العد الراهي

يا واردٍ عد مع الوقت راهي=لا تحتميه إن جاك وارد وضميان
ماتدري إن حولك زحولٍ دواهي=يقضون لازم كل ناخي وديّان
ولا تحسب إن المحافل ملاهي=تلعبها السواح في كل الأحيان
ماكل ما يظهر على العين زاهي=ولا يشفّي نظرها اشكال والوان
العلم طيبه الأمر والا التناهي=ماهو بشتم افلان وفلان وفلان
ان كنت باقي يابن الاجواد ساهي=لك عن طريق المعرفة نهج واديان
من يتبع نهجك من الناس تاهي=ولا معه لا حده الوقت برهان
وإن كان يكفيك الفخر والتباهي=لازم تتابع جرة الذيب سرحان
من شان تقدر تلفت الأنتباهي=واللي بصدرك من ملامحك بيبان
ويكون لك قدر ووجه وجاهي=ويصير علمك له مكانة وميزان
واحذر يخالف مقصدك الاتجاهي=ولا يكون لحضرتك في البلد شان
ويضيع شوفك في مشاسيع واهي=والراس يومي ما توازنه الأمتان
وإختامها ابيات تواليك ماهي؟=انظم عليها يابن الأجواد قيفان

وإن كان يكفيك الفخر والتباهـي
لازم تتابع جرة الذيـب سرحـان
من شان تقدر تلفـت الأنتباهـي
واللي بصدرك من ملامحك بيبان
ويكون لك قدر ووجـه وجاهـي
ويصير علمك له مكانة وميـزان

الرادار

صح الله لسانك وجمل الله حالك ...

قصيدة روعة كسابقاتها من قصائدك الجميلة ..

اشكر لك حضورك ... وعساك ع القوة

كل الود

الردار

صح لسسانك وبيض الله وجهك وطول بعمرك

قصيدة رااائعه بها الجمال والروعه

تسسلم يمنك يا الغالي

ولا تحرمنا الحظور العذب

راائع يالردار
صح الله لسانك وعلا شانك

إحترامي

جبرني الوقت -- عمري ولاحد قدي -- ابو صاهود العمري -- المسكت

شهادات اعتز فيها وبيض الله وجيهكم على المرور