أبيات أعجبتني 00 كل واحد يشـارك

غدت حالي مثل حال الغريب الغادي المنجوم= ضرب دو(ن)خلا وابطى وغابت عنه الارماسي
الى منه بغى يصفي سماه اركت عليه غيوم= طواه الياس ماله كود ضرب اخماس باسداسي
تهون اكبر مصيبه في عيون الراضي المظلوم= ولايقدر يقول لظالمه ماعندك احساسي
عليه الحق وارد مير حق دايم(ن) مهضوم=يقدر من مر فيه وذاق الافلاسي
وهو سيله حدور ولالتفسير الهوى ملزوم= شروق الشمس ميلاد الامل وغروبها الياسي
على رجوى وعد قبل امس وامس وكل يوم اليوم= يناظر غايب(ن)عذره معه مشغول متناسي
مشاويره تطول ويحسب ايام الشباب تدوم= نذرها واعتبرها من ضحايا وقته القاسي
وهو حاله مثل حالة غريق(ن)مايعرف العوم= يبي شم النفس ويغوص ويقولون غطاسي
يموت بصمت تحت اسم الكرامه لاعتب لالوم= مثل موت الشجر واقف جذع واعروق يباسي