سلسلة أحاسيس . . . راجي الوصل !!!!!!!!!!!!!!!!!!!1

. . .
. .
.
تجدون هنا بعض مشاعري وأحاسيسي اقرأوني من خلالها :
.
يابنت حبك ساكن ٍ في ضميري
ياكيف ما احبك وانا فيك مفتون
.
رهنت لك مستقبلي والمصير/ي
تفداك روحي والاجاويد يعطون
.
انا احبك لاتحبين غيري
وانا ادري ان طلابتك فوق مليون
.
لكن مهما عبّروا ياعشيري
ماجا غلاهم ربُع ماهم يقولون
.
عليك دربي والخُطا في مسيري
اجيك لو بيتك يقع بآخر الكون
.
اجيك لو دربك صعيبٍ عسير/ي
ما اطاوع اللي ردني لو يردون
.
وان ماقويت المشي والله لاطير/ي
واجيك بعد اهلك وربعك ينامون
.
واخلي اللي مستحيل ٍ يصير/ي
لو قالوا اني صرت في الحب مجنون
.
خليت راي اللي خبيرْ ومشير/ي
قالوا بعيدة قلت ياليت تدرون
.
ماقد دروا باللي سكن في ضميري
ولادروا اني معذبْ ومفتون!
.
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــــ
.
يا ويل حالي الا ويلاه
من شي بالروح مشقيها
.
كم لي اجر بحداي الآه
آهات قلبي واغنيها
.
راح الحبيب وترك ذكراه
ذكرى ولا نيب ساليها
.
ان قلت انا باتركه وانساه
صورته ما نيب ناسيها
.
انا اشهد ان الجفا ماساة
يسهر عيوني ويبكيها
.
نار كوتني بعد فرقاه
ما حسها كود واطيها
.
فيا ويل روحي الا ويلاه
من صدتك يا معنيها
.
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــــ
.
وين انت يا اللي عذابي فيك
اثر على قلب مجنونك
.
يا وين هي ديرتك واجيك
قلي وانا اكون ممنونك
.
مغليك واللي خلق مغليك
يا جعلني فدوة عيونك
.
يا وش تبي يا الوفي . . واعطيك
ماعاد لي فرحة بدونك
.
انا ليا احتجتني باجيك
وانا على الكايدة عونك
.
والله لابيعهم واشريك
واحط روح الغلا دونك
.
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــــ
.
لبى الثنايا الفُـرق ما احلاها
ولبى ابتسامتها ليا ابتسْمت
.
ولبى شفاة(ن) والعسل ماها
ولبى عيون(ن) بالحلا انرسْمت
.
احبها يا ناس واهواها
الروح وحدة بيننا انقسْمت
.
ما هيب تسلاني ولا اسلاها
والمسألة في حبنا انحسْمت
.
عاهدتها لا اجفا ولا انساها
اللي علت بالذوق واتسْمت
.
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــ
.
مجالسي جنوبي :
.
البدع :
يا بنت ما عاد لي في الوصل شف ونية
هيا ابعدي عن طريقي واتركيني وروحي
غلطتك ما اظن تمحاها الليالي والايام
لقيت غيرك وحبي والغلا والرجا . . له
. .
الرد :
يا حي من فزعته للناس ماهي ونية
هذاك انا افداه باموالي وعمري وروحي
ياليت بيني وبينه دوم جَمعة وليّام
يا حي راعي المبادي والوفا والرجالة
.
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــــ
.
لعب جنوبي :
.
البدع :
كل يوم ٍ اصبّح في هوى المزيون وارتاح . . بالله ودوا سلامي يا الذي له رايحينا
.
الرد :
كل ما قلت بانسى داعج العينين وارتاح . . اتذكره لاشميت برك ورياحينا
.
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــــ
.
قاف عرضة جنوبي :
.
يا اللي توريني من البُر عيّـنة
وتقول بُر الكيس كله سوى سوى
يوم فتحت الكيس حصّلت شي ما يسوى
والحب في داخله ماهو سواسية
.
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــــ
.
موقف :
.
يا اللي بسوق اصداف تمشي وتختال . . وتهز هز ٍ ما حصل في المراقص
.
انا ادري انه كِبْر يا لابس الشال . . لكن ترى صاحبك ما هو بناقص
.
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــــ
.
رسالة :
.
لا أعلم أأخاطب فيك الأنين أم أخاطب الأنثى ؟ !
ستقولين لافرق !
وأنا أعلم أنه لافرق !
وكيف لا أعلم وأنا أعرفك تمام المعرفة !
أتعلمين لماذا يجذبني طيفك ؟
لسبب واحد فقط . .
الا وهو أنك لستِ بعيدة عني فتعجز أذني عن سماعك !
وتتعب رقبتي من إطالتها لأراك !
وتتعب حنجرتي للرد على ذلك البوح الذي أسمعه بكل وضوح !
أنتِ قريبة إلى الدرجة التي أراكِ فيها تقرأين الآم القلب . .
وانا هنا لا أقصد آلآمي أنا !
بل آلآم تلك الأنثى التي أعارتني إياها
ويبدو أنها لاتفكر في استعادتها ومعها كل الحق ! ! !
. . .
. .
.
ــــــــــــــــــــــ
محبكم / راجي الوصل
على الفيس بوك :
.
http://www.facebook.com/profile.php?id=1383061321
.