!! يا منتدانا !!

بسم الله الرحمن الرحيم
السلام عليكم

فيه واحد كان ساكن بقصر طويل عريض وراقي جداَ
متعدد الاجنحة , متنوع الصالات , فيه غرف متعددة الاغراض وكلام كثييييير !
كان يستخدمه كأي ساكن لكنه كان يكثر من المكوث في المكتب الموجود بالدور الارضي
حتى اصدقائه الخاصين كان يستقبلهم فيه ! فجـــــــأة اصابته ضيقة من هذا المكتب الجميل
ربما يعود السبب الى كثرة استخدام المكتب وربما عين اصابته !؟! او ذكرى مؤلمة !!؟!
بكل الاحوال ,, فكر في تركـ القصر مع شديد حبه له واعجابه به .
غادر ليسكن في احد منازله الاخرى فهو يملكـ اكثر من منزل
اتصل عليه احد جيرانه وسأله عن الغيبة فاخبره بالحال
اشار عليه بأن يبقى بالقصر ويغلق المكتب
استحسن الفكرة وعاد الى بيته

اعتذر منكم وبشدة ,, طولت السالفة
ما علينا .. اليوم اتيتكم بهدية بسيطة في قيمتها المادية غالية في قيمتها المعنوية
قد تكون دون مستوى حضراتكم لكنها اغلى ما املكـ
رمز محبة لكم ولمنتداكم الجميل

.. قبل الهدية اسمحوا لي بهذه الابيات ..

لا تخــــــافي ي .. القوافي وكوني مســتعدّة
............................ رحلة الدنيـــا ملفــات لكن ســـيّدي

صغت لكـ م البدر مفتاح ومن الشمس عــدّة
........................... صوتي للبدر ولطلّـــة الشمس أيدي

لا تقـولين انتهى اليـــوم عَــده وأمس عَــده
........................ إن آمرتكـ جـــاوبيني بحــاضر سيدي

!

!

وهذه .. لمنتداكم ..عبر باقة ورد

ســـرّ واذكـر الله وســــم وميّــل اعقالك
عطر شـــماغـكـ اليـن الفــايت يشمـــه

تقلــــد البشــت لف الكــــم بشمــــــــالك
يمنــــاك سبـــلا حذاري تقصر الهمــــة

اقطـع سـهول وفيافي خضر وان جـالك
تســـبح فضــا الكــون خذ منزالك القمة

حنـــّا لك اليوم حراسك . حن اعيـالك
حنـّــا بني عمك وخـالك و بن عمـــه

نحميـك باذن الكريــم ونحتمي جـــالك
فيـــك النشــاما ونشميــات ع الذمــــة

ان جـاك ضيف(ن) كريم ياسعـه بالك
بالبـــن والعــــود نتلقــــــــاه ونظمـــه

يلقى التراحيب واغلى كيف فنجـــــالك
يستـــاهله من يحبــــك ما حــد يذمــه

وان زارك الجـاهل اللي مو على بالك
ضُمـه بكســرة وفتحـة وارفع الضمـة

امــّا اذا جـــاك فاســــــق ماله ومــالك
قـــمّ بعثـــره قبل ما ترميـــه ونلمــــه

من يبغي الشـــر عــده في يدي هــالك
والله لاعـذبه واعميـــــــــه واسمـــــه

يا منتــــــــدانا ترى ما خلقوا امثـــالك
اللــي يبـي ينــــافســك ماجـابتـه أمــه

اعضاءك اهلك . عيالك حالهم حـــالك
ما جـــــاك جاهم معك لو صابتك غمة

الطيـــب فالي معـك والســعد هو فالك
والـورد فـال الجميــــع اهـديه واشمه

هـــذا اللي قدرت عليه
لو عندي افضل جبته لكن الجود من الموجود والاجواد عذارة
وسلامتكم جميع

صح لسانك وطاب حالك وسلمت وسلم بوح قلمك قصيدة في منتهى الروعة لمنتدانا الغالي واعضاءه الكرام .
يستاهل ويستاهلون ومن كريم في مستحق . لاهنت .

