سجل اطرف طيحة

هلا والله بمسكت الجميع هلا وهلا

اما حكاية ابواب القزاز فيا كثرها لكن هذا يذكرني بسالفة فيها قرف شوي وارجو عدم المؤاخذة
هذا شايب في الديرة كان زمان يمشي بالهايلكس على الشارع العام وطبعا ماشي دائما في الواحد واذا اسرع حطها في الثاني
المهم انه غث الناس يبغون يتجاوزونه وما اعطاهم فرصة لزحمة السيارات في الاتجاه المعاكس
وكان فيه واحد وراه يبدو انه مستعجل شوي .. قام علق البوري على الشايب يبغاه يزيد السرعة او يلف يمين ويعطي مجال للتجاوز
والشايب المسكين انفعل وارتفع ضغطه من ذا البوري اللي ما وقف
واول ما جات الفرصة للي وراه تجاوز ويوم صار بجنبه على اليسار حاول الشايب انه يعبر عن صخطه وامتعاضه فملأ فمه وبصق ( اكرمكم الله ) باتجاه السائق الاخر
ولكن حظه العاثر ان القزاز كان مقفل وبالتالي لم تتعدى بصقته ارنبة انفه
فعاد المسكين واخذ خرقه او منديل لينظف القزاز ... واثناء عملية التنظيف فقد المسكين السيطرة على سيارته وانحرفت خارج الطريق وانقلبت قلبتين خرج منها ولله الحمد سالما

( طولت عليكم ومصختها باللغة العربيى الفصحى ... اللي ما تتفق مع الرجة والصرقعة )

تحياتي لك مرة اخرى ايها المسكت الغالي