الأربع بنات

بسم رب البيت جلت قدرته=العظيم اللي تعالت عزته
واحد عمت عباده رحمته=الذي بامره تسير الكائنات
يا لبيب العقل حاول تستمع = قاف بن لقفص يعم المجتمع
المآسي في وسطنا تجتمع=والخلايق في تعايشهم شتات
واحد فيهم حياته عاشها=ما عرف صكاتها وهواشها
دنيته له باسطات فراشها=في حنان وعاش في عز السبات
وواحد ذاق الحياة بمرها=خيرها فاته وصابه شرها
المآسي كل أبوها مرها=عاش عمره بين هاك وبين هات
ودي أحكي عن ظروف مطلقة=وارملة واللي تعيش معلقة
كلهن ظروفهن محلقة=في سراب وما نسيت العانسات
كم سمعت مطلقه يرثى لها=تشتكي يا ناس قسوة حالها
والظروف الكايدة تسعى لها=كنها طافت جميع الموبقات
أسهرت جاراتها صيحااتها=واحرقت لكباد من وناتها
كم لها تزداد في زفراتها=قفلت قدامها كل الجهات
لو نشدناها عن أسباب الطلاق=قالت الرجال وضعه ما يطاق
كل يوم في شجار وفي شقاق=واختلاف في مسائل تافهات
لا بغيت أفهمه لجل اقنعه=كش فيني ثم سكر مسمعه
كلها دنياه صارت معمعة=ون دناه الليل في المقهى يبات
بس بعض الناس عنده قاعدة=إن كل مطلقة هي فاسدة
ويلكم يا اهل النفوس الحاقدة=تقذفون المحصنات الغافلات
قاعدة خابت وخاب أصحابها=والرذيلة لا رحم من جابها
كل عذرى تفتخر بحجابها=ليس كل مطلقة من هالصفات
بعضهن تسوى سرية كاملة=في شرفها في حياها شاملة
بيدها المصحف وهي له حاملة=هي من اللي قيل عنهن قانتات
والبعض لا والله إلا خايبة=عن شرفها عن حياها غايبة
طال ماهي عن خطاها تايبة=اعتذر لو قلت ضمن الفاشلات
وارملة وش ذنبها وش جرمها=بعد فارسها تزايد همها
والنفوس الخايبات تذمها=ليه صارت في عداد الخائنات
ليه ما تقرب وتخطب يافتى=لا متى يحملن أساهن لا متى
ويش بعد الصيف عيرك يا شتى=ساعدوا من هي تعيش الكايدات
ثم لا ننسى ظروف معلقة=كنها في وسط غرفة مغلقة
عائشة في وسط نار محرقة=ما درت وش حالها بين البنات
كم رديْ علق فتاة طيبة=لن نفسه يا جماعة خيّبة
ما لقى شخص صريح عيّبه=لجل يتجاوب بدون معاكسات
والعوانس مشكلتهن مشكلة=كل بيت فيه بنت مركلة
ما لقت رجال تصبح ملك له=الشباب أغلبهم أدمن مسكرات
ودي أساهم بشي من معي=لست أنا ذاك الأديب الألمعي
بس لشكوى توطت مسمعي=واتجاوب لظروف القاسيات
يا رجال اش عذرنا في عرضنا=لا تناسينا مآسي بعضنا
ديننا ما هو فقط في فرضنا=ديننا وصى بستر الصالحات
واجب منا نقف في صفها=كل عذرى يا سنافي عفها
حسب شرع الله شفوفك طفها=لا تخلون العذارى تايهات
التعدد حل يا كل أجودي=والعدالة من تركها معتدي
والبطل بامر المره ما يقتدي=النشامى يصنعون المعجزات
لبن لقفص والحوالي والقصيد=جولة في عالم الذوق الفريد
والقصيد يصاد واحيان يصيد=والجزالة رأس مال المفردات
هذي القصة وهذا نصها=للبنات الأربع ابغى أخصها
في ثناياها قصص واقصها=وقفة للطيبات الغاليات
عارف إني ما وفيت المطلبي=واعتذر للي صديق واجنبي
فالختام أقول صلوا عالنبي= يا حضور ويا جميع الحاضرات

