اسمممممممممممممممممممممع

السلام عليكم ورحمة الله وبركاته:
وها نحن عدنا من جديد:

البدع
يا سلامي على اهل المنتدى حاضرين وغايبين
يا رجال الوفا والجود واهل الكرم واهل الحميه
قلتها صادق ماني مجامل ولا راعي مديح
واسمعوا علمنا يالربع يوم القصايد في انتكاس
اشهد ان القصايد مالها الارجال حبكيه
يوم بعض العرب لاشي معارف ولا حبك لها
ياغبوني على الرادار وابو غرام وبو عوض
وابو ليلى وصاحبنا امرؤ القيس واصحاب وشله
كم سرو في الليالي المظلمه بالهزيمه والصغار
شد حيلك معي يا صاحبي بو عقاب الليل حامي
ويلهم ويلهم من ضربتي قد نويت القاضيه....!

السلام عليكم
والله يحي الجميع
وما يهمك يا خوي حيييييلي مشدووود
الرد
عوذ بالله من اهل الشر واهل الردى والغايبين
وان حربنا معا الابطال ناخذ لنا في الروح ميه
في نهار الوغى حاضر وسامر ولا في القوم اديح
وانت يامن نوى بالشر والله ماقد فدت كاس
يوم بعض الشعاعير اسمعه يا عرب واحب كيه
والهزايم ترى قدره وقسمه وكم حب اكلها
يا حليله حليله في الخساره ولا جاء له عوض
طاح سيفه في الميدان والله ما يقوى لشله
لا يناطح كبار القوم ويسير في صف الصغار
مابينفع كثير الصد يا من تخالف واللحامي
انا شيخ القصايد والمخالف نويت اقاضيه

الاخوين
الشيباني & ابو عقاب
اولا
وعليكم السلام وحمة الله وبركاته
ثانيا
ما شاء الله تبارك الله
بداية قوية والمطلوب ان تستمر بنفس القوة وجزالة المعنى
واخترتوا فعلا اخصام عنيدين
نشوف من يرشح نفسه
منهم
ومتابعين لكم جميعا وشدو الهمة
تقبلو مودتي والطيب فالكم
جميعا

تسلم اخوي الشيباني على طرح هذا النص الرائع بهذا الشكل الراقي المميز
==
تقبل احترامي

الردار من غير قصورٍ في الباقين

البدع=
أرحبوا مرحبا يا اصحبنا اللي عداد الميتين=
قد أقمنا عزاكم وانتهيتوا على حال ٍ رديّة=
كل منكم نصبنا عند راسه حجر هذا ضريح=
صرتوا من ذكريات الماضي اللي تولّى كاليباس=
ثم هبّت عليه ارياح شالت ركامه موسميّة=
ما بقى منه غير البقعة اللي تناظر هولها=
وين هجّوا رفقتنا وصاروا عسى ما احْد انقرض=
كلّ يسأل وانا اقول ادعوا الهم رجا واصحاب ملّه=
حقّ من مات يدعى لهه بعتقٍ من النار وشنار=
الله ياكم كويناهم عسى الله يرحمهم سلامي=
للطلاقه و ميقافٍ يشرفّ وقوتٍ ماضية=

اسمحوا لي بالشقر على قصيدة الشاعر القدير : سعيد بن عوض ، وهي رد على راسم القارعة .



فرق يا من تشوف الحي حي(ن) وشفت الميتين
ما حملنا الضغاين وانتبه لا تقل نفسي رديّة
وان حربنا عدو القوم كنا كما نيّاض ريح

لبسنا يعرفونه عامة القوم ما هو كاي لباس
ولاحدن يدّعي منا الاساطير قتْل الموس مية
في نهار(ن) يعَرْفُون العرب صعبها وسهولها

والحطب يا عريف القوم شوكه ترى ما هو قرض
يوم انا شفتك تشب الحطب وآخبرك خبّاز ملّة
عشت يا جامع الحُطبان ما غير أقلّه وش نار

انتبه لا تشب الحرب فترى عيونك في سلامِ
كيف تصبر على حد الشبا والسيوف الماضية

يالاووووووووووول

البدع
البقا...وانصح الاثنين يمشون في درب اليمين
قبل ما نشعل النيران واغديكم الليله ضحيه
اعرفك يا ضعيف النفس والقول والوجه القبيح
لا تحدا زعيم الشعر فصّل ثيابك بالمقاس
انا شاعر ولي بين العرب يادمي روحه وجيه
والنشاما رجال وافيه خاب منهو جهلها
ادري انك ضعيف تشتكي يا سعيد من المرض
الحسد دب في قلبك وتمشي معانا فيك عله
لكن الله يكفينا المخاوز ويكفينا الشرار
ويل بوفارس وجاسر من السيف الاملح والحسامي
اعقبي يالوجيه الخايبه والرقاب الحانيه

الرد:
والله ما ودنا بالعار يوم القبايل مليمين
بانت اقوالكم وافعالكم للعرب وسط الضحيه
انكشف علم راعي الشر مهما غبي ما يلقى بيح
ياحليل الذي مضيوم وانا اشهد ان الضيم قاس
حن شعاعير معروفه ولا حن كماكم عربجيه
خل راعي الحقاره صار شعره ومنتوجه لها
وانت شاعر وراعي حكمة غير جا في العلم رض
والشيباني كوى الاثنين ذا الليل والكيه باعله
بعد ما شفت راسك يالغراني تطاير مالشرار
ما صدق من يقول ان العسل يشبهك يالملح سامي
حان وقت التحدي والقصايد معاكم حانيه

عوافي وعساكم على القوة ..
وامنعونا من الحذف
تقديري ..

