الــســـو ق

السوق .. أنا طالبك جنب عن الســوق=ماحــــب ســوقٍ فـــيه تلـعـات الأعـــناق

إن كان لك حاجه ترا السوق ملحوق=ياكـــثر لا قالـوا محـــلات الأســواق

وش لي بســوق فـــيه أبوخصـر مدقوق=نواعــــم الأصــوات خدرات الأحداق

الـمــوت .. لازاحـمت أبو نهـد منتوق=مـــــا بيني وبـيـنـه سوى خــــامٍ رقاق

وأشــم ريـح الـعـطـر ويحـرك الشوق=ريـحٍ تخـلي قـلـوب الأطــفــال عـشـــاق

يـقــرب وقـلـبي يـرتـفـع شـــوق وخفوق=بـكـفٍ وخــــدٍ يشـبه لـشـمس الإشراق

إلــــيــا نـظـــرني نـظـــرةٍ نصـفـها بوق=وصـــد بخجل كنه نوى القلب بإحراق

وأقـفـى وهـو ياطـا على الأرض برفـوق=يهـز ردفـــه ناب الأرداف بإرهـــاق

ورى الـعـــباة مــفـصــّـل الوســع والضوق=بالصــــدر والـردفـــين مـلـبـوسـها ضـاق

تـسـتــعـرض بجسمٍ من الحسن مخلوق=وأنا بـقـلـبـي شــي مــــا عــــاد ينطاق

كــنه يجــر القلــب معــلــوق مـعـلـوق=وعقلي هــو اللي مـوثــقٍ شــوقـي إوثاق

لـولا الحــــيا لأقبل على الغرو مطفوق=وأطـفـي لهـيـب الشــوق نظرات وعناق

قلـبـي طفــل لاحـــب مـا يـعــرف الذوق=يجــي وأجـــي وإيـاه مــغـــرم ومـنـــسـاق

قلبـــي إلــــيا مـــنه تــــولـــع بـمـعشوق=مالـــي دواء مـــنّه ســـوى مـزج الأرياق

هـــذا بلاي .. وكان قلبك له سبوق=قلـبـي وحــــش على مـشـــاهيه خـفـاق

إقلـوبـنا يا صــاحـبـي بـيـنـهـا فـــروق=وأنظـــارنا لـهــــا إخــتــيــارات وأذواق

أحــدٍ عـــيون الغـــيد تترك به حروق=وأحــــدٍ تمـــره مــــثـل تقــــلــيب الأوراق

يا صــاحـبــي مــنت بعلى السوق مزنوق=حــــاجـــاتـنا نلـــقاه في غــــير الأسواق

مــــــــؤشــــر الـراحــــه معــي مرتفع فوق=جـــنــب مـــادام الشـــوق غافـي ولا فاق

ياصـاحـبي شـر الأمــاكـن هـــو السوق=وشـــر الرفـــاقه صــاحبٍ سيئ أخلاق

مما راق لي

ذوقك عالي يابن ظافر لاهنت ولا هان قائلها .

ابو فهد تشرفت بمرورك الغالي الله يعطيك العافية

الله يعطيك العافيه
سلمت يداك

عــذبــة الـــروح.. اسعدني تواجدك الكريم بارك الله فيك

الـمــوت .. لازاحـمت أبو نهـد منتوق=مـــــا بيني وبـيـنـه سوى خــــامٍ رقاق

وأشــم ريـح الـعـطـر ويحـرك الشوق=ريـحٍ تخـلي قـلـوب الأطــفــال عـشـــاق
الله عليك
يابن ظافر
ابيات قمة الروعه والجمال
واختيارك
وذائقتك دلاله واضحه
على ذوق الراقي
لله درك يارجل

المحمدي.. تسلم وتـدوم يا الغالي الله يعطيك العافية

رااااااائع
بن ظافر
تسلم الايادي

مودتي

ابو زياااد2009..الف شكر للمرور الكريم الله يعطيك العافية