منقوله // بعض الحريم

قصيده أعجبتني فحبيت نقلها . وذلك كونها تنطبق على بعض جيل هذا الوقت نسال الله السلامه والستر
في الدنيا وألأخره ربم أختلاف الزمان قاد هذا الشاعر الى مثل هي ألأبيات التي كلها حكم...



بعض الحريم


دقق كثير بنظرتك بعض الأزوال *** ولاتنذهل لاشفت بعض المثايل



بعض النسا بالفكر تشبه للأطفال *** تفكيرها محدود قاصر وطايل



وبعض النسا في فكرها المجد يختال *** مثل الأصيل اللي تقود الأصايل



بعض النسا بالطيب يضرب بها امثال *** وبعض النسا تسعى لهدم العوايل



وبعض النسا تسعى لتكديس الأموال *** ماهمها ياكود جمع الحصايـل



وبعض النسا تتبع هواها بالأفعال *** ماتداري المنقود من قول قايل



وبعض النسا بلسانها سم فعال *** تظهر غلا والقلب للشر شايل



وبعض النسا تتبع هل القيل والقال *** ماحسبت للرب يوم الهوايل



وبعض النسا منطوقها عذب الأقوال *** وبطيبها تشبه ورود الخمايل



الفرق في طبع النسا طولة البال *** اللي تشيل بقلبها ماتسايل



وبعض النسا كشخة وموضة وسلسال *** متغطرسة ماتدري العمر زايل



ملبوسها من صيحة العطر أشكال *** تركض ورا الموضة بكل الوسايل



تبي تفاخر والفخر طيب الأفعال *** ماكل من يسعى على الطيب نايل



وبعض النسا في عقلها عن ألف رجال *** ويثبت على ما أقول عدة دلايل



بالدين والأخلاق وبطيبة الفال *** وبافعالها تجمع جميع الخصايل



أصابع ابن آدم تفاوت بالأطوال *** وكلا عطاه الله لبعض المثايل



لاشك به فرق بين انثى ورجال *** الدين أنصف كل الفصايل

بن ظافر

روووووووووعه
وكل ذلك دليل ذائقتك وتذوقك

لاهنت يابعدي وصح لسان الشاعر

احترامي وتقديري
اخووك

المسكت: مما يشرفني ويسعدني هو مرورك الغالي الله يعطيك الصحه والعافيه

واشر اشر

اسلم عيدك

ريانة العود:: حياك الله على المرورالكريم الله يعطيك العافيه

الله الله في الترجمه

بن ظافر

يعطيك العافية على النقل المميز والرائع

تحياتي لــك . . .

السيف الصقيل : ألف شكرللمرور الكريم الله يعطيك العافيه

جابها الشاعر على بساطته
روعه ومعاني مميزه
ننتظر جديدك بن ظافر
تقبل مروري اخوي

عمريه والحلا ليه. شرفني مروركم الكريم الله يعطيكم العافيه