حبـّـك

ولا بألقى لها تفسير ...

جروح الحب يا خلـِّي

هُم اولادي

أحَـد يزعل من اولاده ؟

أنا ماظن !

لكني

اذا ْ تغربـّـت فـ بلادي

أروح لمن !!

ياخلـِّي ...

أروح لمن ...؟

وأمسِّي مين في ليله :

مساء الخير ...

و لي غــنــّـى مواويله

و لـه تـقـدير ...

ولا يمكن

يهنــّيني فـأعيادي

سوى حبـّـه ...

وانا طبــّـه ...

وانا فجريــة اعياده ...

أجل يا خِـلّ ..

من اللي بعدها بآظلّ

أتذكر

وأعدّ وأنتظر وأحسب

بقى كم يوم

يا خلِّي

لذكرى عيد ميلاده ؟

وكيف أهرب

من احزاني

وانا من وين ما أهرب

بــ ألقاني ...!

ويلقى حزني بلاده ...

وكيف آعيش فالعالـــم

وانا ما أملك إلا ذكريات الحب

في خاتم ...

وســـجاده ...

و ملح أحمر !

ودولابي ... ومكياجي

و عود ٍ ناحل ٍ أسمر ...

وبرج ٍ أحسِـبـه عاجي

و زهرة لوتس .. وحلم ٍ

صحى والكون متدمر !

ووش باقي ..؟

فقط لا غيـــر

أنـــا يمكن ..

.. وأشواقي

وليل الموج في شـَـعري

على عطري ...

على فكري

وبعض اشعار معتاده ...

وبس تدري ؟

أبد عاااادي ...

ووش بيصير

إلى من ضاعت سنيني؟

عمر فاني ...

بأعزِّي تــُـربتي فيني ...

وما جـــاني ؟

أبد .. تكفيــــر ...

وذي عاده ...

انا من وين

يا خلـِّي

بأشوف الخير ...؟

و لي عشرين عام ٍ

كلـّما جتني بشاير خيـــر

خذاه الطير ...!!

خذااااه الطيــــــر يا خلِّي ...

خذاه الطير ...

ووش تفرق ؟

إذا شمسي

تدوِّر في ظلام الروح عن مشرق

ولا تشرق ...

ولا تمسي

ولااااا تفرق ...!

باكون بخير ...

لا تقلق

بأكون بخير

هلا هلابك يا خلف بوي وامي = يا محرق(ن) قلبي وهو مادرابي
يوم اختلط حبك مع اعروق دمّي = والبستني في الحب سود الثيابي
بديت في صفحة ضحاياك باسمي = طلبت عفوك واستجارك شبابي
لكن عيونك مهلكه يوم ترمي = ما تستريح ألا تمكّن صوابي

أحب اضيع باشيائك واصحي الليل من شانك=وخلي قمرته ترقب حضورك يابعد راسي
لانك غير في عــصرك وهبني ربي لاعيانك=تشاركني بنبــضاتي وتسرق مني انفاسي
تفلسفني قناعاتك واجيك بقلب ظميانك =انا كلي سنا نورك فلا تحرمني احساسي
انا حورية ماأنكر ولكن ملك شطانك =تفوز بطلتي ارضك وهي مبدايه وساسي
الاياشيخهـــــم تكفى انا لولوك ومرجانك=انا المــاسك الباقي على طول الزمن راسي
انا اللي بكل حالاتك البي امر سلطانك=انا دنياك لو تسمـــح بعدها ماابي ناسي
تركد يا حبيبي وشوف احد مثلي بخلانك =يساوي بالغلا بوحي وصل بالشوق مقياسي
ولو انه كـــذب ظني رجح بالغير ميزانك =لابو سِيد من بعدك يجي ويحرك احساسي

ما حلا كلمة هلا اللي من لسانك = تعطي الروح العليله معنويّه
ليتني حنّى تخضبّه بنانك = أو روايح عطرك في خدّك زكيّه
أو قلم تستخدمه يوم امتحانك = وانت تدرس بالصفوف الجامعيّة
أه ليته يجتمع شاني وشان = كان أعيش العمر في دنيا هنيّه
ابتلينا وانحرمنا من حناااانك = تعبت الأمال لك روحه وجيّه
ليت لي قدره وازورك في مكانك = واصلك لا شك مالي مقدريّه
جلّ من صوّر جمالك ثم زانك = بالعيون السود ذات الجاذبيّه

تبلل ياضمى عشق(ن) من الرمضى تشقق فئ=في الصحراء هوى العاشق ظلاله رمش معشوقه!

