بداية وعتب محبة

بسم الله الرحمن الرحيم
والصلاة والسلام على رسول الله
أخوااني أخوااتي
أعضااء منتديات بني عمرو
السلام عليكم ورحمة الله
يشرفني أن أكون بينكم وفي هذا الصرح
اللذي أسأل الله أن يبيض وجيه من قاموا على
إنشائه وكل من ساهم في إستمرااره
وكل من يسعى إلى لم شمل القبائل لما فيه
الخير والصلاح والمودة والأخوة
بدايتي هناااا من أقساام الشعر الذاتي والمحاوراات
وهذااا لأنني أنتمي للشعر ولمحبينه
ورااح أستفتح بدايتي في هذا المنتدى بمسيرة
وعسى تكون مجملة ومكملة ...

*******

ياسلامي على قصر وبنيه بني لبني عمر
ياسلامي على قصر ومبناه مبني لـ إبن عمرو
لي سبوعين عند الباب ماحد قال أقلط وعد
لو ماتلزمني القالة وراسي ربت في الحمية
كان ماجيت لك ياقصر لو كان بنيك من ذهب
أنا من يوم جاء داعي بني عمر قلت الشان غالي
وأمتطيت الذلول اللي على شان ربعي دربهاا
كيف ماأعاتب أصحاب القصور الشواهق والرواسي
إلا مادام عندي شانهم مثل تاج فوق راس
أعذروني على العتبان لكن ذا زود المحبة
مايحق أنتظر تفعيل عضويتي وأقبولهااا
مايحق أنتضر تفعيل عضويتي واقبولهااا

*****
وسلامتكم
وليف الجرح

عليكم السلام ورحمة الله وبركاته
الله يحييك ونورت وشرفت وأبدعت في شكل وطريقة قدومك وهذا يدل
على خبرة رجل ووعي شاعر ونمط حضور مختلف ومنتظرين توهجه وإبداعه ..
أبشر باللي يرضيك وعتبك على روسنا من فوق والله يحييك ..
صح لسانك وطاب حالك ونورتنا ولك علينا الحق ولكن عليك أن تعذرنا فهناك بعض
الترتيبات ويحدث التأخير بالتفعيل غصب عنا ..
تقديري ..

أرحب يا وليف الجرح
يا مرحبا ملايين
ومثل ما قال مديرنا أبو ريان
أبشر باللي يرضيك و أرجو أن تقبل
منّي هذا الرد ,,

مرحبا و مسهلا يا شاعرٍ بالوفاء يبني عمر=
مرحبا عند من لبنه متينٍ و دام اللبن عمرو=
مرحبا مرحبا مليون من عدّها يغلط و عد=
سيرتك يا ربيب الجود في الشعر قصّه ملحميه=
ثابته ما تزحزح يوم كلٍ ذهب في من ذهب=
وانا ما قلتها يا صاحبي مدحةٍ فيها نغالي=
قلتها واثق المضمون يوم النقى يندر بها=
و انت راسي كما حرفه و علمك سديدٍ في رواسي=
والذي ثابت المبدا على خطوته في الناس راس=
والعتب في محلّه حتى لو زايدٍ في العلم حبّه=
والعرب تختلف من بغضها في الحشى و قوبلها=
والعرب تختلف من بغضها في الحشى و قوبلها=

ارحب با وليف الجرح وصح لسانك ملاين

ولا هنت وصح لسانك يا سعيد بن عوض

حياك الله يا وليف الجرح..

البدع
مرحبا مرحبا واهلا وسهلا تراحيب المطر
انت من ربعنا الغالين لك في صميم القلب قدرا
ياعريب الخوال ويا عريب النسب بو ٍ وجد
وصلنا علمك وحياك بين المطاليق الوفيه
والاجاويد عذارة والابطال ما تبدي العتب
قد وصلنا ديار اهل البداوه وشدينا الرحالي
والتقينا الرجال اللي تحامي وتمنع شربها
ياو ليف الجروح ويا ووليف المواقيف القواسي
ادري انك صليب في علومك ومتمكن وقاس
ارفق ابروح منهو يشكي الوقت لا تغدي تسبه
ودي انك تنقّىّ في المحاريف يا بهلولها
ودي انك تنقىّ في المحاريف يا بهلولها

