خسيتي لعنبو جدك خسيتي

خسيتي لعنبو جـدك خسيتـي والغلـط ينعـاب =خسيتـي واقلبـي وجهـك ولا كلـمـه ولاجـابـه
خسيتـي والزمـي حـدك تراهـا ضاعـت الاداب =انـا لاطـاشـت جنـونـي يـعـرف الجـاهـل ادابــه
وش المغزا من الكلمـه بـلا داعـي بـلا اسبـاب =وهـرج الكـذب والتجريـح قوليلـي وش اسبابـه
انا الشرهه علي اني فتحت لخافقي كم بـاب =ولكـن مـثـل ماجيـتـي تــرا كـبـر الجـمـل بـابـه
خذي نفسك معك بـرا ثـم انقلعـي بـدون إيـاب =فمان الله والا اقـول :: فمـان ابليـس واصحابـه
تحسبيني على فراقاك ابندم واغرق الاهـداب =انـا مبسـوط يـوم انـي طـردت الـشـوم وغـرابـه
انا ما اعاشر الخاين ولا اسمـع هرجـة الكـذاب =ومثلـك قيمتـه عـنـدي تـحـت الـزيـرو حسـابـه
هـذاك اللـي تحبينـه حقـيـر و خـكـري ولـعـاب =عاجبك ان قذلته شقـراء ويميّـل بالشعـر كابـه
صحيح انه حقير و زين وشكله للنسـاء جـذاب =تشّـبـه بأخـتـه فـلانـه ومنـهـا الــدم متـشـابـه
وانا مانيـب حـرف الجـر تجرينـه علـى الاعـراب =انا حرف(ن) جزم نفسه ومثلي يصعـب اعرابـه
تشوم النفس عن زينك عقب ماطاح فيها ذباب =وانــا حــر(ن) ولــد حــر تـركـت الـزيـن وذبـابــه
محنكني على الطيبه من يومي صغير وشـاب =اجـل وش رايـك بطفـل(ن) دلال القهـوه العابـه
انـا لاجتنـي الزلـه مــن الجـاهـل وهــو كــذاب =تـركـت القافـلـه تمـشـي وراهــا تنـبـح كـلابـه
خلاص اليوم يافلانـه ؛ كرهتـك والقلـوب غـراب =وترى كل طير(ن) بكبد السماء يشبـع مخلابـه
خسـاره مثلـك بقلبـي تضمـه غـرفـة الاحـبـاب =وخسـاره غلطـة العاشـق يحـطـك اول احبـابـه
بعد هذا تبين ارجع لاجل عينـك نصيـر اصحـاب =خسيتـي واقلبـي وجهـك ولا كلـمـه ولاجـابـه

منقوله من إحدى المنتديات

المعذور لولا أنك كتبت منقول في آخر هذه المشاركة

لتوقعتها لك ... فهذه القصيدة مميزة وأنت أهل للتميز

ولكن لا ضير في ذلك فمن تميّز في حقوق طبعه .. تميّز في نقله


القصيدة عجيبة جداً وقوية وبها من العصف الشئ الكثير فقائلها مبدع

حقاً

أنا أختلف مع أخوي أبو ريان على تميّز هالقصيدة بصراحة

يعني أنا ما أحب أبداً مهما ساءت العلاقة بين اثنين

انه توصل به المواصيل يقولها كل هالكلام ..

هذي اسمها اسمحلي والمعذرة واسفة على هالكلمة قلة ذوق وقلة أدب

وهذا الفرق بين حب النساء وحب الرجال ..

الرجال قاسيين وماعندهم قلب ممكن بسهولة ينسوا ويجرحوا ..

لكن البنت مهما صار ما تقدر تقول مثلاً :

خسيت لعنبو جدك اطلع برا وانثبر من زينك انت ووجهك !!

لا وتنظمها قصيدة بعد !!

تصدق ياخوي المعذور أنا خفت إنها تكون لك ..

وتنهدم صورتك كشاعر مبدع في خيالي ..

والله قصيدة سيئة ..

ماباقي غير يفسّخ شبشبه ويرميه على وجهها أعزكم الله يعني !!!

أستغرب ياخوي كيف عجبتك لا وعجبت أبو ريان بعد ؟؟!!!

هههههههههه ..

عموماً شكراً لك ياخوي المعذور .. وَ ..

أرق التحاياااا لك

أخي الحبيب

ابوريان000

الله يحيي مقدارك تواجدك على صفحاتي شرف

لا هنت يا استاذي الكريم واخي الحبيب

أهلا بسيمفونيةالمنتدي

الغاليه العناااااااااااا


كلامك يعجبني ومنطوقك يسعدني وصراحتك تروق لي

اعتقدبأنك ناظرتي لها من منظار اخر غير منظاري

سيدني الفاضله


أنتي معي بان إختلاف الراي لايفسدللودقضيه

انا اعتنيتي بالجوهر دون المظهر ومماظهر لي بأنك اعتنيتي بالمظهر للقصيده دون الجوهر

فالشعر لايكتب للرجال فقط ولوعلمتي بان سبب نشرها ليس لتوبيخ المراءة او الانزال من قدرها فالمرأة أم وأخت 000000000000 الخ

