الاختلاط

المعذره من الكل
حكاية الطروش ذي تراها صعبه ان تطلق الكلمه عليهم
حرام هم مسلمين وكونهم جو من بلاد بعيده حبا في الاسلام وهربا بدينهم من اعدائهم فقد يكونون عند الله اكرم وافضل من كثير من اولاد القبايل اهل الهياط والفشخره
غطا الوجه تراه صار دقه قديمه واللي تغطي وجهها صارت غريبه حتى بنات القبايل الاصل والفصل شالوا الغطا وليت الطرحه تقعد مكانها الاتقول احد يطردها من كثر ما ترجع ورا
على العكس اشوف بنات بخاريات والله لابسات الخمار ولايبان منها نتفه وهي لحالها
واللي يحز في النفس انه بعض الاحيان يكون الاب ماعنده جنسيه سعوديه لكن في المناسبات والاعياد تلقى اولاده كلهم بالثوب والشماغ والدقله ولا اكشخ سعودي وبناتهم محجبات مستورات
وما ابغا اقارن بالسعوديين لانه ماينفع

عموما مصيبة الاختلاط والتغريب ولوي اللسان باللغات الاجنبيه هي محاولات لجعل المجتمع السعودي مجتمع ممسوخ لاهويه ولاعنوان حتى يسهل تدميره والسيطره عليه
وللاسف ان المخطط يسير بخطى ثابته وينجح بتفوق

تحية طيبة للجميع