الشتآ خلا مشاعرنا عُرآة ..

غيبْ لكن مايغيّبك الحنين ,, غيبْ واتركني برّفّ الذكريات .. في شفاهي عيت البسمه تبين ,, وفي وجودي نصفي الحاضر شتات .. الحزن جمهور وأصواته أنين ,, والشتآ خلا مشاعرنا عُرآة . غيبْ وآنسى من قواميسك (تجين!) ,, خلّني أرثي وجودك فــِ الحيآة .. خلني اكتب شعوري بكلمتين ,, بعضهم في جيته مثل الممات .. اختصر حزني بـــِ كلتا الحالتين ,, وش يفيد الحيّ واحساسه سُبات !.. شف دموعي احرقت خد السنين ,, يابليد الحسّ في بعدك غنآة .. حرفي العابر بكوه العابرين ,, يحتضر مابين بوحي والسكات .. والحناجر تحتضن جرحٍ دفين ,, لاحكيته صار يجرّح باللهات .. مثل ظامي ماتبلّه دمع عين ,, لارتوى من نبعها ماله نجاة .. غيبْ واطفي مع غيابك شمعتين ,, المحاجر من جروحك طافيات ..