أسباب الخيانة الزوجية وتفضلو يا متزوجين ..

المشاركة الأصلية كتبت بواسطة ذات الشان

المملك
انا ماني عنصريه
والمقطع اللي اوردته من كلامي اتكلم فيه عن الزوجه اللي ما ملت عين زوجها فبحث عن غيرها احسن لها تكتفي بدورها كام ولاتبكي على من تخلى عنها هذا اللي قصدته
وستغرب منكم كلمة خيانة اي خيانه هذي ؟
وش معنى كلمة خيانه ؟
الزواج مافيه خيانه عندنا كمسلمين الزوجين بينهم عهد وميثاق غليظ كونها ماملت عينه فعسى عينه الفقع ينظر في نفسه هل هو يملا العين برضه والا يحمد ربي انها قابله فيه
لا تحاولون تدورون مبرر للرجال للزوغان ولممارسة الحريه بحجة انه والله زوجته ما اشبعته
الحلال بين والحرام بين هذا شي واضح
واذا والله جات المساله على رغبته في الزواج فمعروفه الطريقه وبامكانه يتزوج ثلاث زياده عليها والله لايقويه
لكن يروح ينفلت ويلف ويدور فهذي مرفوضه وخلو عنكم التعابير اللي لاتودي ولاتجيب 00
المملك
ردي مو زين صح؟
معليش لاني ما احب اللف والدوران واكتب وانا منفعله ولا رح امسح حرف واحد
وسامحونا

يعطيك العافية يا ذات الشأن ..
قلتي والله كل اللي أبي أقوله ..
وأزيد على كلامك وأقول ..
إنه للأسف في بعض البنات خرابات بيوت
يعني يكونون داريين إنه رجال ومتزوج ومع كذا يصير حلو بعيونهم !!
ويحاولون وبشتى الوسايل إنهم يتقربون منه
مثل هذا اللي حسسته إنه ولد 18 وهو مقرّب على الأربعين !!
كل هذا ليش ... ؟؟
من فراغة عين وقلة عقل الرجال والله ... أقصد بعض الرجال يعني .. !

يصدق إنه فعلاً باقي شباب وهي تلقاها تضحك عليه ..
يمكن هي تبي تفتك من حياتها بأي طريقة ولا يمكنه عنده قرشين وتبي فلوسه
وهو مسكين صدق نفسه !!!! بس يستاهل أحسن كل اللي يصير فيه بعدين
ومحد يروح فيها غير الزوجة المسكينة اللي بعد مظلومة إنها السبب في خيانته

حرام والله مو الزوجة اللي دايماً على خطأ ..
بالعكس في زوجات يضحوا ويضحوا ويضحوا
ويتحملوا من أزوجاهم الشي الكثير بس عشان حياتهم تستمر
لكن بالنهاية الزوج هو اللي يهدم كل شي بارتباطه بثانية ...

وعشان لا أحد يقول متحيزين لجنسنا ..

أكيد في نساء بيكونوا سبب في خيانة أزواجهم لهم ..
لكنهم نسبة صغييييييييييييييرة جداً ..

والنسبة الأكبر من خيانة الأزواج للزوجات ..
ترجع لأن الرجال يجري في دمهم حب الحريم والتنوع ... أقصد التعدد
يطبقوا السنة يعني إنهم !!
يتركوا كل السنة ويمسكوا هذي ...

الحمد لله والشكر !!

عموماً أختي سهارا
يعطيكي العافية على المشاركة الشيّقة ..
ونقلتها إلى قسم الأسرة والمجتمع لأني شفت إنها بتكون أفضل هناااا بعد إذنك يالغالية ..

ولك أرق التحاياااا