كيـد للكــايد

كيـد للكــايد


يامرحبآ بك عزيز وماتبي حاضر
مثلك يلـبى ولجـلك نكسـر الخاطر
ياصـالح الله يحيي قـلـبك الطاهر
ويوفقك ياسفيـر الخيـر وشعاره

عندي امانة لحق الناس من جالي
ماطـيـع انا كـل متفهمن ومحتالي
باعـيش وقـتي وفـيه الخيـر ينقالي
والـراس يفـداه نـاس فـيه محتاره

ياصـاحـبي ماغـفلـنا كل مستغفـل
الراس واعي وبعض الناس يستهبل
للموت جانا يصيح وكان مستعجل
واليوم حان القصاص وضاعت اخباره

والناس لو مالخيانة الله اغناها
عاشت سعيدة وشفنا حلو مبناها
لكن توالت وما عرفت لمجناها
والكل منها تعدا حق مقداره

والـوضـع فـيه التباس وكيـد للكــايد
وظـروفـنا مايجمـل فـيـدهـا الفــايد
وحقـوقـنا ضايعـة والغـبـن فالعــايد
والوقت خاين وبعض الناس غداره

اقـــوم وانـا مـع نــاس تـحــداني
لـكـن ضعيفـة ولا تقـدر تـعــداني
الجهــل مـوالهـا والعـلـم مـيــداني
والحرب قايم وعيت تنطفي نـاره

ماتعرف اصحابها من جملة اعداها
باشد حيلي معها وتحداها
واخالف اعلومها ولا اتقداها
امنت بالله مع من فيه كفاره

وابن ادم ان كان ماهـو متقـي ربه
يشغلك دايم وفي سلمك يجي حربه
مـوذي وتكفى دخيلك لا تجي قربه
وانبه تجي صاحبـه ولا تجي جاره

ماعاد به واحـد بنقـول يا زينه
واللي مضيع حياته ضايع دينه
من يتبع النفس ماتهواه بيهينه
وبليس شيخ الفتن والجاهل احماره




هذه القصيدة
موجهة للاخ العزيز
صالح ال فارس
واطلب منه المعذرة على التقصير
كونه رجل فارس وبن فارس
ويستاهل من الخير الكثير
ولا يجهله الا كل فاجر بطال
وهي بمثابة اعلان موقف
وقيام الحرب على الخفافيش
ابو محمد
الله يعطيكم العافية
وشـكــ وبارك الله فيك ـــرا لك
ولك مني أجمل تحية
ولا هنت



من اقـــوالي