شبه الغزال

في وادي فية المزايين مريت=ابغى اتلفت في منابع مغيلة
وشفت زول يدرج من ورى البيت=مثل الغزال الى رعى في المسيلة
جريت صوت من المحاني وناديت=قامت وردت بالعلوم الجميلة
قالت تفضل يابن الأجواد حييت=يامرحبا في بيت راعي الطويلة
اقلط على وضح النقا حسب ماجيت=ولا تبدي كلمة مستحيلة
جلست اناظر في سماها ولديت =عيني وذابت للعيون الكحيلة
اخذت معها في السواليف واعطيت=واشوف ساعة عند مثله قليلة
وبعد مابيحت وقتي وتقهويت=قالت علامك كن روحك عليلة
جريت صوت مثل الأول وونيت=وارسلت نغمات الكلام الثقيلة
اي والله إن الروح مادامني جيت=ماتقتنع في شوف يوم وليلة
ونشدتها ويش النسب ماتعديت=قالت علامك ماتعرف الجليلة
امي على راعي الكرم راعي الصيت=وابوي شيخ بارز في قبيلة
قلت اسمعي ويش حيلة القلب لا ازريت =عيا زماني لايداوي غليلة
قالت تراني بنشدك ويش سويت=لاكن جاوبني وعطني دليلة
فقلت انا في ماضي الوقت حبيت=شبه الغزال اللي وحيد بجيلة
لاكن راح وباروا اهله وشديت=عن ديرته ماعاد في اليد حيلة
قالت لقيت اسباب همك وحليت =لاكن عاهدني وانا لك عميلة
فقلت بعاهدك بالصدق ياليت=ارب حبك هم قلبي يشيلة
قالت تطمن وانتبه لاتوليت=تنسى الطريق اللي يخوف بديلة
قلت اسمعي لاقلت في العلم وفيت=والبر ماحد جهل في حصيلة
قالت مادام انك تحدا تحديت=واللي يبور بصاحبه الله وكيلة
وادعتها ع العهد بالطيب واقفيت=والعين نظرتها تقز الجديلة
قالت عساك بحفظ من حامي البيت=والله يحفظ من لمثلك يجيلة
وجهت للدياري وصبحت وامسيت=ما فارقت عيني مناشي مخيلة
اشوف حبة مالك في الحشا بيت=مير المولع مايخلي سبيلة
من شانها ما احسب لها لاتعنيت=تقصر مسافات الخطوط الطويلة

صح لسانك اخوي

ابداع منقطع النظير

الأخت نواااارة شكراً على رفع المعنوية والمرور

الرادار


صح لسسانك وبيض الله وجهك

رائع

لا تحرمنا جديدك

دمت بحفظ من الرحمن

تحياتي

الرادار

صح الله لسانك وعلى شانك ...

قصيدة روعة من شاعر متمكن وجزل ...

إبدااااااع يا مبارك ...

كل الود

الرادار

صح الله لسانك
نص رائع بروعة صاحبه
وشاعر مبدع في العرضه وفي النبطي
تقبل مروري مع فائق الود

الرادار

صح الله لسانك

فعلا انت ( الرادار ) لأن الرادار له خاصية نقل الصورة ــــ بيانيا وصوتيا ــــ وانت هناء نقلتها كذلك ،،، قصيدة جميله وتستاهل الاطراء .

تقبل مروري ...

أي سحر هذا الذي تبعثه كلماتك بنفوسنا
أحاسيس هطلت من غيوم الروعة والجمال
لتغمرنا عشق وحب وانتظار
إكليل من الياسمين لسموك
القمر،’،

اشكركم جميعاً على المرور

صح السانك

وجمل الله حالك


قصيده جميله

وطرح اجمل

لاهنت يالرادار

الردار قصيدة جزله من شاعر جزل صح لسانك وبيض الله وجهك اخي الكريم

الرادار مع التحية..
كفيتت ووفيت.. الله يعطيك العافية ولاهنت..
قصيدة ذربه وعذبه وتسلسل رائع واسلوب متميز..
لي على بعض الأبيات ملاحظات بسيطة لاتنقص من شاعريتك وأتمنى تقبلها..
في البيت التالي خلل في وزن الشطر الثاني (نقص) يفترض اكماله:

اقـلــط عـلــى وضــــح الـنـقــا حــســب مـاجـيــت
*ولا تبدي* كلمة* مستحيلة*

وفي البيت التالي خلل في وزن الشطر الأول(نقص) يفترض اكماله:

*فـــــقـــــلــــــت* بـــــعـــــاهــــــدك* بـــــالـــــصــــــدق* يـــــالــــــيــــــت *

ارب حــــــــــبــــــــــك هـــــــــــــــــــــم قـــــــلـــــــبـــــــي يـــــشـــــيـــــلــــــة

وهذا لايعني إنتقاد القصيدة وإنما ملاحظة بسيطة من وجهة نظري وتقبل تحياتي..

ابو دينا اشكرك على المرور
*ولا تبدي* كلمة* مستحيلة*
ولا تبدي كلمتن (كلمةٍ)مستحيلة
بالنطق يزول الكسر

*فـــــقـــــلــــــت* بـــــعـــــاهــــــدك* بـــــالـــــصــــــدق* يـــــالــــــيــــــت *

افقلت با عاهدك --- موزون بالنطق لكن احترت في التوضيح

ولك مني خالص الشكر

صح لسانك.. اباااع بلا حدوووود