صُورهُــم تـَ تقاطــر شِعــراً ]

يا مدور الهين ترا الكايد أحلى
واسأل مدور كايدات الطروقي
الزين غالي لكن الأزين أغلى
ولكل شراي(ن) بضاعه وسوقي
النو أعالي والسماء فوقه اعلى
ولافاق علم(ن) جاه علم(ن) يفوقي
الصعب هلاّ قلت يا صعب سهلا
دامك تبيني انت يا صعب شوقي
أحب عسف المهرة الي تغلى
واحب اروض كل طرف(ن) يموقي
احب اسافر مع سحاب(ن) تعلا
واحب فوق الغيم لمع البروقي
واحب اسامر بدري الي تجلى
وارسم شعاع الشمس عند الشروقي
يا من على ساير فؤادي تولى
خلك على قلب الكرامه شفوقي
أكرم عزيز(ن) بالعمر ما استذلا
يسوق عمره للمشاريف سوقي
اخترتك من الناس للقلب خلا
يا حيثك مرادي وكيفي وذوقي
مارحت ادور كل زول(ن) تحلى
لولاك تسوى ما عطيتك خفوقي

اللي بعدي .. الشاعر

سليمان المانع