منقوله//قصيدة في زيادةالرواتب

قصيدة في زيادةالرواتب



الراس صاير فيـه ورشـة حـداده = قام يتحلل فيه مسمـار ...مسمـار

قلت الركـاده ميـر ويـن الركـاده = كنّي مع الحجاج في رمي الاجمـار

من عقـب ماجانـا قـرار الزيـاده = من مجلس اهل الجود وافين الاشبار

كـلٍ مـن الفرحـة بيقـدح زنـاده = جبنا القروض نضارب السوق وانهار

وجينا نبي بـس الرجـا والهـواده = والله وكيلك شبّت اسعارنا .. نـاااار

والراتـب الماخـوذ جتـه القـراده = ماينزل الا..صافقه مثـل الاعصـار

فاتـورة الهاتـف وعاجـل سـداده = والقرض والكهرب وتسديد الايجـار

والتاجر المليـان جـاب الوسـاده = يبـي يوصّـل راس مالـه لمليـار

والا المواطن صار..سهل اصطيـاده = جته الهوامير بوسَط غـب الابحـار

واصبح نهار وليـل وسـط العيـاده = مابين طب الراس والقلـب وشهـار

يامـن يوصّـل كلمتـي للقـيـاده = للحاكـم المحبـوب والوالـد البـار

ماعاد نبغى فـي الرواتـب زيـاده = اللي نبيه اليوم تخفيـض الاسعـار

سلللللللللللللللمت يا بن ظافر

وصح لسان قايلها


كل التحية والتقدير

أميرالغلا:: ألف شكرعلى المرورالله يعطيك العافيه

يامـن يوصّـل كلمتـي للقـيـاده = للحاكـم المحبـوب والوالـد البـار

ماعاد نبغى فـي الرواتـب زيـاده = اللي نبيه اليوم تخفيـض الاسعـار

كلمممااااات رائعه ونقل اروع تسلم اخوي على القصيده وفعلا تخفيض الأسعار صار اهم عند الناس من زيادة الراتب
ننتظر جديدك ولك خالص تحياتي((أميره بدنيتي))

أميره بدنيتي:::: تشرفت بمرورك الغالي الله يعطيك العافيه

صح لسانك يا بن ظافر

قصيده جميله ورائعه

أبوعمر شرفني مرورك الغالي الله يعطيك العافيه

حلوة يابن ظافر بس ياليت انها صوتية
ويفضل بصوتك لاني سمعت ان صوتك جميل

عذب تستهين بصوتي الله يسامحك صوتي يوقف الحايمه وأسأل

أبوريان((( الظاهر ودك نعزرك مرة ثانيه))) هههههههههههه

الله يعطيك العافيه والف شكرللمرور

يعطيك العافيه يا بن ظافر وقصيده جميله واشكر من كل قلب


هبووب الجنووب

هبووب الجنووب:: تشرفت بمروركم الغالي الله يعطيكم العافيه