محاااورة

البدع
يا مسلمين الوضع في سوريا خطير
ياليت بو متعب يوافق على المسير
ونسير من عرعر شمال ومن عسير
وانحرر اهل السنة من الزعيم الظالم
بشّــار واعـوانه وكـفّة كتايـبه

ودنا بالرباعية ,,

الرد
يا مرحبا واهلين يا من لفى خطير
وبراعي الامثال خلا الصعَبَ مسير
و بفكره النيّر يخلّي السَهلَ عسير
يا الله تجنّبنا الخطا و الطريق الظالم
و تدلنا للخير نقرا كتايبه

الله يعطيكم العافية ويكثر من امثالكم متابعين يا الصناديد

يا زين المحاورة مع الثنين ذوليه ...
استلم ياللي بيرد ..

يا صبي شيبان الوزارة بتي وزير
يوم النعامه ما بتقوا على المطير
المملكه جيشٍ في المعركة خبير
قوّة قبايلنا يبصّم عليها العالم
السيف من ذا يشهره من جرايبه

استلم الرد
يا اصحابنا نبغي حضور وشعر وزير
احنا رجآل الحجر ماحنآ عرب مطير
صغيرنا في الحرب قدّم عطا كبير
فينا الشيوخ اللي تحآضر وفينا العالم
يا الجاهل انشد بوك قل وش جرا يبه

البدع
يا احمد نجادي ما يسرّونك النفير
حنّا جيوش الدين والمذهب المنير
نحمل لواء الاسلام يالجاهل الحقير
حنا وسود السنة ولا عليها انساوم
والرافضي ناطى شعاره ومذهبه

اسمع يا بدر والمعذرة على التأخير ,,

الرد
يا اصحابنا ما ينفع الزير و النفير
ما عاد ينفع غير بارودنا المنير
و نكبّ دنيانا سوى الزود و الحقير
و نهجم على االباغي و وجه نطا و انساوم
عزّ الله ان روحه قتيله و مذهبه

الله الله ...
ياكم سلاسل ما تكبل بها الاسير
ياكم نضيرٍ ما نلاقيه بالنضير
كم سيف ما منه ذليلٍ ولا كسير
ولا عقادة خيلنا فاعطها بن سالم
واللي يعادينا بنلعن صلايبه

اعطوني البارود وانا لهآ باسير
واحارب اسلال اليهود وبنو النضير
والشيعي اللي حضّه الطآيح الكسير
اما نشدّ الحيل حتى يجي ويسالم
والا يدور منعتن من زلايبه

البدع
لا ما حضر راعي المحاريف والخبير
يا بدر علّم صاحبك وانصح الصغير
لا يجحد النعمة ولا يكفر العشير
يا سعد دولتنا بذا الفارس اللي قادم
يحسب وينسب في بلاد المغاربه

الرد
العقم ما ينفع و في جنبه الخبير*
وان كان في راسك و صاةٍ فوصّّ غير
الغرب راس المال واما العرب عشير*
كنا رجالٍ في زمانٍ مضى وتقادم
و اليوم شمسٍ في ثرى الغمّ غاربه

عشير = العشر و هو الزكاة
الخبير = الخبارة اللي تسرّب مياه العقم

اعذروووووووني يابع عالتاخر فان الحاله الصحيه ماش الايام تيه...
استلم يا ولد ...

الحق بين القول ماله ترا خشير
ولا بدر بن كعب في دربنا ينير
الحمد لله كل شرٍ تلاه خير
هذا انت راعي واما انا ولْد شيخٍ غانم
في دير ابني شهر تمطر سحايبه

المعذره ع التآخير

اسمعك يآ بشّآر واسمعك يآ بشير
لآتكثرون الحكى والشهق والزفير
واللي يحآود ع الريآده تراه اخير
مآ انت مثل بو زيد والا مثل غآنم
تملك جيوش عالعدآ هم سحآيبه

البدع

يا حضرة الجمهور يا حضرة المدير
من بعد ما سويت في المنتدى تحرير
وش رايكم في شاعر القوم والسفير
طاحت عزومه ما بيقوى على المطير
ردّو له الخطاف يعطيه زاد ٍ والم
من بعد ما خلص طعامه ومشربه

الرد

يا مسرعٍ في السير قدامك المدير
وانظام ساهر حرر امخافله تحرير
خلّ الدروب الظالمه وانهج السفير
و الي تورط بالصحاء كيف بالمطير
ما يجني الا كل همٍ وكربٍ وآآآلم
و الشارب اللي عاند ايجيه مشربه