الشيباني للأهمية

اسمع يالشيباني

يابن الأجواد وادي الشر ماحله
لكن اذهن وتب لا مانويتك تب
واعطنا امر التحدي واسمع امرينا
وانحر العد واشرب ماك من لصفا
خل بعض الهقاوي مالها لزمه
كم خطٍ مزخرف مانقبل حرفه
فيه شي يهد وفيه شي باني

صحيت الرادار
اسجل اعجابي بهذا الابداع وننتظر الرد من الشيباني
تحياتي

صح السانك يالرادار
وهذا الرد ان بغيتوها رباعية

لو عقدنا لغير الكفوا ما حلّه=
ولا نظمت الشعر لا ما نويت اكتب=
شاعرٍ وا تكلّم باسم عمرينا=
من حدود اليمن للشّام من لصفا=
ما تلعثم ولا اعاني من اللزمة=
ثابت الساس شامخ مثلما حرفه=
شعْري اسود وغيري فيه شيباني=

صح الله لسااااااااااااااااانك

صحت ألسنتكم .. وننتظر الشيبااني

البدع
مرحبا مرحبا ياراعي الطله
خلها بيننا بالطيب لا تنشب
في ديار البداوه بعت واشرينا
والجمايل مع شرواك ما تخفا
في زمان ِ مضى لميت لك لمه
انهرم جيشك العادي ولقي حتفه
وانتهى ذكرك..وما كن شي كاني

الله يسعد أوقاتكم بالخير والمسرات جميعاً ..
شعراء وافين ، ودعوة وافية ؛ لشاعر وافي ..

أتمنى تسمحون لي بالشقـر على قصيدة الأخ /
الشيباني

وإذا تبغون نكمّل على هذا التوزيع فلكم الرأي ..

( الرد ) - شقر -

لو تشـب الحطـب في دقلـة الطلـة
والله ما ظنتـي نـارك معـي تـنشب
يا سعـيد (العَـوَج) وش راي؟ وش رينا ؟!
كـم خـفي عقـل همّـاجٍ ومات اخفا ؟
أشـره أبـوه وأشكـي حالتـه لُمّـه
والصعيـدي بلانـي ( دِف - حـتفّه )
نقنعنـه بالـدراهم شيـك شـيكـانـي

البدع

راعي الطيب والمعروف ما نضله
حتى لو كان ماله في البلد منصب
ودنا نكسبه يا ناس وازرينا
والقلوب السميحة دايمٍ ولفا
لكن العين م الزلات منصرفة
والذي يختفي في الصدر بيباني

( الرد )=
من مشى سكة اهل العوج ما نضلّه=
دام في ما نوى به من خطا منصب=
ما انتحمّل وزاره يكفي و زرينا=
وان نجنّب طريقه عادنا والفا=
كم نصرّفه لكن كنّا ما نصرْفه=
غير فالتاليه با نصكّ بيباني=

البدع
انس همك مع الشيباني وجله
وانا راعي مكانه واحسب ونحسب
وانت شاعر وقيّمناك وابرينا
غير عامل زميلك يا اخي بلطفا
قبل ما اجيب فيك العيد والطمه
اوزن الكيل والمكيال في الكفه
قبل ما ترجح الكفه بالاوزاني

عوافي ياشباب والله يعطيكم العافية ..
صحت السنتكم ومنها وزود ولكم تقديري ..

وينك يا خوي ابطيت علينا....
كمــــــــــــل ولا كمــــــــــــــلت انا..؟

الرد
غاب عني زميلي وانا راجي له
عدة ايام وانا منتظر واحسب
من يطب الصدر بيصيد وبرينا
واحرق الارض وازهم جندي الاطفا
كل رجل يسده ماله وكفه
والزمن جاير ٍحتى ولو زاني

وتقولون............
ليش ادعي تصفية الشعار؟
الا صفيتهم عن بكرة ابيهم واللي في راسه شي..ينزلي؟
وسلااااااااااااااااااااااامتكم؟

البدع
والله إنا عجزنا نعرف العله
مير مهما حصل والله مابنسب
يازميلٍ يصلي الليل وترينا
من يوسوس به الشيطان ما يشفا
وانا من عادتي ما اسمع هل النمه
لكن اللي مسوي ع العرب لفه
سمع الأقصى بما يعنيه والداني