دعوة للنقاش

طيب لحظه خلونا نكون صريحين شوي و واقعيين ..

والله العظيم ان لو كانت وحده من بناتكم عندها السكر والله ماتقولون هالكلام ..

و ان تشرهون على اي شاب يرفض الزواج منها بحجة السكر ..

ترى موب هي اللي امرضت نفسها .. مرض السكر بالذات و ضغط الدم يكونون في الشخص عن طريق الوراثه و الاكتساب ..

يعني توقعو في اي لحظه هالمرضين يجون بالشخص ..

و من واقع خبره بحكم مرض الوالد رحمه الله بالسكر ..

هالمرضين يجون للشخص اما وراثه عن طريق احد والديه او اقاربه بالدم .. اجداده ممكن ..

و بالاكتساب عن طريق النفسيه .. لمن يكون الشخص معرض لشدة اعصاب دائمه في العمل او في غيرها يكون معرض لاحد هالمرضين ..

و بما اني معرضه لوراثة هذا المرض في اي وقت بحكم الدم .. فاللي يرفضني عشان هذا السبب الله لا يرده و الباب يفوت جمل ..

هذا رايي كانثى لاني وجدت اغلب الردود هنا للرجال .. لو كان رجال منكم و مريض و تم رفضه لهالمرض بنشوف ردة فعله وقتها ..