$#$#$# ( هــذا ردي عـلى شــاعــر عـتـيـبـه الـمـرشــدي ) #$#$#$

يالله ياللي في يديك التدابــــــــــير = يا معطيٍ بأمرك جزيل العطــــــــــــــــاوي
يا واحدٍ صليت له بعد تكبـــــير = تكبيرة الإحـرام بأمـرٍ ســــــــمـــــــــــــــاوي
ويا ماسكٍ بأمرك طيور الـعـصـافـــــير = في الـجو تـسـبـح مـا تـمـل الـفـضــــاوي
احفظ لساني في ورود ومـــصـــادير = واطلبك لا تجعل حياتي شقـــــــــــاوي
واطلبك طهّرنا من الذنب تطهــــــير = وأجـعـل لـنـا عندك مـقـامٍ عـــــــــــلاوي
مـن بـعـدهـا مـني تـحـيـه وتــقـــدير = تـحـيـةٍ مـن قلب رجـلٍ ســــــــــخـاوي
وأهلاً وسهلاً يا زعيم المغــــاوير = يـاللي عـلى خـيـر الـمـقـاصـيـد نــــــــاوي
يـا شــاعـرٍ سـطـرت الابـيـات تـسـطــير = واحـسـنـت قـافـك مـا حـداك الـحــــداوي
طـبـعـك كـريـم وتـعـطي الـشـعـر تـحــرير = تـحـريـر فـاهـم في حـروف الـهـجـــــاوي
نسل الكرام اهل الـبـيـوت الـمـعــامــــير = يشهد لهم ضيفٍ لفاهم ضحــــــــــاوي
واهل الديار الـبـيّـنـه والمغاتــــــــــير = اللي بها وصل الكرم كل حـــــــــــاوي
واهل العقول اللي تميز بتفكـــــــــير = تفكير عاقل ما اختلط به طغــــــــاوي
انتم عتيبه ما في العلم تــــــــــزوير = يــشـــــهــد لـكـم تـاريـــخ يـــرويـــــه راوي
عدوكم في المعركه جاه تكســــــــير = واصبح على ما قيل حاله قســــــــــــــــاوي
تدمرون اللي بغى الغدر تدمــــــــير = وتذوقونه عيشة الـمـعـســــــــــــــــــراوي
وتعـزّرونه في اللقاء شــر تــعــــزير = مـا يـنـفـعـه لـو كـان طـبـعـه عــــــــداوي
واللي يصاحبكم فلا يبغي الغــــــــير = في قربكم اكيد يلقى الـرضـــــــــــــــاوي
ويلقى الكرامه زايده دون تـبـــــذير = وتلبسونه من البشوت الحســــــــــــاوي
انتم في الموقف رجالٍ اوامــــــــير = وفي الضيافه مكثرين الـحـفـــــــــــاوي
اقولها صادق وعندي جماهـــــــير = وانا احمد الله ما خلقني خـــــــلاوي
واعاير المعنى بكل المعايـــــــــــــير = عقلي سليم ولا حصل به غـبــــــــــــــاوي
والشعر يحضرلي مع دقة الــــــــــزير = امـا الـطـرب كـم واحـدٍ مـطــــربــــــاوي
ولا وقع قلبي بحب الـغـنــــــــــــادير = إلا بحين فات وقت الـصــبـــــــــــاوي
حافظ لديني ما سمعت المزامـــــــير = واقرأ كتاب الله جهر وخـفـــــــــــــاوي
والوالدين اسعى لهم دون تأخـــــير = وابذل لهم جهدي وكل الـعـنــــــــاوي
صابر على دنياي واكمل الســـــير = والصدق طبعي واقتدي به قــــــــــداوي
يمكن من اجل الصبر احظى بـتـكـفـــــير = كـامـل ذنـوبي واصـبـح انـا الـتـقــــاوي
وانا رحوم القلب مانيب شامــــير = ادور الـطـيـبـه ولا ابـغى الـمـســـــــــــاوي
والضيف انا اوفر له العـزّ توفـــــــــير = وانا احمد الله ما سرى الضيف طــــــــاوي
لي عادةٍ ما ابدي على الوجه تكشـــــير = واقـدم الـبـرهـان عـنـد الـقـضــاوي
من فضل ربي ما حصل عندنا ضــــــــير = والـخـيـر مـوجـودٍ مـن الله فـضـــــــاوي
واختار دربٍ فـيـه نـورٍ وتـنــــوير = وابـعـد عـن دروبٍ بـهـا مـعـضـــــــلاوي
امشي مع العاقل ولا اقبل طراطــــــير = مـتـنـبـهٍ لـلـغـيـر مـاني ســــــــهـــــــاوي
وان جـاء لي الـواشي ارده بـتـحـقــــير = عـسـاه يـشـنى اللي نـوى بـه شــنــــــاوي
وابعد عن اللي يشبهه نافخ الكـــــير = واقرب من اهل الطيب طبعي سـحـــــــــــاوي
واللي يشــاورني انا صـوبه اشــــــير = واقبل نـصـيـحـة شــاعـرٍ مـنـصـحــــــــــاوي
افـســر اقـوالي عـلى خـيـر تـفـســير= خوفٍ يجي على العين بعض الغشــــــــــاوي
واهل الردى معروف مثل الأدابــير= وافــعــالــهــم مــقــرونــةٍ بــالــــــــــــرداوي
وانا على يمناي شـيخان ومــــدير = لـطّـامـة الـخـصّـــام عـنـد الـغــــــــــــــــزاوي
اخوان واعمامٍ وربعٍ مـســـاهــــير = افـعـالـهـم تـوصـف بـوضـح الـنـقــــــــــــاوي
هم تاج راسي هم سيوفٍ منـــادير = بوجودهم ما اخـاف غـدر الـمــــــــــــــــلاوي
تاريخنا معروف ما هو اســاطــــير = واقـوالـنـا مـاخـوذةٍ مـن الـفـتــــــــــــــــــاوي
وصلاة ربي عد ما دار ويــــــدير = فـكـرٍ مـع راعــيـه عـنـد الـغــــــــــــــــــداوي
على رســـولٍ حـذّر الناس تـحــــــذير = مـن يـوم مـا يـنـفـع كـثـيـر الـبـكـــــــــاوي