تسلم بارك الله فيك والله يحيك بيننا

الله يبقيكم جميع وشرفني وأثلج صدري
ترحيبكم اللي يرفع الراس وأنتم
أهل السلوم وأهل العلوم الغانمة
ولكم مني جزيل الشكر
وأرضيتوني بترحيبكم
وحفاوتكم
وجعلم سلوم وبيض الله وجيهكم جميع
وبيض الله وجه ألأخ أبو فارس
على الرد
وأقول لأخوي الشيباني
أبشر بالرد
ولك علي الله إني برد عليك
وأناا برووح إختبر الساعه 4 عصرا
والساعه ألحين عندي 3عصرا
وعسى الله يجملني ويعينني في الرد
وعسى الله يجملنا معكم في هالمنتدى
ويكون إجتماعنا في الشي اللي
يعود بالفائدة للجميع.
******
الله يبقيك ويسلمك ياللي ترحب مالمطار
رحلتك جاهزة والطايرة عبها بقوس وقدرا
والخريطة مع الكبتن ومن دور المهبط وجد
وإن تهتوا في السماء عندك جوال الثريا ألو فيّة
وإنتبه لاتزل الرجل باب الطيّارة والعتب
لأن بعض المواقف ينشرب مرّها والمر حالي
كاسة المر تصبح حالية فوق وتباشربها
وانت قايد ولكن مامعك في يدك سهم وقواسي
أترك المعركة للي قاد المعركة قبلك وقااس
لاتعرض في الميدان يمكن يجي للموت سبّة
يمكن رمية قداا بارودهاا يشتعل به لولهااااا
يمكن رمية قداا بارودهاا يشتعل به لولهااااا

******

يامرحبا تراحيب المطر الله يحيك
واذكرك بأيام زمان يوم تقول

بدعك

يا الخوي القرم مالك في عذرا
ولا لغيرك يالوفي قصدي اخاوي

ان حدانا الوقت للمقناص عصرا
خاوني في الدرب يالصقر النداوي
ردي
ياصديق له بوسط القلب قدرا
مانكدر خاطرك مادمت ناوي

بعد بكره زهب البندق وعجرا
ونتل موترنا مع ذيك الملاوي

وانتقنص فوق والمقصود حدرا
صوب دكتور من العله يداوي

طبعا القصايد طويله لكن اللي تذكرت
البدع
مرحبا ياصديقٍ طلته كنها طلة بدر
قلتها من صميم القلب واعيدها له والله ادرى
لن مثله ليا ما قام في لازمٍ كفّى وسد
والشهادة من الجمهور بالصدق تقسم له وليه
والعزاوي تبين وقاضي الحق لامنه وجب
واحمد الله لامني غزيت ادري ان سيفي بجالي
حتى لو كنت في دار عزيزة ولا ابغى حربها
مير لا حان وقت الجد كلن على متنه لباسي
والعرب كل منهم في الملاقا يزهب له لباس
والله يعلم بما في الصدر لكن نبّه يا منبّه
كم عيون تناظر ماعرف حورها من حولها
كم عيون تناظر ماعرف حورها من حولها

بليا قصور في راعي المتصفح و بعد إذنه
عسى الله يحيي الجميع و لي طلب عندكم
بما فيكم راعي المتصفح وليف الجرح ودنا
تكتمل الرابعية سواء على نفس القارعة
ولا غيروا براحتكم بحيث أكمل مع وليف
الجرح و الرادار يكمل مع الشيباني واسر
يا ساري ,,,
أنتظر الرد ,,,

