منتديات بني عمرو - الشتآ خلا مشاعرنا عُرآة ..

منتديات بني عمرو (https://forum.baniamro.co/index.php)

- عطر الكلمات (https://forum.baniamro.co/forumdisplay.php?f=10)

- - الشتآ خلا مشاعرنا عُرآة .. (https://forum.baniamro.co/showthread.php?t=88078)

الشتآ خلا مشاعرنا عُرآة ..

http://im14.gulfup.com/LAHv1.jpg

غيبْ لكن مايغيّبك الحنين ,,
غيبْ واتركني برّفّ الذكريات ..

في شفاهي عيت البسمه تبين ,,
وفي وجودي نصفي الحاضر شتات ..

الحزن جمهور وأصواته أنين ,,
والشتآ خلا مشاعرنا عُرآة .

غيبْ وآنسى من قواميسك (تجين!) ,,
خلّني أرثي وجودك فــِ الحيآة ..

خلني اكتب شعوري بكلمتين ,,
بعضهم في جيته مثل الممات ..

اختصر حزني بـــِ كلتا الحالتين ,,
وش يفيد الحيّ واحساسه سُبات !..

شف دموعي احرقت خد السنين ,,
يابليد الحسّ في بعدك غنآة ..

حرفي العابر بكوه العابرين ,,
يحتضر مابين بوحي والسكات ..

والحناجر تحتضن جرحٍ دفين ,,
لاحكيته صار يجرّح باللهات ..

مثل ظامي ماتبلّه دمع عين ,,
لارتوى من نبعها ماله نجاة ..

غيبْ واطفي مع غيابك شمعتين ,,
المحاجر من جروحك طافيات ..

مبدعه في كل حالاتك

ننتظر دوما الاروع

دمتي بعز وشموخ ومن تحبين

ما اروعك وما اروع إختيارك
مليئه بلإحساس وليس الكل حساس
دامت لك السعاده

غيبْ لكن مايغيّبك الحنين ,,
غيبْ واتركني برّفّ الذكريات ..

في شفاهي عيت البسمه تبين ,,
وفي وجودي نصفي الحاضر شتات ..

ومالحنين الا قطعه كالجنين
الحنين بكفه والأخريات بكفه
شاكر لك على الطرح الجميل
وصح لسان شاعرها وتسلم
ايد ناقلها

تحياتي

حضور نقي كجمال قلوبكم الأنيقه
أشكركم ..ولاخلا ولاعدم يالغالين ..

قمة الروعه والجمال
تسلم الأياادي..
الف شكر لكـ.

الاروع حضورك عذوووب
لك تقديري..