التشيز كيك بدون بيض اللي طلبته ليالي ..

مرحباااااااا بالجميع و بليالي جنوبيه يا هلابكم ..

هذي وصفة تشيز كيك رائع بدون بيض عملتها من زمان و نزلتها بالمنتدى بس للاسف الصوره راحت من كثر ماهو الموضوع قديم

هذا الرابط تبعه ..

http://forum.baniamro.com/t71850.html


تشيز كيك يمممممممي

المقادير :

الطبقه الاولى بسكوت ديجيستف مطحون مره و زبده مذوبه بحرارة الغرفه .

تعجنينها مع بعض ثم تساوينها في الصينيه اللي تنفتح من الجنب .

الطبقه الثانيه :

كريمة خفق 500 مل و نص علبة لبنه او جبنة فيلادلفيا و علبة جلي ليمون و ربع كوب سكر و علبة قشطه بيضاء < مو لازم القشطه بس حسب الرغبه .

نخلطها سويا في الخلاط اول شي الكريمه حتى تثقل شوي ثم نضيف البقيه و نخلط قليلا ..

نضعها على الطبقه الاولى و ندخلها الفريزر لمدة ثلاث ساعات ع الاقل او حتى تتماسك الطبقه الثانيه جيدا ..

الطبقه الثالثه :

ناخذ علبة واحده من حشوة الفطائر الامريكيه ( الباي ) تلقونها في بنده او العثيم .. واللي ما عندها تاخذ علبة مربى توت او كرز او فراولا مع نص كوب مويه دافيه عشان تخففها و تحركها بالويسك ( المضرب اليدوي ) ثم تدخلها الثلاجه عشان تبرد مع التحريك .

ذا بردت نحطها على الطبقه الثانيه في الصينيه و نرجعها الثلاجه لمده ..

و بالهناء و العافيه على قلوبكم ..

تسلم الأيادي
الله يعطيكِ العافيه

فديتك يلوموني فيك
الله يسعدك ويعطيك العافية تعبتك معاي
ان شاء الله أجربها واجي ارزها هنا وبسميها تشيز كيك نوارة

الله يسعدك ليالي و اهم شي تعجبك يالغلا و تروق لك ..

فديتك

نايس مره الله يسعدك يارب ،،


سؤال ياسكره لازم جلي الليمون. ؟؟؟

هلا و غلا ريم و بالعافيه الله يسعدك ..

اممممم والله انا يوم اسويها لازم احط جلي ليمون . عشان تتماسك طبقة التشيز كويس ..

لانك زي مانتي شايفه الطبق ما فيه بيض ابدا ..

و لازم يبقى متماسك لمده ..

الجلي ليمون يعمل محل شرائح الجيلاتين .. بس انا بصراحه ماعرف للجيلاتين يبي له شغله تذوبين و مدري ايش و تخلينه مده و خرابيط ..

جلي ليمون احلى اول شي يعطي حموضه مناسبه مع حلاوة باقي المقادير و تحطينه في الخلاط مع باقي المقادير و هو بودره مايحتاج تذويب ..

الله يسلم اياديك ع التوضيح
وباذن الله اجربه لاني انا كمان اتجنب البيض قد ماقدر في الحلويات

بالعافيه مقدما و ان شاالله تجدين النتيجه اللي ترضيك و لا اوصيك احسبي علينا