[ بــوح ]..

،



لاتجـي يمـي كفانـي منـك مـاجـا
_ خلـك لحالـك وانـا لحالـي آباجـي

شفي اللـي منـك ارويتـه هماجـا
_من فعالـك ماقـوى حيلـه يهاجـي

الله اقـوى وش بقـى كـود انتفاجـا
_بالجـروح الـي تطَّيـن صبـر عاجـي

كـم رفعتـك وانـت ماتعـلا ارتجاجـا
_ماتخـاف تطيـح يالمضنـون راجــي

غيرتـي للحـب ماتنـشـدك حـاجـا
_ غيـر انـك تجتنـب درب احتجاجـي

وغيري اللي مفتعل فيك المناجـا
_لو صفا لك خير لـك منـه عجاجـي

ولـو يخاشرنـي علـى ريمـان آجــا
_سبـت لـه ريمـان لكـن بـمـزاجـي

مـــن يـحـبـك لاتـبـدلـه بسـمـاجـا
_ذي الحقيقـه مايْحَجّبْهَـا إنبـلاجـي

لعنبو حظٍ على المنكوس داجـا
_ من على رجم الفرح زل اندراجـي

لا اليالـي اسعفـت حالـي بعلاجـا
_ ولا العلاج اللي اعرفه هو علاجي

دام مالي في هوى المضنون باجا
_ اسمع لقـافٍ يغصغـص باختلاجـي

مـا ابـي مـن مزنـكـم مــاءً ثِجَـاجَـاً
_ دام كلـن لـحيـاض الـمـاي لاجــي




،