اغرب شكل فطيره مر عليه

فطيرة الضب

مساء وصباح الخيرات
اللي ودها تخوف ضيوفها ولا ودها ياكلون تسوي هالفطيرة هههههههه امزح عاد اكشخي بها الفطيرة شكل جديد ومرتب ويدل على انك مبدعه ..<<< أشك في هالجمله


المقادير والطريقة بالصور....

احمسي بصل لين يتغير لونه واضيفي عليه ثوم مهروس مع واحد فلفل حار

بعد مايستوي البصل والثوم اضيفي البهارات والملح حسب رغبتك وقلبي

بعد ماتطلع ريحة البهارات اضيفي دجاج مسلوق منتف وقلبيه لين يمسك البهارات بالدجاج

اضيفي جزر مبشور على الدجاج وقلبيه لين يستوي

هنا بعد ما استوى الدجاج

استخدمي عجينة الفطاير المعتمدة عندك هذي عجينتي بعد ماتخمرت كمية العجينة حسب حجم الصينية الي بتسوي فيها الفطيرة

قسمت العجينه ست اجزاء مثل ماهو باين في الصورة اربع قطع صغيرة نفس الحجم والخامسة اكبر شوي والسادسة هي الكبيرة الاساسية انتبهي لترقيم العجين عشان يكون الشرح واضح

ناخذ الجزء السادس الي هو الاساسي ونفرده باليد في صينية الفرن الكبيره وخليها اقرب للشكل البيضاوي

رصي شرايح جبن على العجينه عشان الحشوة ماتطيح وانتي تاكليها

افرش الدجاج على شرايح الجبن

اخذ الجزء الخامس من العجينه الي هو راح يكون الراس اخليه مدبب ومن طرفه مسطح شوي عشان ادخله بعدين تحت العجينه بالصور واضح اكثر

ارفعي الراس في يدك وافتحيه من النص بسكين بالصورة واضحة الطريقة

هنا بعد ماقصيت الراس وثبته في الجسم

حطيت العيون قرنفل اومسمار واخذت قطعة قصدير وكورتها وحطيتها داخل الفم عشان مايتقفل وهي في الفرن

بقى اربع قطع عجين نسويها اليدين والرجلين بنفس الطريقة اشكل العجينة على شكل دمعة

هنا قصيتها بالمقص نسيت اصور خطوة القص

احط بين الفتحات قصدير

هنا تقريبا جاهزة لاحظي القصدير في الفم والاطراف والذيل بعد هالخطوة دهنتها بحليب

استخدمت المقص عشان الشكل النهائي لجلد التمساح

الراس منتهي هههههههههه

قبل عملية الشوي

الشكل النهائي

لحد يضحك

وهذا بعد التقطيع

وبالعافيه عليكم