مرثية على الطرق الهلالي

مرثية على الطرق الهلالي في اخي الاكبر مشرف تغمده الله برحمته وجميع موتى المسلمين وقد كان لي الاخ والاب فكانت فاجعتي فيه مضاعفة

يالله يا مسقي الحيا من مخايله=يالواحد اللي ما تعدد فضايله
يا خالق ابن آدم وكاتب منيته= يا محصي اقواله ومحصي عمايله
تغفر لمشرف طيب الذكر والنبا=اللي على دينك تربّت شمايله
الآدمي موجز حياته ختامها=واواخره تنبيك عن حال اوايله
ومشرف بعيني شفته يموت مبتسم=ما اقول ذا قاله ولا ذاك قايله
ويفوح فوح الطيب جسمه ومبسمه=والروح فاضت كنّها المسك سايله
لو ادري انالميْت بالحي يفتدى=ولو ادري ان اليدّ للروح طايله
ل اعطيه روحي والذي باقيٍ لها= وآجي لقبره وارتمي في نثايله
لكن تبقى قدرة الله نافذه =والكون زايل والمخاليق زايله
آمنت باللي كوّن الارض والسما= وايقنت بن النفس لله آيله
النوم شد وحل في عيني السهر=لا نمت في ليلٍ ولا نمت قايله
والقلب يحمل بالغ الحزن والاسى=عليك يا شيخٍ تجلّت فعايله
راعِ الجمايل راعي الطيب والكرم =ما تنحصي لو قلت ب احصي جمايله
كم جايعٍ بيموت من بعد موتته=وكم اسرةٍ بتجوع بعده وعايله
عن فعله الواجب وعن وصله الرحم=ما وقّفت له سود الايام حايله
وان عجزوا اعن الحمل شيالة الثقل=وكلٍ رغى والحمل ما جاه شايله
برك لها مثل الجمل ثم شالها=ما قال معتدله ولا قال مايله
اللي يموت ابوه يصبر ويحتسب=لو كان ما بين الخلايق بدايله
واللي يموت اخوه يختل ماقفه=تكْسر مجاديفه وتنفذ وسايله
وان ماتوا الاثنين في نفس واحدة=مصيبة تاقع على النفس هايله
يارب تغفر له ذنوبه وترحمه=وتثبته بالحق لا جاه سايله
وانك توسّع داخل القبر مدخله=وفي جنة الفردوس تجعل نزايله
واهله تصبرهم وتجبر مصابهم=وتخفف احزاني وتقبل دعاي له

خالد بن عبدالله بن مشرف العمري

رحمه الله رحمة الابرار وأسكنه الجنة مع الاخيار
راائع شاعرنا خالد
وبلا شك المرثيات تأتي بإحساسها الذي لايُضاهى
سلمت ودمت وصح الله لسانك ولاعدمنااك

إحترامي

كل الشكر والتقدير

خالد بارك الله فيك وفي طرحك

تسلم الايادي

مودتي

مضمون القصيدة رثاء فنسأل الله الرحمة والمغفرة لأخيك يا خالد ..
أسلوب الشاعر بارع وبصراحة فيلسوف ومبدع دائماً ..
أحسن الله عزاءك أخي خالد ..
تقديري ..

اسأل الله ان يرحمه ويسكنه فسيح جناته

صح ألسانك يا خالد قصيده تعبر عن نفسها


لك التقدير

لــــو ادري انـالـمـيْــت بـالــحــي يـفــتــدى

ولـــــو ادري ان الــيـــدّ لــلـــروح طـايــلــه

ل اعـطـيـه روحـــي والـــذي بـاقــيٍ لـهــا

وآجــــي لـقـبــره وارتــمـــي فـــــي نـثـايـلــه

__________________

قَصِيُده جَميلَه , وأنتِقَآئُك أجمَلْ ..
صَح الله لسِانكْ يَ طُهرْ ..!

اساتذتي الافاضل
المسكت
ابو زياد
ابو ريان
فارس بني عمرو
والاخت الفاضلة
يمك دروبي
جزاكم الله خير وصحت ابدانكم مروركم وتشجيعم فخر لي وشرف
واكرر الشكر على الثقة التي منحتموني اياها بتثبيت القصيدة
اسأل الله التوفيق للجميع

رحمه الله رحمه الابرار
وصح الله لســـانكـ شاعرنا القدير
قليل من يكتب على هذا اللون اليوم
لكنكم ابدعتم ولا غرابة ان يكون الابداع حليف خالد
فقد تعودنا منه كل جزل وراقي

تقديري

شاعرنا الغالي ابو مشرف
رحم الله أخيك رحمة الأبرار و باعده عن النار
و ألهمنا وإياك الصبر في الأقدار ,,

قصيدة فريدة من نوعها وفيها من
العبر ما الله به عليم

وذكرتني بقصيدة القحطاني الذي
يقول في مطلعها /
قبل ابتدي بالقاف و اصخر مثايله
ابدا بذكر اللي علينا فضايله
الواحد المعبود هو خير والي
محيي الديار المسنية من مخايله

........................الخ

صح لسانك و عظّم الله أجرك ,,

الله الله
رحم الله وآلدك وأخيك , وموتآنآ وموتى المسلمين
وصـح الله لسـآنك

اساتذتي الكبار
المهندس
سعيد بن عوض
بدر كعب
الف شكر على مروركم الجزل والثمين
جزاكم الله خير ودمتم لنا