عفوآ ..مســــاحة لأمــي و ..مســــاحة لأبـــي...

- في خيالي

من بحور الشعر واحبار القلم
ضاع لاجلك في عميقه منهلي

يِخجِل المعنى ترانيم النغم
من نشاز الوصف حرفي يخجلِ

ما قدرت اوصفك من روحن ودم
خفت لو باوصفك صرتي رب لي

في خيالي كل مدحن فيك ذم
وفي خيالي كل ماتتخيلي

وش يكون الحسن ؟؟ في حسنك عدم
انتي اجمل دون ما تتجملي

انتي احلي رسم يمكن ينرسم
غير من هو يرسمك ؟؟؟ يا ما اجهلي

وانتي احلى صوت لبيته ب(سم)
كل صوت(ن) يم صوتك ما عِلي

وانتي الحكمه وحكمك ما ظلم
لو بغيتي تظلميني تعدلي

وانتي الدمعه على خد الالم
لا سهرتي لي تراعي دمع لي

وانتي الطهر الموازي للحرم
من بياض السر سرك منجلي

وانتي العشق العفيف المحترم
انتي انقى عشق يعرفه الخلي

وانتي ارضي والسما واعلى نجم
وانتي اكمل بدر وانتي شمس لي

وانتي بعد الله كشاف الغمم
وانتي الجنه وبرّك مدخلي

انتي امي ثمن امي ثمن ام
احمد الله انك انتي ام لي