انزاحت الغمة وبان الهلالي

لاوالله الا دق صفّار الانذار=لكن جوّد غترتي يا عقالي
حنا مغازينا على قب الامهار=والقوم جتنا في ظهور البغالي
يأهل المعاني يا بعيدين الانظار=انزاحت الغيمة وبان الهلالي
بيت الردى من هبّة الريح ينهار=اما بيوت العز مثل الجبالي
واللي تعرّض للعواصف والاعصار=خبل ينادي للفشيلة تعالي
لا يحسب اني من مولّين الادبار=انا عن الذلّة بعيد المنالي
شيخ ولي في الطيب سيرة ومشوار=أعتز في جدي وعمي وخالي
لي بين خلق الله مكانة ومقدار=اهل السعادة والسمو والمعالي
واعز نفسي عن رديين الاشوار=اهل الخطا واهل الخنا والجدالي
وادرى على الاصحاب وادرى على الجار=وابعد عن اهل الفسق والانحلالي
واللاش لو حوله من الناس مليار=لا بد ما يظهر عليه الخمالي
تلعب به اوهامه من ايمين ويسار=في موقفه شكة وفيه اختلالي
والى اجتمع في الماقف اصغار وكبار=يبين نقصه بين كل الرجالي
لا يحتمي نفسه ولا ياخذ الثار=في الحكم مثله مثل بنت الحلالي
وياللي تقول الشعر مفساح مقطار=بتموت ما طبيت سوق الغوالي
ما كل من عنده مخالب ومنقار=يسكن بروس النايفات الطوالي
اكثر طيور الارض جنحانها قصار=الله منزّل روسها فالرمالي

بعيداً عن أي معنى لك يا خالد إلاّ إنك بالنسبة لي :
خالد الشعر والشعر خالد ..
صح لسانك ولك تقديري ..

تسلم بارك الله فيك وصح لسانك يا الغالي

لا يـحـتـمــي نـفــســه ولا يــاخـــذ الـــثـــار
فــي الحـكـم مثـلـه مـثـل بـنــت الـحـلالـي
ويالـلـي تـقـول الشـعـر مفـسـاح مـقـطـار
بـتـمــوت مــــا طـبـيــت ســــوق الـغـوالــي
مـــا كـــل مـــن عـنــده مـخـالـب ومـنـقــار
يـســكــن بـــــروس الـنـايـفــات الــطــوالــي
اكـثـر طـيــور الارض جنحـانـهـا قـصــار
الله مـــــنــــــزّل روســـــهــــــا فــالـــرمـــالـــي

وياللـي تقـول الشعـر مفـسـاح مقـطـار ** بتـمـوت مــا طـبـيـت ســـوق الـغـوالـي
مــا كــل مــن عـنـده مخـالـب ومـنـقـار** يـسـكـن بـــروس النـايـفـات الـطـوالــي

..

أنا أشهد إنك ماتجيب إلا الغوالي
ومسكنك بروس النايفات ياخالد
صح لسانك مليون

يعطيك العافية والله يصلح الحال والامور يا خالد سهايل وانت شاعر ولا عليك كلام .

بووحـــــك هنـــا أكبــر من أن أسجل بهـ إعجـــاب ..!!
من همسات...همستها لنا
من أعماق قلبك المرهف
لـ تتمكن من الوجدان ...
لكـ مني خالص الأمنيات
وأطيب الدعوات..
واصل ونحن متآبعون لك يآنقي..