!! وادي البــوح !!

قلب الهواوي بدوي
اذا لقي الربيع ربّع واذا اجدبت الارض رحل
يتابع الوسمي ويسعى وراء البرق

اليومين هذه الصمان ممطورة
يازين مرابعها وربعها ,, فلة احجاج !
بسـ البروق فيها خطيرة للي قلبه ضعيف وبعض البروق يفلق الصدر
رفيقي يقول مشينا , كل ما لاح طرف عفوا اقصد برق اشتعل صدري
قلت .. دامكـ مطوع وتحب اللعب الجنوبي ,,
خذ هذي طال عمركـ

الغيـــوم اشتكت نوض البــروق المشـعلية
كل مانـــاض فيها بــارقٍ يتـــلافظ المـــاء
قال وهذا ردها ..
ماعاد ادري وش الواجب لي آنا وش عليه
وانت يا صاحبي ذا هبتني باتــلاف ظلمـاء

بعدها مشينا عائدين للرياض
وفي الطريق يســألني .. انت ماحد مالي عينكـ ؟ قلت إلا ! بسـ قلبي بدوي رحّال !
وانت قلبكـ حضري اذا سكن ما يرحل ولو كان قصره ما يوسعه
سمّعته هذه الشيلة عن حال البدو الله يعينهم
والمشابه لحال بعض القلوب !هنـــا
الحين ودنا ننـــــــام ,, فبـــــاكر دوام
ويا مسهل

.