الله يبقيك يالراداار
وذكرتني بأيام لاتنسى
وماشاء الله تبارك الله عليك
كيف باقي حافظ هالقصايد
عموماً أنا بكمل معك
وعلى القوة اللي يبي يشارك
وترااني ماأدري إذا كان الخط وااضح
فعاد عطوني خبر
******
البقى ياللذي كنك عقيد وسط غزوة بدر
أدري إنك بتدرى عني الشر وأنا عنك بأدرى
وأنا وإياك في الميدان بأفعالنا نمر وسد
كيف وإنت اللذي ذكرتني بالسنين الاوليه
يامودي الرسايل ودهاا في جبل حرفه وجب
وأنا لاعادبه وقت يكفي وبه فرصه وجالي
وأدي أزاور العتبان في الدار ماأبغى حربهاا
والله ماقصدنا نفتح في السالفة باب لباسي
غير شفت اللذي يفتح في السالفة باب لباس
المضيف بضيفه قام رحب مادام اليوم نبّه
والسمينة ذبحها قبل ماتنتهي من حولهااا
والسمينة ذبحهاا قبل ماتنتهي من حولهااا
ـــــ

حلوى
يكمل معي الشيباني ,,,

البدع /
الله اللي جمعنا ما نفرّق بوادٍ من حضر=
مير في حزّة الملقى نبي انميّزّ البادي و حضرا=
يا مبارك نيي جزل المعاني علومك لي و فد=
واحمد الله ليا من سرت في القوم فاحظوظي عليّه=
ارتقي وارتقي ما يوم حنّا نزلنا في الرتب=
هذي اسلومنا مدهال بيت الوفاء روس الرجالي=
سيرة ما نبدّلها و اناخوك مثلي سر ..بها=
وان نساني رفيقي ما تنكّرت له يومٍ و ناسي=
عادة اللي بشيمتْه ايتمسكّ فلا اتْظنّه بناس=
واللذي ليس في دمّه حميه فلا تدنيه كبّه=
خلّه ايولي امعا ريح بقعاء يشدّ اذيولها=
خلّه ايولي امعا ريح بقعاء يشدّ اذيولها=

الرد
مرحبا مرحبا يا اصحابنا الغاليه واللي حضر
كل رجل بيثبت موقفه والعزاوي يوم حضرا
والجماهير تشهد لاهل البيت واللي له وفد
ادري ان بعض الاصحاب في قلبه ايحامل عليه
وانت يا صاحبي تدري بقصدي بها لو مره تب
وانا من عادتي فزّاع للي نخا واللي رجا لي
والصقور العوادي بيّن ٍ صيدها من سربها
يا وليف الجروح العلم مقبول والدعوه وناسي
الا في حالة انك ماتبينا معك نمشي وناس
والله يا جملة الاصحاب يا كم يعادينا وكم به
وانا ماهمني قول الحثالات ولا اعذولها
وانا ماهمني قول الحثالات ولا اعذولها

-------------

يالووول وقف يازير

فرصة طيبة يابو عوض كان ماتنوي بشر

لأني اخبرك ما تحب الخيانة ولا تنوي بغدرا

والقوافي تثمنها وترسي لها بدع ورد

والمثايل تقسم بيننا ياقبيلي بالوسية

ماندور مواضيع تنحي بنا وتجر سب

والحمول الثقيلة مالها الاّ غواريب الجمالي

وانت تعرف مناحيز المهارش وتعرف جربها

لكن اضرس بنابك لابزغ واقلعه لا اومى وساسي

لن ماعاد يلقى طب في الناب ذا يومي وساس

وانتبه يازميل الدرب في منتهى علمي ولبه

الجمال اتهادر توّنا هي بعد بعقولها

الجمال اتهادر توّنا هي بعد بعقولها

ياسلام ياسلام
***
فرصة طيبة يالرافعي وأنت من ضمن البشر
والنصيحة تجنب كل درب ظلام وفيه غدرا
الله كم واهم صدّر من الدرب يوم إنه ورد
وكم فتى في شبابه حذّروه الخلايق بلوى سيّة
يحسب إنه تجاوز الإمتحانات لكنّه رسب
أول السوق فيه الورد والمسك وأصناف الجمالي
وآخر السوق سلعة من شراها ومن تاجربهاا
والبنا ثابت مدام له في البلد ركنٍ وساسي
ماعلينا من البنيان ذامامعه ركنٍ وساس
غير يالرافعي مادام نادى المنادي قم ولبه
يالله إنك تقرّ الرّوس لاتستخف أعقولهااا
يالله إنك تقر الروس لاتستخف أعقولهااا
ـــــــــــــ