مواصفات عروسة

سلامي عدّ ماهلّت .. غيومي وامطرت بالنـار = على دنياي وابتلّت..ثيابـي بالهـوى الكـاوي
مابـي مـن بنـات اليوم..بنـتٍ قلبهـا دوّار = بنتٍ عندهـا قربي..وطـول البيـن متسـاوي
ابيها لقمّتي تعشق..وتقطع في هـواي اسفـار = ابيها في الهوى تغرق..وتشوا به وانا الشـاوي
ابيها للوفاء معنى..اذا صـار الزمـن غـدّار = ابيها تهجر المغنى.. ولا تاكـل وانـا طـاوي
ابيها تلملم جروحي..ولا تسأل وش اللي صار = ابيها توأم لروحـي.. اذا صـار القـدر لاوي
ابيها تسير في دربي .. ولا تسأل عن المشوار = ابيها تقتحم حربي..تضـمّ الجـرح وتـداوي
ابيها في الحسن آيه..اذا خذنا الحسـن معيار = ابيها ترسم التايه..على وجهـي وانـا ثـاوي
ابيها جوهـرة تلمع..بيـاض ورقـة الابكـار = ابيها من الدلـع ادلع..ابيهـا ريحـة الجـاوي
ابيها تحكي وتحكي..وتحكي لي حكايا صغـار = ابيها لا حكت تحكي..عيونٍ صارت الـراوي
ابيها واحدة تجلس ..ويجلـس قبلهـا الطيّـار = طويلٍ في السواد ادمس.. على اردافها هـاوي
ابيها ترمي اللثمـة..ولا تلبـس نقـابٍ ٍحـار = ابيها تمطر الحشمة..على ذيب الفـلا العـاوي
ابيها تلبـس الغطوة..وعزّتهـا هـي الستّـار = سواد الليل ملبسها..وجوهرها هـو الضـاوي
ابيها تكـون عمريّة..وبيـتٍ بالكـرم عمّـار = ابيها تكون نشميّـة..ولا عـن دونهـا نـاوي
ابيها تكون سلّطانة..سلاطين الجنـوب كثـار = ابيها تكون ريّانة.. اذا قالـوا الغصـن راوي
ابيها تكون شيهانة..واكون لوحـدي الصقّـار = ابيها تكون طربانة..اذا قلت الطـرب هـاوي
ابيها تصبّ لي القهوة..وتوقف عند راسي يسار = ابيها تمتلي نخوة..ولا تشكـي مـن الكـاوي
ابيها تتبع الموضة..وتسمـع آخـر الاخبـار = ذكية تاخذ اللي به..صـلاح وتتـرك الغـاوي
ابيها تجهل الكورة..فلا تدخل معايـه شجـار = وتبدأ المشكلـة الكبرى..هلاليّـة ونصـراوي
ابيها ملهمة لا قلت..شعـرٍ جاوبـت بأشعـار = ابيها ملحمة لا جار.. ذيبٍ في الخلا الخـاوي
ابيها خادمـة لا قلت..أمـرٍ جاوبتنـي صـار = ابيها حاكمة لا صار..شـوري للدنـا نـاوي
ابيها طفلةٍ تلعب..على خـدّي تخـطّ ازهـار = ابيهـا دمعـةٍ تتعب..ابيـهـا ملـجـأ الآوي
ابيها تحترق غيرة..اموت بهاجس اللي تغـار = تموتني اذا شافت ..عيونـي لغيرهـا تـاوي
ابيها تحتمل نوحي..اذا عربد جنونـي وثـار = ابيها تحتوي بوحي..اذا ضاق الفضا الحـاوي
ابيهـا تعتـرف اني..حـرّ وسيّـد الاحـرار = ابيها تعترف اني..عزيـز النفـس مأسـاوي
ابيها تعترف اني..وقفـت ولا وقـف شعّـار = ابيهـا تعتـرف اني(محمد)والهوى قـاوي

قصيدة رائعة أخي محمد 000

الله يرزق الجميع ببنات الحـــــــلال 000

اسمح لي بنقل موضوعك لمنتدى الشعر والخواطر المكان المناسب له 000

ابيهـا تعتـرف اني..حـرّ وسيّـد الاحـرار ابيها تعتـرف اني..عزيـز النفـس مأسـاوي
ابيها تعترف اني..وقفـت ولا وقـف شعّـار ابيهـا تعتـرف اني(محمد)والهـوى قــاوي
هلا فيك ابو حميد وحر ولد احرار والله واللى مو عاجبه الطوفه
اشكرك على ما ذكرت
اخوك المسكت

اخ محمد اشكرك على هذه القصيده ولكن في احلام اليقضة بالموصفات التي طلبتها


تقبل تحياتي




محبكم / السليماني

صح لسانك اخي محمد فعلاّ ماشاء الله تبارك الرحمن

مشاركة تجنننننن يعطيك العافية وما اقول الا الله يرزقك ببنت الحلال

الي تكون شامله ولو بعض ماكتبت
ابيها تكون عمرية وبيت بالكرم عمار....ابيها تكون نشمية ولا عن دونها ناوي
ابيها تكون سلطانه سلاطين الجنوب كثار....ابيها تكون ريانه اذا قالو الغصن راوي
تحياتي
دلع

الحقيقه لفت نظري اسم هذا العضو حيث تم تسجيل 17 عضو عن طريقه
ولما بحثت في ملفه لم اجد الا هذه القصيده له
فمن باب الشكر له احببت ان ارفع هذا الموضوع للاطلاع
ولعله يعود ليشاركنا من جديد فهو من اقدم الاعضاء في المنتدى
وكذلك القصيده مميزه
تقبلوا خالص المودة
ابو عبدالله

حــــــــلوتن

صح لسانه/

لو ما كتب اسمه قلت هذي من قصايد حامد ذيد............................

نفس الشيء يا صالح ..تتبعته من خلال أكثر الداعين ...!!!
ومن خلاله ملفه لا يوجد إلا هذه المشاركة المميزة ...
فأتمنى أن يعود للمشاركة بقصائد مميزة مثل هذه القصيدة الجميلة ...
صح لسانك يا محمد ... وأتمنى لك التوفيق والسداد ...

طلعه

يا شايل الظبى بين ايـــــــديــــــــه....
....يستاهل الظبى من شااااااااااله

بالهون بالهون يا مغليه
معطيك ظبى الفلااا حااااله