وإن مـن الشعر لـحـكمه " يُـرجى المشاركة من الجميع "

يعطيك العافية اخوي فتى الشرقية ..

*

*

بعــض البشر يفرض عليـــك احترامه = يملك باخـلاق وبشـــاشه وشيمـه
وبعض البشر حـاوي دناه ورخامــه = لــولاه ينطـــق قلت هــــذا بهيمـه
وبعض البشر حاوي صفات الشهامه = وله مكـــان عنـــد ربعـه وقيمـــه
وبعض البشر يغريــك بالابتســامــه = وقلبه سوات الصاج غادي فحيمه
وبعض البشر مشهــود له بأستقامه = عايش علـــى الفطـره ونيه سليمه
وبعض البشر يهبـــاء عليه الملامــه = نـــذل ٍ حقيـــــر مــــروج ٍ لنميمــه
وبعض البشر لاقـام يعجــب مقامــه = مشكور جهده والمسـاعي عظيمه
وبعض البشر ودك تصيبــــه بــلامه = ثرثار فــي المجلـس ولاله عزيمـــه
وبعض البشر صامت ويـازن كلامــه = وإذا تـكـلــم مــايحـــــب الظليمــه
وبعض البشر يجيـك نــافـذ كمامــه = وعند اللـــزوم يـروغ مــال الثليمه
وبعض البشر شجــاع كلــه قرامــه = عاداتـــه الفزعــه ورجـــل ٍ صريمه
وبعض البشر بالبخــل علـق وسامه = خديــن لـ أشعـــب والحطيه نـديمه
وبعض البشر ظريف راعــي كرامـه = في كــل يـوم ٍ عنــد بيتــه وليمــه
وبعض البشر من جيـل راغب علامه =متأثــر ٍ بــأهـل العقـول السقيمــه
وبعض البشر كسب المعالـي مرامه = يهوى المكــارم والعـلوم القديمــه
وبعض البشر يونس براســه زعامـه= لكـن قاسـي الوقـت عـود خصيمه
يا ليت ربـي حـط فــارق عـــلامـــه = بين العفون أهل الـردى والحشيمه
من شان نعرف كل شخص ومقامــه = قبــل انتــوهق مع خبول ٍ ذميمـــه