بعد أذن صاحب الموضوع انا شفتها محاوره وحبيت اشارك

البدع=
جيت باشارك اللي توهم في الشعر متعلمين=
كل ماجيت اقيم واحد القيته اخس من خويه=
شعرهم ماعرفته عرضه ولا نبط ولافصيح=
فرق بين الذي ورد ذهب والذي ورد نحاس=
حبذا لو تخلون الشعر منتو اهله حبذيّه=
ياناس ن قلبي متشيفق عليها وحباذ لها=
من سمعكم يقول للشعر يا شعر خلص وانقرض=
وانا ماقولته الا يا لعل واحدن يفهم لعله=
والا بعض العقول الى اعتلاها الظلايم ماتنار=
ناس ماتعتني بالشعر ياليتها عنه تنامي=
رحم الله من لي أهدءا عيوبي ومن وصاليه=

الرد=
انا اعرف احترم منهو من الناس ومن اعل مين=
وجمال البدو لسمعت السبع ضلت من خويه=
باركه خايفه ماتسمع اللي بجانبها يصيح=
وانا يالله ياما قو باسي مع الناس النحاس=
وانا احيك المكر للي يحب المكر واحب اذيه=
واهل الغطرسه ادعس عليها واحب اذلها=
والله ياشيح ما تتقارن اعوادك اب عود القرض=
من يشب القرض يبقى وهو طول ليله والع له=
والذي يدفي بالشيح ماضنتي في الشيح نار=
نارنا تحرقك ياشيح ذا يابس منك ونامي=
والحجر ينشطر لاصارت النار تحته صاليه=

ياسلام ياسلام .............الله الله من علم
متابعين ومستانسين .للشيباني ومن معه ................ولي معك ياهمس القوافي جلسه .فقد أعجبت بتدخلك ........تحياتي

الله يحي الجميع
وانا والله اني مستعداني ارد على شعار المنتدى كلهم ولا حسبت لاحد حساب
همس القوافي شد حيلك والله ان تلحق بوعوض وجاسر الليل حامي

البدع
مرحبا مرحبا بالخصم الاول وحي التاليين
وانت ذا الليل في راسك علوم توردك المنية
مثل ما قال الاول راعي الريح ماهو مستريح
وانا شاعر وصرفي من ذهب بالمعاني ولا ماس
مانورد علوم الشر والعار واهروج دنيه
والقصايد عرفنا نقضها يوم يتلى فتلها
وشبنا يوم نتكبر على بعضنا ونجحد بعض
بعض اصحابنا ينكر مكاني ولا ادري وش حصل له
يمكن انه عمي ياربعنا والا في جوه غبار
وانت يالشاعر المتهور الي تعديت النظامي
لا تحدا زعيم الشعر وتقارعه بالقافيه

كفو والله يابو مشيب وقدها واقدود
تقول وتطول ولا للمواقف الا رجالها
وانا اعتقد ان كل شي وصل حده
غيرو القافيه ومافيه مشكله
ووالله ان الماء اذا انكب انكب

الرد:
اكتب الشعر بيدي واسمع الشعراء له تاليين
وكل بيت من ابيات الحكم فيه صدق وفيه نيه
كنه الجندي اللي مسعد(ن)ومره مستريح
يالشيباني ترى بعض الشعاعير صابه الاتماس
وانظره يوم هو يمشي معا القوم في مشيه دنيه
يوم ما يلتفت لناس واليوم يتلى فتلها
وان لفانا يهددنا بشر(ن) يقول والله بعض
لا يزعلني المسكين فانا تراني راح اصله
فانها عادة المسكين بين العرب لا راغ بار
ننظره جايع وحافي ونسمع لصوته ون ظامي
ولا تعيًٍّب البطل بالسب والا كلام القافيه

عسى الله يعينا وإياكم - بس لي ملاحظة على تدخل همس القوافي ، أتمنى أن لاتتكرر القافية . وأنت كررت قافيتي في مواضع عدة .

بالنسبة للتنظيم هل تريدون أي واحد يبغى يرد يرد أم تكون بسرى مُعيّن - بمعنى هل الشيباني يبدع متى يبغى والا بعد ما نُرد ؟!!!!!!!!!!!!! أتمنى الرد عاجلاً !!

اولا انتظرناكم يومين ولا رديتو
جاء همس القوافي وشارك وردينا عليه لان القصيده موجهه لي
واي شاعر يتدخل بارد عليه واغسله غسيل بستم
وحن ماشين بنظام المحاوره اي شاعر يرد نرد عليه الليل حامي