|
سجل اطرف طيحة
احلى تحية لاحلى مبتسمين
اللي يهربون من المنتديات الى الوناسة وسعة الصدر موضوعي لكم اليوم هو عبارة عن نقش ونبش في الماضي طبعا كل واحد منا حتما ولا محاله سبق له ان وقع على الرض يعني طاح او( تخرفع) يعني تعرقل في شئ ما ويا ليت كل واحد يدون اطرفها وعني انا سوف ابدأ بموقف بسيط والمواقف ان شاء الله سوف تتوالى ايام الدراسة في الجامعة في الظهران كنت عازم شلة من الشباب في مطعم هندي اسمه كبانه في الخبر المهم كنت مشخص وما احد قدي ,, رحنا وتغدينا والذي علينا بالخير ,,, وجينا طالعين من المطعم ,, وكان فيه بابين الرئيسي وواحد ثاني شرقي صغير وكان عباره عن درج بسنتين عن الرصيف واحدة منهم ما يتعدى طولها 5 سم ,, والنظر عند خويكم لكم عليه ,, المهم اني ما شفت ذا السنه واحسب انها نزله واحدة ,, وطالع في امان الله ونزلت وخلال ثواني الا وانا من حيث لا اعي على اطول شعره مثل ما يقولون اهل الديرة ,, ويطيح العقال والغتره ,, ويتوصخ الثوب ,, وتنمعص رجلي ,, وتنكسر النظارة,, ويشوفني اللي رايح واللي جاي ,, والاهم الاحراج من ضيوفي لاني ما قدرت اقوم ,, عودوا رجعوا وشالوني وودوني مستوصف سووا لي اشاعة ,,وطلعت سليمة ولله الحمد. وليس من سمع كمن شاهد وسلامتكم. |
قسم بالله اني احزن انا وذا المشاركة
عدد الزيارات 4 ثنتين منهم انا وعهدي فيها فوق شويه الا هي في الدرك الاسفل من المنتدى لكن لي الله انا وانتي يا مشاركتي واوريكم يا اهل الابتسامات ادري ما تبغون الا اقلاع وصرقعه خلوني بس اخلص المواضيع اللي في المنتدى العام واتفرغ لك طبكم عندي بعد الوعد |
روعه روعه خخخخخخخخخخخخخخ
الله يضحك سنك والحمد لله على السلامه انت قد عيدت ولا لا انا يارجال قبل يومين في جده في شارع التوبه بالشرفيه قاطع الشارع على جيت شيول والله لاهو ليتي ولا شي لكن لقافه واخوك مشخص وفيه حدايد على الرصيف لونها اصفر الي من جده يعرفها المهم انه ماشي في حاله ولا انا اطالع فيه ونسيت من الخط لا ومو اطالع الا اقوله ابعد ابعد روح هناك وهو بعيد عني بس لقافه واجيك برجلي الله يكرمك على الحدايد ذي وهاتك على الوجه عدل انا الي اعجبني العقال اخذ له لفه كامله وهو يدور وما ادري صراحه هو العقال الي يدور ولا هو عقلي مع الطيحه يدور وكلها كوم وراعي الشيول ذا كوم يوم اناظر فيه وهو يضحك bgfgt) سلم الله يديك وتحياتي لك |
سايق الخير
قل يالله واقول يالله ان الله يظهر حظك وان الله يجبر بخاطرك وان الله يرزقك العافية حدك على وجه الارض وذا مت بعد عمر طويل ان الله يجعل قبرك روضة من رياض الجنة واسأله تعالى ان يجعل مسكنك في الدرجات العلى من الجنة مع الصحابة والصديقين. ذا لاقد طاب لي مثل ردك حسيت ان فيه ناس تسمع وترى بعد ماظنيت اني اغني على موالي لحالي واما الشيول وعلمه فلعن من لامك خاصة ان كان جنزير لانه قد افتصخ عقلي دركتل كان مع المواصلات في طرق الجنوب ايام العز حفظك الله وادامك ذخرا ومناصرا للمستضعفين امثالي اخوك بعد الوعد |
ههههههههههههههههههههههههههههههه
تسلم لي يا بعد الوعد .. والله أنا شفت موضوعك أمس لكن كنت مرهق لذلك خليتها لليوم .. وإعذرنا على اللطعة .. هههههههه لكن من جد الواحد يجيه إحباااط نفسي لما يشوف فيه قراءات ( أعتقد إلاملاء غلط ) والردود زيرو .. لكن ولا يهمك يا بعد قلبي .. أما الطيحات حقتي حدث ولا حرج .. أتذكر وأنا في رابع ابتدائي تقريبا .. كنت العب بالسيكل .. وبيتنا جنب الشارع .. المهم إني رحت لأعلى مكان في الطريق ... ونزلت بأسرع ما عندي .. ( كنت صاحب قلب جبار ) بسم الله عليه .. وانا في نصف الطريق أنقطع الجنزير حق السيكل .. وأنا المشكلة ما شي طبلوني .. المهم اللي يعرف منكم السوق حق بني عمرو فيه بنشر .. وفي البنشر حفرة زيت أكيد .. المهم إني زحفت ذاك اليوم على جنبي وظهري إلى ان طبيت وسط حفرة الزيت .. وبااقي اثار الحادث لين الحين .. لكن سبحان الله الحوادث والمواقف المرجة تصبح ذكريلت جميلة ..تحيااتي لك بعد الوعد .. |
اي سحابة واي غيم هذا الذي امطر فوق هذه المشاركة
