هـو العيب في بن ظافر

بسم الله الرحمن الرحيم

اسعد الله أو قاتكم بك خير احبيت في موضوع حصل لبن ظافر لكن مدري وش اسمية {هل خيانة للامنة أو لا مبالة }

الموضوع قدر الله على بن ظافر واشترى جهاز جديد بعد ما راح جواله تحت الرافعة كأنه من صيد العام

الشاهد إنني طلبت من صاحب المحل نقل الأرقام إلى الجوال الجديد قال بـثلاثين ريال قلت ابشر اخلص نقلها

الرجال ورحت البيت ماشي خمسمائة على رجولي المحل خلف البيت فتحت إلا سماء وجتها {1675}

ألف و ستمائة وخمسه وسبعون رقما ميزة الجهاز انك تمسحها واحد واحد غصب مافيها حل رجعت شكيت له

الحال مسترحم حالتي قلبي عليه قلبت عليه ومع اثنين شباب نفس ألمشكله وقلت هذه تسمى خيانة وأنت في

رمضان خاف الله في أسرار الناس أتمنوك عليها وشغال توزعها دخل صاحب المحل يأخذ الغلة سمع المشكلة

قال ابشروا ومسح الأسماء الموجودة في ملف النقل واعتذر الرجال بكل احترام

هل هـذه ألمشكله خيانة أو استهتار اوقله معرفه من أصحاب الجوالات مثلي ما يعرفون

ينقلونها هـذا والله يعطيكم العافية ويتقبل منا ومنكم صيام وقيام هذا الشهر المبارك ::ارقامي 365رقم وشوفوا الفرق

اكيد العيب فيك يوم تشتري جوال ولا تعرف تنقل الارقام كان تعلمت وانت الشاب المتعلم .
الى متى ونحن نعتمد على بنقالي لم يعرف الاجهزة الا عندنا اصلا .
اعذرني يمكن ما يعجبك الرد لكن رايي .

هههههههههههه الله يسعدك يا الغالي كلمة حق ولا فيها زعل

نعم العيب في بن ظافر هذه المره ، أولاً أستغلك بنقل الأرقام بمبلغ ثلاثين المفروض بأقل من ذلك أو ببلاش ، وثانياً إن وجدت أرقام غير أرقامك أو مكرره الرجوع له مرة أخرى وإبلاغه بالمشكله وفرمتته من جديد بما الجهاز جديد ، وإذا رفض صافق بجوالاته في راسه ورمضان كريم ، ورح فرمت وأنسخ الأسماء مرة أخرى عند أحد أقاربك أو من تثق به ، وعفاك ..

#
















هههههههههههههههههههه..
والله كان ودي انككـ انت ناقلهم اانت بنفسكك لاتثق بااحد ...
احسن شي الواحد ينجز شغله بنفسه ,,
بس شكل البنقالي فيه غباء زايد قال يكحلها عماها ..
بعدين الحمدلله يعني انتهت المشكله
وكلن وضميره ..
مانتهم احد والله يسسسامحح الجميعع ..
وتقبل مروري وثككرا ..

شوف طريقة النقل تكون من ضمنها نقلها على الكمبيوتر ومن ثم الجوال ممكن يكون غلط وش يستفيد من الارقام هوه الخسران في الاتصال.

والطريقه سهل في نقل الاسماء إذا كانت قليله.

تقبل مروري وردي

الله يسعدكم ويعطيكم العافية جميع على تشريفكم الكريم

بصراحه الخطا 100% على بن ظافر لان نقل الاسماء ما تحتاج مساعدة اي شخص ..

عادة الجوالات الجديدة تأخذ وقت حتى يتعرف عليها صاحبها

ونقل الاسماء من جوال الى جوال ماهي مشكلة لو تفرغ لها الواحد

لكن اذا كان هناك مشاغل أهم فلا يمنع ان يستعين باهل الخبرة

ولا اطن انها خيانة فلامصلحة لهم في نقل ارقام الغير الى الجوال

لكن قد تكون بالخطأ

ومبارك عليك الجوال الجديد

ياهوووووه وشفيكم على بن ظافر مسكين على نياته ..

شكل اللي بالمحل متعود يجونه ناس قاصدين يبون زيادة ارقام لجوالاتهم وفكر ان بن ظافر منهم ياحليله

هذا رايي انا .

الف شكر لكم جميع الله يعطيكم العافية

ويبارك فيكم وصار درس توبه لو كنت اسجلها واحد واحد

الغلط في الشركه المُصنعه للجهاز
المفروض صنعت لبن ظافر جوال خاص يحمل نفس الارقام اللي بجواله اللي من صيد أمس

الخطاء على الرافعه 100%

اما الخيانه والتلاعب فحدث ولا حرج ليتها على ارقام وجوالات

الخطأ نقع فيه جميع ومن أخطائنا نتعلم ..موفق ومبارك عليك جوالك الجديد ..

يعطيك العافية معالي المدير

المصيبه ان الجوالات تمر من عندي ونا من يعدل اسماء الشركات المجيره لكن وش تقول ؟؟

يـمك دروبي.. اسـعـد كم الرحمن على تشريفكم الغالي . الله يبارك فيك ويعطيك العافية