يا منتــــــــدانا ترى ما خلقوا امثـــالك
اللــي يبـي ينــــافســك ماجـابتـه أمــه


اعضاءك اهلك . عيالك حالهم حـــالك
ما جـــــاك جاهم معك لو صابتك غمة


قصيدة راقية جداً..يستاهل منتدانا والله..

يعطيك العافية

من طول الغيبات جاب الغنايم
ولك صدر المجلس يا مهندسنا..

صح لسانك ..
وتسلم ومثلك يجيب النادره ..
انت كريم واهلك وناسك يستاهلون..

الدار دارك ..
والقصر قصرك ..
وانت الذي علمتنا حبه ..
ومالنا غنى عنك ..
والله ان فرقا مثلك كليف !!
لا تحرمنا طلتك !!
سلاااااااامـ..

صح لسانك وعلا شانك
قصيده راائعه سلمت يداك

المهندسـ ..
إن كان هناك من قصر فأنت الملك فيه وتستحق عرشه ولك بعدها البقاء بأي مكان فيه أو التجوّل
بأروقته فهذا مكان مَلِك وله كل الأوامر وعساه ما يظام ..
..
ما بين المقدمة إلى الهديّة تهت في دهاليز الجمال والإبداع ..
راقي كعادتك سامي كما أنت ومبدع كما عهدناك ..
بس أحب أقول :

ماهي غريبة يطيب العود في جالك
.................................................. .......................................ياطاغي الـذوق زان العطر في كمه
يخسى ويقطع مكان خاب ما شالك
.................................................. .......................................ياللي عرفنا الوفا من طبـعـه ودمـــه

..
لك من التحايا غزيرها ومن الشكر أجزله والترحيب أوفره والتقدير منبعه ..

الله عليك يا مهندس الكلمة

بيض الله و جهك و منتدانا يستاهل
وأنت تستاهل الإشادة والتقدير ,,

لا عدمناك يا غالي ,,,

عليكم السلام

قصيدة رائعة اسعدت الجميع اسعد الله قائلها في الدارين

ولكن

اقتباس
(وهذه .. لمنتداكم ..عبر باقة ورد)

لما صيغة المخاطب هذه؟

من يدخل المنتدى صاحب قلم عرف بالحق ودافع دونه

له الصدارة فيه ولا يجب ان يستخدم صيغة المخاطبة

بل يستخدم صيغة المتكلم

مرفوع الرأس وكله فخر

منتدانا بيتنا الثاني , وسفير قبيلتنا يمثل كل احد منا ويعكس ثقافتنا

حقا علينا جميعا ان نحافظ عليه

ولانقبل فيه الهوان ولا ان يمس شرفه الرفيع بأي كلمة خدش

وسنتصدى له بما من الله به علينا من فضل الحجة والبينة

وبالتوفيق لك وللجميع

من رحم الاحساس وُلدت هذه الرائعه يا مهندس الكلمه
جميل جداً ومتجدد الجمال في كل مره
صح الله لسانك .. ودمت بألق

ابو فهد

شكرا لحضوركم الكريم
يستاهل المنتدى واهله كل علم طيّب
انتم اهل الوفاء والكرم

دمتم بخير
ودام منتدى بني عمرو بكل رقي

طيف الذكريات

يستاهل منتدانا وهذا قليل في حقه
المنتدى راقي برقيكم غاليتنا

اشكر مروركـ

العمـــــــــدة

سعيد بحضوركـ وتعليقكـ
بيض الله وجهكـ وجمّل حالكـ ايها الغالي
تشرفت بكلماتكـ الرائعة


وجودكم يوجب علينا ملازمة المكان
شكرا لكـ من الاعماق

شيخة الغيد

صح بدنكـ اختي الكريمة
وشكراً لمروركـ العطر

ابو ريان

بحضوركم تكون ذروة الشرف وغاية السعادة
لكنها تعجز الكلمات عند شكر امثالكم اســـــتاذي
مكان نلنا فيه شرف معرفة الكرام لن نبرحه باذن الله
فهو يزيدنا شرف ولن نضيف له نحن شيئاً

كل الشكر والتقدير وفائق الاحترام

سعيد بن عوض

الشاعر الكبير والمشرف القدير
اسعدني مروركـ وتشرفت بحضوركـ
سلمت وبيض الله وجهكـ شاعرنا


ممنون لهذا المرور الكريم