الهيئه تفتح الباب للمغازلات ؟

ابو بندر
السلام عليكم
اعتذر لاني من زمان ماشفت الموضوع ولاكملت تعليقي
هي اسمها هيئة الامر بالمعروف والنهي عن المنكر يعني الامر بالمعروف اولا ثم النهي عن المنكر
طيب وشهو المعروف اللي يؤمرون به ؟ ووشهو المنكر اللي ينهون عنه ؟
من الموضوع عرفت ان المسألة تتلخص في منع الغزل او المعاكسة ؟
بس ؟ هذا هو الامر بالمعروف والنهي عن المنكر ؟
يعني الاسواق خلت من المنكرات مافيها الابنت كشفت وجهها والا ولد يطاردها ؟
مافيه منكرات ثانية ؟ مافيه غش مافيه كذب مافيه سلع مقلده تباع على انها اصليه ؟ مافيه تدليس مافيه اي ذنب اخر في الاسواق الا المغازله ؟
خلونا واقعيين
هل المجتمع مره بريء والمغازله ماتحصل الا في السوق ؟
صدقوني ان اكثر الناس براءة ومساكين هم اللي يروحون يغازلون في السوق
لان المجرمين الحقيقيين مسوين لهم شقق وبيوت دعاره واستراحات وفلل والشرطه والعاملين فيها يعرفون باللي اقوله
يعني المنكرات الحقيقية مابتكون في السوق قدام الناس لكن لها أماكن الهيئة ما تشوفها
الذنب اللي قدام الناس ماهو بحجم المصايب اللي تصير من تحت لتحت واللي وصلت الى مراحل تجنن من يفكر فيها .

ليتهم ما يطلعون من الاسواق لكن مايكون دورهم بس مطاردة المغازلين والا اللي تكشف وجهها
يجب ان يكون دورهم في الامر بالمعروف وحماية المجتمع من المنكرات اللي تدمر الشباب وتجيبهم لورا
لازم يخلون الشباب يحبونهم مو يخافون منهم
يعني الان نشوف الشباب يسوون غلط واذا شافوا المطوع توقفوا خوفا منه وليس احتراما للدين
ليه يكون منظر الهيئه مرعب في السوق مايكون محبب ولا احد يبغا يشوفهم
لانهم بس يخوفون وينفرون
المخطئ عادة مايحب اللي يحاسبه على خطأه لكن ممكن يسمع له لو كان يحبه ويخاف عليه
وهذا اللي نبغاه من الهيئه انها تحمي الناس والشباب بالذات لايخوفونهم لايخلونهم في ظل المؤثرات اللي تحيط بهم من كل مكان
انهم مايلاقون حامي لهم من الناس خلوهم يحبون الهيئه ويعرفون ان الهيئه تأمر بالمعروف اولا ثم تنهى عن المنكر
يجب ان يكون مبشرين لامنفرين
نحن في زمن صعب ولو نفرنا اولادنا في البيت والسوق وكل مكان فالجحور مفتوحه لهم بكل حب وهي في كل مكان وانزلاقهم لها سهل جدا
يارب تكون فكرتي وصلت
واذا لقيت وقت رح ارجع اتابع
كل الشكر والتقدير ودمت طيبا