أنا أعجبتني لسبب واحدفقط لتنبيه الغافلات اللواتي يظعن ثقتهن في غير محلاها


ويقال بأن النصيحه على رؤس الخلائق فضيحه


وكان بإمكانك نصيحتي بطريقه غيرالطريقة المعتاده


تواجدك يشرفني وقلمك يجبرني للوقوف إحتراما وإجلالاً لما ينثره من جوهر مكنون

وعبرات مشرقه

دمتي بخير ولا تحرميني من تواجدك المشرّف

واعتقد الاخ سعيد عنده كلام

أسجل إحترامي المفعم بطيب الموده

خسـاره مثلـك بقلبـي تضمـه غـرفـة الاحـبـاب
وخسـاره غلطـة العاشـق يحـطـك اول احبـابـه


بعد هذا تبين ارجع لاجل عينـك نصيـر اصحـاب
خسيتـي واقلبـي وجهـك ولا كلـمـه ولاجـابـه

الله المستعان أخوي بشويش علي نفسك والأ أقولك شي تستاهل روحه بلا رده
بس حلوه خسيتي!!!!

لا حووووووووول و لا قوة الا بالله من قصيده بتصير سالفه ..........

لكن انا رايي من راي العناااا لان بعض المفرداااات تكون غير مهضومه في القصيده مثل ابو جدك و ابو عمك و هكذا .........

بس في بيتين حلوه و الله الا فيها قلب المسأله قواعد و رياضيات........

عموما المعذووووووووووووور الله يعطيك العافيه و تشكر على النقل الي تشوف بيصير هدة و مضاربه.......

بيت القصيد

أخي المعذوووور ..

أنا لم أنصحك أنا نقدت أسلوب اللفظ الجارح في القصيدة ..
وكما ذكرت يا أخي الكريم القصيدة ليست لك
أم أنها لك ؟؟؟
هي ليست كذلك كما ذكرت حتى تغضب مني بسبب نقدها ..

صدقني لو عنيتُ بكلامي النصح ..
لقلتهُ بطريقة لن تشعرك بالحرج أبداً ..
لكنهُ ليسَ كذلك .. فأنتَ في غنى عن النصح يا شاعرنا المبدع ..
القصيدة منقولة وماذكرتهُ نقد لكلمات منقولة لن أتراجع فيها بصراحة ..

شكراً لذاكَ المسمى الذي أطلقتهُ عليّ في بداية كلماتك ..
أعجبني جداً ..

أرق التحاياااا لك

للتوضيح فقط دائماً أنظر للقصيدة (بصفة شخصية) من حيث قوة لفظها وحسن

السيطرة من شاعرها على ما يريد أن يقول ...

ومهما كنت مختلف مع مقاصده أو متفق فهذا لا أبدي فيه رأيي فهو حر في مشاعره

أمّا طريقته في التعبير من حيث الإستخدام اللفظي والتصوير البليغ للموقف فهو

ما يستهويني دائماً في إبداء الرأي

ولا أحد يقول إني موافق مثلاً على بعض الألفاظ من قبل الشاعر .. لا نظرتي

أبعد من كـــــــــــذا

ولا يصير خاطرك إلا طيب يابو ريان ..

إنت وكل إنسان حر في قناعاته ...

ولا يهمك ياخوي ..

كم أبو ريان عندنا عشان نزعله بس ياناس .. !

لا يا ابوريااان انت صرت تأيد بعض الامور و الواجب عليك انك ما تأيد مثل هذي الامور و انت مراقب ارجو ان تنظر في موقعك من الاعراب


بيت القصيد

الاحبة الغاليين 000000

الذين عقبوا على هذه القصيده

شكراً لكم جميعا ولالالالالالاهنتوا

ولكن شكلي بأعود أدارجي من حيث عدت

حقيقه كلامكم على عيني وراسي وأنا مع سيمفونية المنتدى ومع ابوريان

ولكن والله العظيم ما كنت اقصد ماتقصدونه


أما بالنسبة لك ياسيمفونية المنتدي000

فلا يكون خاطرك الا طيب فلك حق إبداء الرأي ولا يوجد عندي أي إعتراض

انالم اكتبها ولكن لكل جواد(( ))

ولك عندي قصيده إهداء بعنوان لولاعيونك وعلى الله تثبتينها أنتي وأبوريان

قصرت هاه ياعمووووووووووو

والاشكلكم ماتبغوني في المنتدى عادى قولوها وباعود أدراجي من حيث أتيت

ولسان حالكم يقول الى حيث ألقت رحلها ام قشعمي ههههههههه000000

والله خاطركم عندي كبير وقدركم على عيني وراسي

اخوكم المحب لكم

وخاطرك وقدرك أكبر ..

وكيف مانبيك ويانا بالمنتدى ياخوي ...

بانتظار القصيدة ..

وأبو ريان وسيف العرب ومشرفي الشعر الموجودين بيثبتونها إكراماً لك ..

ولا يهمك ,,

أرق التحاياااا لك

كُله أثــر

المعذوور

رائع وذوقك شوق

المعذووور

مــمـــيــــز حـــتـــى في إخــتــيــارك للقصائـد المنقولــــه

الله يعطيك الف عافيــــه وصح الله لساان قايلهااااا

وكــل إنسان ولـــه وجهة نــظــره الخاصــــه به واللي تمثلــه

المعذووور
تقبل اصدق تحيـــة وفي إنــتــظــار مشاركاتـــك يا غالـــي