خير الكلام

الصمت بعض احيان خير من الكلام
***************** **** ** والصد عن هفوات غيرك زود طيب
والعفو والمعروف خير من الملام
************************ وخصوص لا صار المقابل لك قريب
وادمح وسامح وأبد هرجك بالسلام
*********************** * وأحذر تطارد شيء ماهو لك نصيب
ترى الحياه ارزاق ما بين الآنام
************************** ** والرزق عند الله عالم كل غيب
وأختر من الاقسام قسم في السنام
************************** ******* ولا تمد ايديك للهين تخيب
وأختر صديق في مواقيفه همام
************************* **** اللي إذا ناديت صار أقرب مجيب
وأختر من الزوجات بنت ما تنام
****************************** * طول النهار ولا لها فعل مريب
ستر على بيتك ومن نسل الكرام
******************** **** وتقوم بالواجب معك من دون عيب
وأحذر تأكلها من المال الحرام
************************** ** وأحذر تعرضها لنظرات الغريب
هذي شعر وجهك وسمعتها لزام
**************************** عليك وأنت اللي تعلمها المصيب
ولزوم تسمع لك بحشمه وإحترام
********************** ** وتعاملك بالصدق وأنت لها الطبيب
وإن كان ما طاعتك في نص النظام
******************************** فأردف عليها بنت رجال أديب
هذا الكلام الصدق والمفهوم عام
**************************** واللي فطين يبين حبه للحبيب

*************************** غرمان بن عزيز