ابنشدك عن نور القمر وشلون نوره؟

قصه حقيقه حصلت في قريه
كان هناك شاب اسمه عايش يعيش في هذه القريه وكان يحب بنت اسمها نوره في يوم من الايام ذهب عايش لكي يخطب نوره ولكن ابو نوره رفض لان عايش كان على قد حاله وما عنده حلال ولا عنده فلوس كثيره فشاف عايش نوره عقب ما طلع من عند ابوها وقالها نوره انا راح يصير عندي فلوس وراح اشتغل وراح ارجع اخطبك واتزوجك ونوره كانت تحب عايش فوافقت انها تنتظره.سافر عايش وصار يشتغل في التجاره ومرت الايام وصار عنده فلوس ورجع لقريته عشان يطلب يد نوره من جديد ويتزوجها ولكن لما رجع القريه تفاجى ان نوره تزوجت لانه ابوها اصر عليها انها تتزوج وكان عندهم البنيه لازم تتزوج اذا جاها شاب قادر على الزواج.وتفاجى ايضا انه ومو بس تزوجت بل هاجرت الى مكان ثاني مع زوجها ولا احد من القريه يعرف المكان.فقام عايش وقرر يسافر ويدور على نوره. ومر على القريه الاوله وراح وسلم على امير القريه وقاله انا عندي لغز والذي يجاوب عليه بعطيه كل حلالي فقاله الامير وشو اللغز قال(ابنشدك عن نور القمر وشلون نوره؟) احد الجالسين قال له ابيض واحد ثاني قاله اصفر وكل الاجوبه غلط محد عرف حل اللغز.فسافر الى قريه ثانيه وطرح عليهم نفس اللغز ومحد عرف الجواب راح للقريه الثاله وكان تعبان من السفر فقالهم انا عندي لغز والي يعرف يحله بعطيه كل حلالي قالهم (ابنشدك عن نور القمر وشلون نوره؟) محد عرف الجواب فقالهم انا اليوم بنام عندكم لاني تعبان والي يعرف الجواب يقوله لي الصبح ومن بين الحضور كان زوج نوره موجود فرجع للبيت وقالها نوره قالتله سم قال جانا اليوم واحد خبل يقول عندي لغز والي يحله بعطيه مالي وحلالي كله فقالتله قولي وشو اللغز يمكن احله قالها(ابنشدك عن نور القمر وشلون نوره؟) فبتسمت نوره وقالتله عرفت الجواب قالها صدق قالتله قوله(مثل السمك في البحر وشلون عايش؟) فقام الصبح زوج نوره وراح وقاله انا عرفت الجواب فقاله وشو الجواب قاله(مثل السمك في البحر وشلون عايش؟) فبتسم عايش وقاله هذا مالي وحلالي وسلملي على نوره

ياترى هل نوره تستحق تلك المغامره والتضحيه ؟؟

ام أن عايش فريد فى الاخلاص والتضحيه ؟؟

[QUOTE=فجر;869405]



ياترى هل نوره تستحق تلك المغامره والتضحيه ؟؟
ان كان كل اللي صار غصب عن نوره من ابيها
بلا شك تستحق التضحية والمغامرة
اما ان كانت راضية تمام الرضى فحسايف تعب المسكين


ام أن عايش فريد فى الاخلاص والتضحيه ؟؟
عايش فريد من نوعه في الحالتين ولكن ترى
كم شاب في زماننا مثله

اتاذتنا فجر
احسنت ان اخرجتينا من الطور المعهود في
منتدانا
تقبلي مروري
.............................................تحيات ي

اعتذر لاختي الغاليه و كل ودي..

مكرر ..

http://forum.baniamro.com/t69519.html