مرثية المرحوم (بندر محمد سليم ظافر العمري)

مات الوفا
الدمعه اللي مالها حزة على وقت العصر
عادت على خدي وانا ياهاجسي مقوى لها

صوتي من أشجاني تضايق في وريدي وأنحصر
كن البحر غطا على القوباء وشل جبالها

وكن الحياة غيوم صيف وسناة برقن منكسر
لاهب ريحن ذعذع الغربي وشال جمالها

البارحه صدري نهت ودموع عيني نهر
عامين ياقلبي وصدمات الزمن هي حالها

صدمه ورى صدمه وانا يا هاجسي مالي مفر
صدمات قلبي قطعت قيد الصبر وحبالها

كن الزمن ضدي قفل باب الفرح بصوتن جهر
أعظم مزايا خاطري قفابها واقفا لها

صار العزا في روح بندر يوم ودوه القبر
وشلون بندر مات بندر وين هو حلالها

حل المشاكل بالوفا وبالمرجله صوته نمر
بندر ترى روح الوفا كلمه وهي بقوالها

مات الوفا مات الوفا صار الوفا كله قدر
وين الوفي من بعد بندر ماتروح الا لها

ليت القدر يومه خذاه كان جاني من فجر
قبل الغروب اللي كسف شمس الضحى وأزوالها

وليت الوصاه اللي يوصيها عليه من ظهر
ماجاتني برسالته ولا سمعت أرسالها

بندر يابندر مات لا ما مات بندر يابشر
بندر ترى هو حي أحفر للقبر وأرمالها

بندر يقول أنه بعد ما ينتصر يبني قصر
للمنتصر واللي نصر عزه وضل أظلالها

دايم شموخ المرجله ماتكتمل طول الدهر
والموت قاضي محكمه على البشر واحوالها

قفا بعز من الشباب والحظ حظي مايسر
قفا وراح بدنيته واللي بقا حنا لها

عزاه يابندر رحيلك هو على نفسي قهر
أكبر قهر شفتك جنازه في الثرا بجلالها

للشاعر / محمد بن علي سليم العمري

الشاعر القدير / محمد بن علي ساحر الكلمة ,

مرثية جميلة وصادقة من شاعر مبدع و لا ضير
فإن العرب هم أجمل من رسم كلمات الرثاء
وأبدعها ,,

نعزّيك يا غالي في فقيدكم و ندعو له بالرحمة
والغفران وجميع موتى المسلمين ,,

الموت حق ٍ والعزا موت البشير اغلى البشر=من مات له غالي فهو عزواه يوما قالها
و اللي يهوّن فالمصاب انا على سكّة سفر=ماحْدٍ بدايم غير وجه اللي يحَسْبَ آجالها
الفقد صعبٍ مالنا يا صاحبي غير الصبر=وابشر بالاجر امن الذي يجزيك ضعف امثالها

رائعة ومؤثرة جداً ..
المرثية تستحق الإشادة فعلاً ..
رحمة الله من قيلت بحقه ..
تقديري لك ..