معين الدين ( يقول لكم ) ..!

المشاركة الأصلية كتبت بواسطة @ROYAL@

تصدق ذكرتني بكريم الله يذكره بالخير
كنت ساكن عزابي بالخميس انا و عضو معنا بالمنتدى
شقتنا داخل وحده عسكريه و ما كنا نقفلها
في يوم جيت من الدوام تعبان و انتظر كريم يجيب الغداء
المهم كريم اعطاني ابتسامة ( ابتسامة تراني قافطك )
قلت كريم ليش تضحك قال انا معلوم انتا يبغي سوي اختبار حق انا
انتا ينسى فلوس مجلس انتا فكر انا في شيل انا في مسلم
اخذت الفلوس منه و قلت له انا ما في معلوم فلوس بس شكرا كريم
كريم يتابع مسلسلات واجد يحسبن رويال بيعطيه فلوس على امانته

صراحه بعد ما انتقلنا من الشقه و عشرة سنتين مع كريم قام يبكي
و حاولت ابكي بس ما قدرت و قمت اضفه و بالأحضان و عيني على المكيف ابيها تدمع من الهواء
بس ما فيه أمل تطلع
و راح كريم و رحنا و الحياه ماشيه

نعود للموضوع انتم يالكتاب المميزين تعبونا معاد ندري هل مقصدك العامل و التعامل معه و لا موضوع ثاني ما فهمته
مثل العماله هذي لازم نحترمهم و نقدر ظروفهم متغربين عن أهلهم و حالةتهم حاله الراتب ما يكمل 1500 ريال
و انا الواحد راتبه فوق 15 و زعلان و ضايق خاطره عشانه بعيد من اهله 400 كلم

شكرا ابراهيم

اهلا رويال ..


بخصوص الكتابه كانت واضحه و انت أعطيت مثال جميل
على حسن التعامل ، اما انا فقد أعطيت مثال مناقض لحالة كريم
او غيره من الوافدين ،

شاكر لك الحضور ، تحيتي و تقديري ..