رسالة حب أكتبها من دموعي على المنديل = الى حضرة جناب اللي أودّه سيدي الغالي
وبعد أزكى تحياتي اليك الشرح والتفصيل = وهذا الخط يالمجمول يشرح لك عن احوالي
أنا من يوم فارقتك عيوني ما تنام الليل = ولا أدري ولا أعلم متى الأيام تصفالي
ولا يخفى عليك اليوم أنا مشتاااق لك بالحييييل = ولا تنسى عناااا حالي الى ماجاك مرسالي
ولو أسكن خميس مشيط وتسكن في ضفاف النيل = ترى غيرك حشا لله فلا يطري على بالي

فديت اللي تغنابي قصيد ودمعتين وفال=زعل مني وارضاني ولايقدر على غيابي
قراني واستفز اللي قراه من الحكي امثال=تمدن في خفوقي شوق من أول آه لأهدابي
تباهي في وصالي بيت وشمــّخ بالبها موال=وبيتن سابق اللهفه. يبي ياصل على بابي
وبيتن من ضناة الشوق تلوع في حمول ثقال=لاهو قادر يخليها.. ولايقوى على عتابي
احس بصادق شعوره يفز من الهوى مرسال=عن التصريح ليا ابدى غرق في مجمل كتابي
قسم بالله ماأرضى سواه من الغلا رجال=على كيفه يمشيني واحس الكون يهنابي
انا وشلون ابتجاهل وانا كلي غلا ينقال=فضحني عاشق بصدري بنبضه دوم يزهابي
احبك من هنا حتى تهذري في هوانا أجيال=ودادي قسمتن تُــكتب علــشاني وبأسبابي
احبك كيفما تدري إذا كان الغلا مدهال=احبك نايف بعيني وتتبعني وترقابي

ردّي عليّه يا هوى البال ردّي = ولاّ تريني بعد هذا خطيري
يظلم عليّ البيت ساعة تصدّي = واطيح مغشيّ وانا في سريري

كل ماقفيت عنك صار .. حبي وراي = وكل مقبل سبقني خافقي وانتظر
ياحبيبي احبك وعساك وعساي = في زمان المحبه كل عمر العمر

أنا حبّي لها والكل يدري = ولا تزعل دخيل الله دخيله
أحب الوانها شذري وخمري = وتعجبني مكاسيها الطويله
حلالي من فداياها وعمري = أنا ما عاد لي بالأمر حيله
ولولا حبيها ماذيع شعري = ولا رتبت الابيات الجميلة
انا مابيع في الغالي ولا اشري = وطول العمر مادوّر بديله
وحبه في عروق الدمّ يجري = ذبحني والحشااا ولّع شعيله

يا حديد الصلب لا مانتا ثقيل = الثقل هم(ن) بقلبي يحمله
يا بخيل المال لا مانته بخيل = البخيل اللي جاوبه مارسله
وقفتي في مفرق الليل الطويل = تنتظر شمس السنين المقبله

لو أكتب إحساسي بالأشعار وأبدية = فيك المشاعر كيف بس أختصرها
قدرك كبير ويعجز الشعر يوفيه = كل القصايد فيك ينظم بحرها
أرفع يديني وأسأل الرب وأرجيه = يبجيك من شر الحياة وكدرها

لاتـكشـف جـروحـي وتقـول ابغى اداويك=جـروحـي دواهـاالبعـد ارحـل وخـلهـا
ياما جـروحـي نزفـت مـن ذكـر طـاريك=ويا مـاعـيونـي سـافـر النوم عـنهـا
يا صـاحـبـي مـاعـاد روحــي تناديـك=لاتـفـتكـر للحـيـن حــبـك ســكنهـا
يامـا رجـيـتـك تلتفـت يـوم بـاقـيك=ويامـا دمـوعــي اشـتكـت زاد هـمهـا
اذكـر ليالـي عـشـتهـا كنـت اباريـك=مثـل الطـفـل للام يـعـشــق لبـنهـا
ارجـوك تبعـد دامنـي الحـين نـاسـيك=وارجــوك لاتكـشــف جـروحــي وكفنهـا