وإن مـن الشعر لـحـكمه " يُـرجى المشاركة من الجميع "

فقير

وعندي المال الكثير

فقير

وملبسي غالي حرير

وياصاحبي الحافي الفقير

أبنشدك ... أبسئلك وشهو الحصير ؟؟!!!!


وأبسئلك وشلون أنا آمر وأنهي

وإذا حكيت قبل انتهي من كلمتي

يقاللي سم ويصير


ولاشكيت من غفلتي طوّل زمنها

يقاللي لاتشتكي ماخلقت الشكوى لأمير

وأبسئلك وشلون أنا مع كل ذا

أقول عن نفسي فقير!!


ياصاحبي لاصار للضحكه ثمن

وصارو أصحابي كثيــــــــــــــــــر بس بثمن ..

والوفا مابه وفا إلا بثمن

ابسئلك ماني فقير ؟!


ولاصارت أقوالي حكم

ولاقالها غيري غدت .. حكي قديم

ابسئلك ماني فقير؟!


ولا صرت أنا مانيب أنا

ولاغلطت قالوا صحيح

وكل شي أفعله يصبح عظيم

ابسئلك ياصاحبي ماني فقير؟!!!


وياصاحبي أبنشدك ...

ليمن جفتني دنيتي

وابتدا الدرب الطويل إللى أبد ما ينتهي

وانتهي العز القديم وماكنت أظنه ينتهي

والموت بدد فرحتي ..

وحطوني في قبرٍ صغير

وحزنوا علي وبكوا هلي وناس من ربعي قليل

وارتاح من وجهي كثير ................... !

وبقيت وحدي في حيرتي مابه أحد

لاطال عمرك ولا تحت أمرك

ماغير أنا وخوف ولحد وحساب قدامي عسير



وقتها ذكرت إني من زماااااااااان

يوم إنه أمهلني الزمان

هذا ظلمت هذا جرحت وياما ياما كذبت

وذنوبي ماتحصي كثير



وقتها إلا ندمت ونفسي كرهت

وعرفت إن الله كبير

وإن الهلاك أصبح أكيد

وإني أنا مالي رجا ...

ولاهروب من الدجا ..

من الجحيم ...

إلا بأمل عندي وحيد

إن الله غفار ورحيم

ابسئلك ياصاحبي عني في وقتها

ماني فقير؟!!

السلام عليكم ورحمة الله وبركاته

اشكر الأخت العنااا على تثبيت الموضوع وعلى المشاركه

إلـهُ الـعـالـمينَ وكُلِّ أرضٍ = وربُ الـراسـياتِ من الجبالِ
بَـنَـاهـا وابـتنى سَبعاً شِداداً= بِـلا عـمـدٍ يُرينَ ولا رجالِ
وسـواهـا وزيـنـهـا بِنورٍ =مـن الشمس المضيئة والهلالِ
ومـن شُـهُبٍ تلألأُ في دُجاها = مَـرامـيـها أشَدُّ من النِّصالِ
وشَـق الأرض فانبجستْ عيُوناً = وأنـهـاراً مـن العَذْبِ الزلالِ
وبَـاركَ فـي نـواحيها وزَكّى = بـهـا ما كان من حَرْثٍ ومالِ
فـكُـلُ مـعـمـرٍ لابد يوماً = وذي دُنـيـا يصيرُ إلى زوالِ
ويـفـنـى بـعد جِدته ويبلى = سوى الباقي المقدس ذي الجلالِ
وسِـيقَ المجرمون وهم عُراةٌ = إلـى ذات الـمـقامعِ والنكالِ
فـنـادوا ويـلَـنا ويلاً طويلاً = وعَـجُّـوا في سَلاسلها الطوالِ
فـلـيـسوا ميتين فيستريحوا = وكـلـهـمُ بـحر النار صالي
وحَـلّ الـمـتقون بدار صدقٍ = وعـيـش نـاعمٍ تحت الظلالِ
لـهـم مـا يشتهون وما تمنوا = مـن الأفـراح فـيها والكمالِ

هذه القصيدة لأُمية بن أبي الصلت

وهو أمية بن أبي الصلت بن أبي ربيعة بن عبد عوف من ثقيف كان يقرأ الكتب المتقدمة من الله عز وجل ورغب عن عبادة الأوثان وكان يخبر بأن نبياً يبعث قد أظل زمانه ويُؤمل أن يكون ذلك النبي فلما بعث النبي كفراً حسداً له .ولما أنشد رسول الله صلى الله عليه وسلم شعره قال (( آمن لسانه وكفر قلبه )) وكان يحكي في شعره قصص الأنبياء ويأتي بألفاظ كثيرة لا تعرفها العرب يأتي بها من الكتب المتقدمة