بتواجدك اخي سلطان القلوب كنت مثل المطر في حزته لتحيي به هذه المشاركة التي كادت ان تلفظ انفاسها لولا ان الله ارسل الغيث واتيت انت و سايق الخير الذي سبقك اليها اما فيما يخص قراءات فهي في حد علمي صحيحة ولا بعد علمك علم واما السيكل فاثرك ولد نعمه وكان معك سيكل ما اقول الا حليلي لاني يبدو لي اكبر منك في السن شويه ولا لحقت على العلوم والسياكل والبسطة اللي جات لكم على عهدي كنا نفك حوض العربية الخضراء بعد ما تتهلهل من الشغل ونستخدمها كل واحد يركب الثاني ويسوق به وايامها ولا تقول الا ملاهي عطالله ولا لو اشتهيت قلت دزني لاند على العموم انا نويت على ذا المشاركة اني كل يوم اتابعها واحاول اسقيها لترى النور ولا استغني عن اطلالتكم وابشروا بالعلم الزين يا ازين الزين واشكرك جزيل الشكر بعد الوعد bgfgt) |
ههههههههههههههههه
أثاريك عجوز يا شيخ .. يعني لا تكون بس لحقت على حرب الترك .. ههههههههههه على العموم الله يقويك .. وباااين عليك والله بتقعد للموضوع زين .. اتمنى لك حظاا سعيداا .. |
انت تقوله
الا وراه وراه قسم بالله اني كنت ما اجي الابتسامات الا اذا سنحت لي الفرصة وذلحين بدون ما افكر على طول شريط العناوين ودغري على هذا الضعيفة واما الكبر وانا اخوك فلا هو الى ذيك الدرجة اذا حليت قيمة س في المعادلة التالية تعرف عمري بالضبط 2 س + 4 ص = 64 ...... حيث ص = لو1 .. للاساس 10 وعلمني بالحل bgfgt) |
الله لا ينشبنا ..
أولااا تدري إني كنت (عالمي) في الرياااضيات .. لكن الكلام هذا أيااام الدفرة وتشغيل المخ .. لكن وانا خوك الحين لك عليه شوي .. لكن بالتخمين .. لأني والكلام هذا لك وحدك (( ما عرفت لو 1 )) .. لكن على افتراض انه صفر جاء عمرك 32 .. إذا كان كذا .. قوووول لي ... bgfgt) bgfgt) |
ما هو افتراض
الا صح ولتجديد معلوماتك وتنشيط الذاكرة هذا الموقع مفيد جدا لكن يحتاج شوي انجليزي هنــــــــــــــا ولا تنسى ذا المشاركة تراني ناوي عليها باثراءها بكل ما هو مفيد بعد الوعد |
ههههههههههههههه
والله بتقلبها منوعاات يا بعد الوعد .. لكن لا وصيك حط موااضيع سياسية كماان .. ورياااضية .. وطبية .. والله إنك مجتهد .. والموقع هذا ما يبغاله شوية انجليزي .. إلا يبغاله دكتور انجليزي .. ههههه يااااشيخ رووح وحن معاااك واللي في راااسك سوه .. بالتوفيق .. |
لاههه ههههههههههههههههههههههه
اما انا يارجال ؟؟؟ جالس العب كوره .. وانتطلق على واحد من الي يلعبون ابي اخذ الكووره .. ويوم هو يبعد ويقدم الكو ره ... واورط انا الكوره تحت رجلي .. المهم .. اني حطيت رجلي على الكوره وانا داق الطبلوون .. وتشووف الشكل كيف .. كذا رجل في اشرق ورجل في الغرب .. والله يجيركم .. عانوني من الامس الى اليوم وانا مشنقل . ما اقدر اتحرك ... تحياتي ....... |
سلطان القلوب
مقهور على موضوع حطيته في العام وهو رحلتي الى البرازيل لو ادري كان حطيته هنا اصرف الثاني المسكين هناك تصدقت عليه سمااا الله يجبر بخاطرها تصدقت برد يتيم ولكن كفيتك به عموما انا في الخدمة انجليزي رياضيات فيزياء لا يهمك بعد الوعد |
الحمد لله والشكر كله له
ان نالنا من حبك وهيامك ايها الهائم نصيب و اخيرا ها هي مشاركتي تزدان وتترصح بحلل الجمال وباحلى المشاركات واما الكورة وانا اخوك فلي معها حكاوي لان ما انا من اهلها لكن تعرف الواحد اوقات تأخذه العزة بالاثم واخر عهدي بالكورة هي كبسة كرة طايرة من يد واحد ما تقول الا ( ميمة ) ارتدت بكل عنف من وجه اخوك الضعيف في احد استراحات الرياض تحياتي ولا تنسى تدهن مكان الاصابة بفكس بعد الوعد |
اما انا فكنت مرة من المرارير على صور امشي مسويلي حرفنه
وجالس اكلم اخوي تحتي وشوي وتجي الطيحه والله واطيح من فوق الصورالا والله اني تحت الصور والله ما هب قصير ذاك القصر ويجي اخوي يقلبني وانا كنت ادرس يمكن خامس وانا ما شاء الله ما بكيت من هول الموقف فكرت اني بموت لكن ربك ستر وسجد لله سجود شكر وافلحت بعد الوعد موضوع جميل ورائع جدا تسلم حبيبيyya) |
| الساعة الآن 09:16 PM |
Powered by vBulletin® Copyright ©2000 - 2025, Jelsoft Enterprises Ltd.
SEO by vBSEO 3.6.0 PL2 (Unregistered) TranZ By
Almuhajir