الــبــدو شــدو

خليك جنبي يا منى الروح شاريك
عمري ثمن جلستك يازين مره

يا فرحه المحزون ياحلو طاريك
يا بلسم للقلب لي جاه سره

اشغلت فكري والتفاكير تحويك
ما بين هوجاس وفكر يجره

تبحر طيوفك والبحر ما يجاريك
والقلب عايم والمراكب تمره

غارق بدونك يا هناء من يلاقيك
يا سعد عينه من تحضنك دره

مصيونه فالبحر واليم حاميك
ما يا صلك غواص لو عاد كره

ما كنت غواص ولاجيت ناصيك
مير القدر درب وكلن يمره

في حسبه العشاق رقمي منافيك
ورقمك صعيب ما توقيت شره

زايد وناقص والحواسيب تخطيك
ومحد قراء رقمك وعود يكره

لاكن غرام زلزل القلب واطيك
فيه انتثر دمي ولينت قبره

ما بات من دونك ولو بت ناسيك
اللقاء كوابيس ونومي مضره

اسهر واخلي حاير الشوق لافيك
والعين ترقب في سهرها مسره

والبال واسع والغلاء لك يبديك
والقلب يمك والمحاني تبره

العام قلبي له فوانيس وتريك
واليوم واهاجك ذبحني بحره

ياقلب مرباعك على كيف غاليك
واليوم خلك اللحق القلب ضره

ياما تبعت البدو وانزل حراويك
والبدو شدو واتبع الدرب جره

وانزل بمرحات من العام وارجيك
علك تمر اليوم وان بت بكره

ما بين شوق اليوم والقلب حاويك
وما بين عمر ضاع والشيب بره

ياهاجسي خلك عن الوم وش فيك
لا تلعب بمخي وفكري تفره

ان طالت الايام والحب محفيك
وان عافك الخاطر على الحب صبره

ان بار بك خل من العام مرضيك
اصبر وخل القلب يوريك قدره

وان عشت يا راسي لعلي مراقيك
واحط لك قدر ترى الناس تشره

وان مت ياراسي ترى الكل ناسيك
في حفره ما بين نار وقصره

مير الرجاء في اللي عن الناس مغنيك
اللي يمد العمر ويفك عسره

أرجو أن تليق بذايقتكم الغالية

الشاعر..سعود الأحمد

إختيار رائع وذائقه مميزه
سلمت يداك؛الله يعطيك العافيه

متصفح عبق وجميل
حضورك غيم وحروفك مطر..

عــذبــة الـــروح.. شرفني مرورك الكريم الله يعطيك العافية

يـمك دروبي.. الف شكر للمرور الكريم الله يعطيك العافية