هبوب الوجد

الا يا هبوب الوجد خفي علي شوي
تري جرح قلبي من سنه تو داويته
بعد ما قضى عشرين عام وهو في غي
يعاكس بنات الفكر ما يوم رديته
وعشرين عام يطوي الوقت بيده طي
يسابق مراويح تهامل وهي فيته
وعشر على ما قيل ماهي تعادل شيء
لها منهج في بادي الوقت ما جيته
وذا اليوم ناخت فكرته وأنتهى للفي
ولا عاد به حيل يغادر عتب بيته
يعيش الزمان وراح عمره بوسط الحي
ويعزف لحون كلها حسب توقيته
لحون تصحي الميت من الناس قبل الحي
وتطرب مسامع شاعر لد ناحيته
ويزهم ورى الاضلاع يا صاح عطني مي
ابلل مراح جفف الوقت زاويته
وأردد معه واقول صبرك علي شوي
ترى جرحك اللي من سنه تو داويته

غرمان بن عزيز

حياك الله ياغرمان
وصح لسانك ألف على هذه القصيدة الرائعة
أسلوبك متفرّد دائما
هنا بالتحديد أعتقد إنها من أكثر القصائد اللي قريتها لك فيها شاعرية

مره ثانية صح لسانك وتشرفت بمصافحة ابياتك

صح لسانگ
كلمـــآآتـ رائعــهـ وإحساسـ جميل

مشآعر خُطت بقلم مـُبدع
صح لسآنك ..
تحتي مُعطره

الله يصح لسانك ويسعدك

لحون تصحي الميت من الناس قبل الحي
وتطرب مسامع شاعر لد ناحيته
ويزهم ورى الاضلاع يا صاح عطني مي
ابلل مراح جفف الوقت زاويته
وأردد معه واقول صبرك علي شوي
ترى جرحك اللي من سنه تو داويته

أتفق مع المهاجر بجمال وقوة الشاعرية بهذه القصيدة ..
البحر نفسه بحر يحتاج لطول بال ونفس والفاظ تحافظ على رتمه
وهذه توفرت بقوة ..
التسلسل في المعاني والجذب للقارئ مهم وتوافر بشكل مميّز ..
لفت نظري كذلك أنها قصيدة شكوى وحب وعتب وذكرى وخرجت لنا
بطريقة خبير يتحدث بنوع من الشرح بطريقة راقية ..
يعني الحقيقة القصيدة مهما تحدثنا حولها وجدنا فيها ملفات شعرية رائعة
وراقية وتنم عن جزالة شاعر مميّز يجيد ما يقول ..
صح لسانك أبو محمد ولك تقديري ..

صح لسانك
أبيات رائعه

نص رووعه وعلى البحر الطويل
بيض الله وجهك يابومحمد وصح لسانك
الحقيقه انه أطربني كثيرا
وياليت تهتم بتنسيق النص وتوضيحه وأختيار الخط المناسب
شكراً

بيض الله وجيهكم كلكم وعساكم تسلمون وعلى راسي والله ملاحظاتكم واطراءكم
والف شكر لمروركم الكريم الذي اسعدني كثيرا يا تاج راسي

الله عليك ي غرمان ..لك قلب وقلم ينبض بالحنيّن
رآقنيّ المكوث في محرآب حرفك كثيرآ ..ممتنه لهذا الجمآل..تقديري لسموك

صح لسانك ولا هنت .
أبيات رائعه شكرا لك .

صح لســانگ و سلم بنـانگ
راقت لي .. امتنــاني

الله الخيرة يابو محمد

صح لسانك وعلى شأنك ... وزاد بوحك فن وابداع

تقديري

تراتيل

ابو فهد

المذهله

ابو سيف


بيض الله وجيهكم جميع واشكر لكم المرور الطيب وعساكم ذخر .

الله عليك

صح لسانك يابو محمد قصيده رائعه ومؤثره
لا غريب فالجزل لا يأتي الا بجزل

تحياتي