قصيدة نخوة شجين لاتفوتـــــــــــكم تتفطــــــر لها القلــــــوب

المشاركة الأصلية كتبت بواسطة الغراني

السلام عليكم ورحمة الله وبركاته ، أسعد الله جميع اوقاتكم بكل خير
هذه القصيدة لشاعر سعيد مبارك الحازبي وهو اخو هادي بن سعود بن كدمه آل الشريف الحبابي من الرضاع
وينتخي فيها والد القتيـــل ويطلب للعفو والسماح عن القاتل / فك الله اســـــــــره


اخواني: هادي بن سعود بن كدمه آل الشريف الحبابي مسجون في سجن ظهران الجنوب منذ ما يقارب 16 سنة بقضية قتل اخيه أبن عمه/ هادي بن مهدي بن فرثان آل الشريف الحبابي
هناك مساعي مبذوله في قضيته عسى ان تتم على خير ، و كانت قبائل بني عمرو من القبائل السباقة في السعي من اجل السماح.

وسوف انزل القصيدة المدرجة صوتية قريباً
ارجو من الجميع الدعاء

اسأل الله ان يفك قيد اسير مبتلا
اسأل الله ان يفك قيد اسير مبتلا
اسأل الله ان يفك قيد اسير مبتلا

القصيـــــــــــــــــــــــــــدة

في سجن ظهران زرت اخوي ابن كدمه = وانا وهادي سعود بحسبة اخواني
جينا زياره ومعنا بالرضاع امه = في قلبها شوق مدري هم واحزاني
ساعة وقف قامت تناديه وتظمه = من زود حب الظنا في صدرها الحاني
ومن زود شوقه يون وقال يايمه = انا على شوفتك بالحيل ولهاني
وقامت تنوح العجوز وسلهمت يمه = ودموعها كنها همال وداني
وصاحت وناحت وزادت بالبكا همه = ثم قال يمه كفاني هم واحزاني
ثم انكسر ناظره من همه وغمه = بين الرجا والامل والياس حيراني
ثم وقف رضا لهـا تواضع وحشمه = وقبل يديها ودمعة فوق الاوجاني
ثم التفت يمها وفي خاطره كلمه = واقفى موادع وهو مكسور جنحاني
ثم كبله حارسه بالقيد واختمه = وامه تنادي بلهفة شوق واشجاني
ناحت وونت عليه ونادته بأسمه = واقفى موادع وهو راضي وزعلاني
وحملني امانة(ن) تبرا بها الذمه = قال انت ياخوي في ذمتك ورعاني
ورحت اتفقد عياله ثم لقيت امه = والحزن في صوتها المشحوب ينباني
ثم صار لي موقف(ن) لا صارت مطمه = من موقف(ن) صار واحزني وبكاني
وجوني عياله وكل(ن) من ملا فمه = يقول (بابا) سنين طوال ماجاني
وانا اشهد ان كل حي يحن له دمه = من بعد هذا حصل لي موقف(ن) ثاني
جتني فتاة(ن) خطاها تمشي بهمه = ثم اعثرت وانثنت قدام تنصاني
وعالراسها فرعت ثم طشت اللثمه = وتطيح وتقوم مضيومه وتنخاني
قلت ابشري والعسر والله ماهمه = الظاهر ان القدر للموت وداني
قالت ياعم انا ابوي اللي ولد عمه = غرا بها ابوي ابن عمه وهو الجاني
اشكي عليك الزمن ياعم من ظلمه = خلاني اعيش في حيره وحرماني
ياعم تكفى تلف الشمل وتلمه = ابغاك تفزع وتنخا قاصي وداني
قلت الردي جعلها تبكي عليه امه = وانتي نخيتي وانا بنخا كحيلاني
بنخا ابن فرثان صقر(ن) وكره القمه = وانخاه بسمي وبسم شيوخ قحطاني
وادخل على ربنا اللي يكشف الغمه = وادخل على هادي بن معيض لاهاني
وانا دخيل الحظن والبيت والذمه = وادخل على الحي واللي وسط الاكفاني
يامارد(ن) للظوامي صافي(ن) جمه = اللي ورد له مصدر منه ظمياني
الحكم لله وحكمك بيدك وسمه = لرضاك ماننكره لو كان ماكاني
والعاقل اللي بلاه الله كبر حلمه = يهون الكايده ياوجه سنحاني

..................

اسأل الله ان يفك قيد اسير مبتلا

اللهم آمين

الغرااني

تأتي بالراائع داائمااا

شكرا لك

حــــــــــــنان آل فاضل

هلا وغلا

وكل عام وانتي بالف خير

واسأل الله ان يتقبل دعاك



فالش طيب