صُورهُــم تـَ تقاطــر شِعــراً ]

صار الوطن غربه وصار السفر دار
لويـــــن مدري لكـــــــن ﻻ‌ أي ديره

من عاش وقته مايحسب لﻸ‌شــــوار
يضيع مايدري توالـــــــــي مصيره


للنفـــس حــــد ولـــو تعـــــدته تنهار
ماعاد تفــــرق بين خيـــــرن وخيره

بعض العرب في جوفها علوم وأسرار
والله هـــــو اللــي عالم(ن) بالسريره

كم واحد(ن)يشرب قراطيع أﻼ‌مرار
وﻼ‌ كـــن صابه مثـــل حب الشعيره

وكم واحد(ن)لو صابه أدنات ماصار
خلــــى الصغيره فــــي عيونه كبيره

اذا معك دينـــار قــــــــــدرك بدينار
مع أحترامــــي للــــــوجيه السفيره

كب الدﻼ‌ل وصـــك بابك عن الجار
وغير مسمــــاتك وخـــــل العشيره

تلقى مـــع العالــــم معـــزه وتعبار
الطيب تال الوقت أصبــــــح معيره

ماعاد بها الوقت حشيمــــه وتعبار
لو انك أنت شيخ فخــــــذك وأميره

المال يغسل من مـــــــﻼ‌ وجهه العار
والفقر ذل أهل السيــــــوف الشطيره

يحقر اللي ماعلـــــى ساســـــه غبار
ويعـــز من شان النفــــــوس الفقيره

الفقر قصر مــــــن طويلين اﻸ‌عمار
والمال طول فاﻸ‌عمـــــار القصيره

هذا الصحيـــح ولو تجيبون اﻸ‌عــذار
عذر أنسحــــاب القوم عقب الكسيره

الميت له دعوهـ وللكســــــــــر جبار
والهــــــرج ماسر الجروح الخطيره

اللي مشى في عـــــــزة النفس مابار
واللي يذل النفس بايــــــــــع ضميره

قدامنـــا جنـــــه وقــدامنـــــــــــا نار
واللي بغينــــاه الهــــــدى والستــيره


....


طلال الرشيد