تقولي .. معقوله ..!! أقولها .. قسم ..!!

في ليله .. في ساعه .. في دقيقه ..
لقيت نفسي فووق السحاب ..
اطالع للدنيا من العالي .. وانفتح لي ستين باب ..
يااااالله .. احنا نعيش كذا .. عجب العجاب ..
أشوف الناس .. واللي يروح .. واللي يجي ..
ناس تموت .. ناس تضحك .. ناس تبكي ..
وناس تتشمت .. وناس تصارح .. وناس تعشق ..
ولقيت ..
"الميت" مات ومايجوز عليه إلا الرحمه ..
"الضاحك" عايش وطنش تعش وماهمه ..
"الباكي" نوعين .. الأول يبكّيك معه ..
والثاني .. يخاف أحزانه ماتبقي لك أفراح ..
ويردد .. عيش بدنيتك شلك بالهموم ..
"الشامت" يشوفك ويتشمت وهو ماشي ..
مسكين هذا .. الظاهر من نفسه ناسي ..
ومايفرق بين المجنون والصاحي ..
"الصريح" مآخذ من الصراحه راحه ..
مايدري إنها بعض الأحيان وقاحه ..
"العاشق" لقيته .. ميت عايش .. يضحك يبكي ..
ويتشمت على حاله ..
لقيته .. صريح بعشقه .. بحيه .. بجنونه ..
يصارح بجمالها ..
خلوكم معي .. ولا تروحوا معها ..
يا ناس يعشق جمال الحب بجنون ..
أي حب .. يــا عـــــــم ..!!
تبي تزيد القلب هـــــم ..!!
والجرح ألـــــم ..!!
لكن هي غــيـــر .. جابتني من عدم ..
تعزف أحلى سيمفونيه هوى ..
أعيش معها في الهوا سوا ..
وآآآآه ياويلي من تصاوبيك ..
انتوا في عالم .. وانا في عالم ..
انا في عالم ما به اوادم ..
والله إني يا أحب الناس أحبك ..
تكره حبي .. وأحب كرهها ..
تجنني عقلي .. وأنا عقلي يهواها ..
لحظه ... لحظه ...
قلت أهواها .. يعني أنا ماأخذ أكسجين ..
أخذها هي .. وصرنا جسد في روحين ..
يااا هوه ... انا ميت ..
بس مو ميت ميت ..
انا حي .. وفي حبها ميت ..
في عشقها مجنون ... في جمالها مفتون ..
وبكل سهوله .. تقولي .. معقوله ..!!
أقولها .. قسم ..!!
.................................................. ..........
بقلمي .. الفارس الملغمق ..
أتمنى آرآءكم وملاحظتكم .. وأكون من الشاكرين ..
تحياتي لكم ..