سـأعزف مافي خاطري على الناي تراتيل حزني ...

بدا جـــو المـدينه يبرد وبدت تبرد مشاعرنــــــا
ترى كل الفصول اربع وحبك فصلي الخـــامس

مـزاجك صار على كـيفك .. يـاليته بس يطـاوعــنا
مادام ان الحـواس خمس انت احساسي السادس

اشوف الجو متقـلب .. وبـدت تذبــل مرابعنـــــا
اشوفك يوم تتــــم زعلان بعد ماكنت مستانس

رياح الشـوق وان هـبت ذراهـا يثير مدامعنــــا
بعد ماكنت لي ظلي وكنت السور والحــارس

تـقول الـوقت مايسمح وصـــــار لازم تـودعــنا
وكم جـربت انا افـرح ولكن هالــزمن عــــابس

نزفنـا دم وبكينـا هـم ولكـــن مين يسمعــــنا ؟
انا والحـزن وسواد الليل صرنا " قروب " متجانس

انـا والـباب والشباك وصـوت الريـح رابعــــنا
سرى هالليل بكل مافيه وانا همي معي جالس

تخيلتكـ تقـول الشوق مصيـره يوم يجمعـــــنا
وتبي مني اشب النـار مادام ان الحـطب يابـس

ونسـيت النار لو شبت خطـر تـحرق اصابعــنا
واعيـش الهـم من ثانـي و ثالـث و رابـع و خـامس