صح لسانك الله يعطيك العافية يا الغالي . ويكفي

هـــــذي الـقــصــة وهــــــذا نــصــهــا
للـبـنـات الأربـــع ابــغــى أخـصـهــا
فـــي ثـنـايـاهـا قــصــص واقـصـهــا
وقــــفــــة لـلـطــيــبــات الــغــالــيـــات
عـارف إنــي مــا وفـيـت المطلـبـي
واعـتــذر لــلــي صــديــق واجـنـبــي
فالـخـتـام أقــــول صــلــوا عـالـنـبـي
يا حضور ويـا جميـع الحاضـرات

اللهم صلِ وسلم على نبينا محمد
صح لسانك ملايين ياشاعرنا بن لقفص
مبدع وجزل ومافيك حيله
بوركت الانامل ياقدير..

صح لسانك وبيض الله وجهك .
اما التعدد فوص والا خل فلا عندك احد .
وياويلك ان كان عندنا شاعرات يردون عليك . ههههههههه

اشكرك يابو علي على ما قدمته وتقدمه للمجتمع .

صح لسانك
وبيض الله وجهك شاعرنا
ابدعت القول
بارك الله فيك

نص مُبد وعالي المستوى ..
كلما رأيت لك نص عتبت عليك في زاوية أخرى وبعيدة عن هنا..
أعرفها أنا وأنت جيداً ..
يا أخي أنت مبدع وصاحب أفكار جميلة حتى في تركيب معاني القصيد ..
دائماً أتمنى لك التوفيق وصح الله لسانك ..
تقديري ..

إذا لم يُبدع فريد القصيد ويحبكه فمن ياترى ؟! كلماتك فاضت بعذب وأندى الأحاسيس حروفك انتشت من عبق المشاعر حلتها ومن عبق الإبداااع رونقها الحق انك كتبت فأبدعت فلله درك موفق يارب اينما حللت متابعين فلا تتأخر بروائعك

المشاركة الأصلية كتبت بواسطة بن ظافر

صح لسانك الله يعطيك العافية يا الغالي . ويكفي

هـــــذي الـقــصــة وهــــــذا نــصــهــا
للـبـنـات الأربـــع ابــغــى أخـصـهــا
فـــي ثـنـايـاهـا قــصــص واقـصـهــا
وقــــفــــة لـلـطــيــبــات الــغــالــيـــات
عـارف إنــي مــا وفـيـت المطلـبـي
واعـتــذر لــلــي صــديــق واجـنـبــي
فالـخـتـام أقــــول صــلــوا عـالـنـبـي

يا حضور ويـا جميـع الحاضـرات

أخي الغالي بن ظافر شاكرا لك حضورك
ومرورك الجميل والذي يزيدني شرفا طال عمرك
دمت بكل سعادة وصحة وسلامة ياغالي

عواااافي شاعرنااااا

حروفك تحمل التميّز
وهنا بين حنايا حروفك
يتأجج ابـداعك وتتـوهج أبجديتك نوراً براقاً
اعجبتني كثيرا كلماتك التي تلامس الابداع
احسـاس يــفوق واقــع الحياة
اقـدم لك احترامي لقلمك المميز
الذي يرسم لنا دائماً اروع الكلمات
سلمت يمناك ودمت على الابـداع
لروحك انفاس الورد

المشاركة الأصلية كتبت بواسطة تَرَاتِيِــــلٌ‏

اللهم صلِ وسلم على نبينا محمد
صح لسانك ملايين ياشاعرنا بن لقفص
مبدع وجزل ومافيك حيله
بوركت الانامل ياقدير..

تراتيل بيض الله وجهك وحياك الله وبياك دائما اجدت مرور فراها امام
متصفحي ويجعلني اشكرك شكرا جزيلا بارك الله فيك وفي حضورك الرائع

،


الشآعر الأديب / محمد بن لقفص ~

نآدر مآنرى شآعراً يروي المشكله ثم يعآلجهآ
وهذآ نهج مٌقل فيه الكثير من الشعرآء ، وهنآ أرى
فوق سبك القوآفي وَ وزن حرف على معنى ، فِكر أكبر
وأعمق من كل تحليل ~

صح لسآنك ، وآدآم الله مصدر هذآ المدآد ~
وَ دمت بِ خير ~