ومـع آخــر بــيـت فجــرها(تـرى صبري طـفـح كـيـلـه) ...

عزوفــك ليــه ياحــرفي تعـــال وفجـــر الأبيــات =تــفجر لعنبـو جـدك تـر صبــري طفـــح كيــــله
تــعال وجنــدل المعـنى على صـدر اللحـن إثبـات=تــعال اضبـط لـي الـقاف وتـعال ابـدع مـواويــله
خذ أيامي من أولهـا مـع الحاضـر مع اللـي فــــات=قــل الفـارس كسـر سيـفه قل الفـارس قتــل خـيـله
قسـم باللي رفع سـبع وبسـط سبـع وخـلق بــي ذات=بــأن الكـون ضـايـق بـي مثـل ضيـقـة بـهــاذيـلــه
كـأن الـوقـت لـي شيخ ٍ وأنـا سـنـيـنـي هـي الـزلات =وكـأن الـوقـت لـه دمـعه وأنـا دمــعـي مـنـاديـــلــه
أخـذت من الحـزن واقـع وأخـذت من الشــقاء إثـبات=ومشـيـت الـدرب ماأمـلـك سـوى لـعـنة مـجـاهـيـلـه
طـموحـي صاح ينـخاني وأنا الـعاجز عن الفـزعـات =ياكـيف أفزع وأنا همـي رسـم عمـري عـلى إكـلـيـلـه؟
(أفـا)ماتــنـفـع اللـيـلـه ولا تـــنــفع بــي الـــشـرهـــــات=خـلاص ارجـوك تـفــهـمـنـي (أفــا) ماتـنـفـع اللـيــلـه
فــــدى ياقـلـب ياقــلبــي نعيــش ونـعــتـبـر أمـــــــوات =ولا نـبـكـي عـلى وقــت ٍ ضــحـك فيـنـا مـهـابــيـلـــه
تـعـبـت الـيوم يـاحـرفـي تـعـبت ألــبس مـن النـكـبـــات=تـعـبـت أشــره عـلـى حـظ ٍ طـفـت كــامــل قـنـــاديــلـه
تـعـبـت وطـالـبـك تـكـفـى تـفــضل وأخـتــم الأبـيـــــات =ومـع آخــر بــيـت فجــرها(تـرى صبري طـفـح كـيـلـه)

تعبت وطالبك تكفى تفضـل وأختـم الأبيـات......... ومع آخر بيت فجرها(ترى صبري طفح كيلـه)


إبداع جديد من إبداعاتك المتألقه ...

أعذرني أخي " الحب الحب " فلست من يقيم أداء الأستاذ المبدع ..

ولكن أحببت أن أعبر عن ما بداخلي من تأثر بهذه الإبداعات المتكرره ..

أتمنى أن تستمر ووفقك الله للمزيد من الإبداعات : ما شاء الله تبارك الله ..


تعبت وأنا أنظر وأتأمل جمال هذي الأبيات ............ ومع هذا الحس يا ثقل حمل القلب يا كيله


أخوك / راعي الأوله .