شحمة بفم ثعلب !!!!!

بسم الله الرحمن الرحيم

السلام عليكم ورحمة الله وبركاته
كنت قبل يومين جالس ومعي بعض اولادنا منهم منه بالثانوي ومنهم منه بالابتدائي اي في جميع المراحل .
كنت استمع اليهم ومهم يتبادلون السوالف .. والكلام يدور حول السيارات لان احد زملائهم شرى سيارة .
حسب ما عرفته ان هذه السيارة كلفته 54 الف ريال . وهي من نوع كامري .
وكانوا يعتبون عليه ويقول احدهم ((لو زاد خمسةوعشرين الف ريال واخذ نوع امريكي )) حتى يسكّت البقية .
شوفوا ما اقل الزيادة في نظره .
تركتهم يتحدثون وسرحت في ماضينا البعيد وبالتحديد في الثمانينات وانا ادرس الابتدائي والمتوسط وما كان عليه الحال .
المدرسة الوحيدة في منطقتنا القريبة تبعد عنا ما يقارب ثلاثة كيلو جبال وعرة تقطع الظهر ياخذ الجوع حده والبرد حده والشمس حدها طول السنة بثوب واحد من قماش ابو نخيل ما تنتهي السنة الا وبه اربعين رقعة . الحقيبة المدرسية من القماش نفسه ولها حمالة نضع فيها كتبنا ودفاتر ابو عشرين ورقة ومرسمة . والحذاء اكرمكم الله (( زنوبه )) تعادل الزبيرية الآن .
الفطور خبز من الذرة والغداء خبز من الحنطة والعشاء انت وحظك ان امداك والا فارقد والرزق على الله .
الفسحة يهب الله خير ما فيه شيء .
وسيلة المواصلات الاقدام لاسيارات ولاطرق ولا حتى الدواب ما فيه ولو قدر لاحدنا ان يأخذ حمار اكرمكم الله فهو في نظرنا كمالك الامريكي اليوم نترجاه يشيل الشنط المدرسية ولكنه يرفض . (( يتغلى )) حقك ياعم .
عند العودة من المدرسة تسمع كلمة اسرع تغد وشف الشغلة الفلانية .
لامن يقول ذاكر ولا من يسأل عن مستواك واذا سمعت عن المدرسة شيء فهي كلمة ضعيتكم المدرسة علينا . اهم شيء الشغل اما العلم فلا عندك احد .
اذكر مرة رجعت فرحان بعد اخذ النتيجة وعدت مسرعاَ لابلغ الوالده بذلك . قلت لها وانا فرحان ابشرك نجحت واخذت الثاني على الفصل .... قالت الله يفضحهم يكنون اعطوك العاشر ولازادوا شويه !!! لكنك ضايع يالضايع .
تصوروا كيف كان شعووري ؟؟ رحم الله والدينا وجزاهم الجنة .
ومع ذلك درسنا ونجحنا وذهبنا الى المدن الكبيرة وواصلنا دراستنا وتخرجنا منا المعلم والمهندس والضابط والموظف ولم نمتلك سيارات الا بعد التخرج بفترة .
ثم عملت مقارنة بين الفترتين ووجدت ابناءنا في نعمة وخير ورغد عيش وفضل من الله .
ثم تفكرت في طموحاتهم واذا هي دون المستوى فعلمت ان ما هم فيه مجرد (( شحمة بفم ثعلب )) ما هو عارف قيمتها .

ما عليش اعذروني هدرة شايب ولكن ارجو ان يكون منها الفايده للجميع وسلامتكم ,.

أخوي ابو فهد


السلام عليكم ورحمة الله وبركاته


الله يعطيك العافية ومشكور الف شكر على الموضوع الذي لامس الوجدان من اول ما قراءته
وفعلاٌ نقول كما قيل نحمد اللي زاد علينا فضله
ولكن هل الجيل هذا مقدر وحامد وشاكر اٌ لنعم التي انعم الله عليهم



عاطر التحايا لك ولمن تحب وتقبلوا مرورنا

لابتي بني عمرو

اشكر لك مرورك ونسأل الله لهم التوفيق فهم في غفلة .

الله يعطيك العافية يا ابوفهد العمري ؛؛ومشكور الف شكر على الموضوع

تراني لحقت على بعض منهم ودخلنا بعدها في النعيم اللي في وقتنا


أمس بارك الله فيك سيارة هــديه لنبر قيني ( إلا سم صح والله ما دريت لكنه قريب)

قيمتها فوق المليون وثلاث مائه ألف هــديه وغيرها الشيء الكثير ولكن نحمد الله على النعمة والستر والعافية

هــدية النجاح سيارة أو سفره للخارج وعــد وأغلط

اطال الله بعمرك ابو فهد ووفقك لما يحب ويرضى
حقيقه من اجمل اقرأت هذا اليوم فكلما كان الحديث نابعاً من القلب وصل سريعاً الى القلب
ماضيكم كان قاسي لكن انتج رجال ونساء اكفاء
ماتحدثت عنه من واقع مؤسف موجود في كل بيت قناعه تكاد تنعدم ,وطموح ضئيل
عدم الاحساس بأي مسؤوليات مستقبليه
كل الاماني بأن يكون القادم احلى وأفضل
يعطيك الف عافيه

بن ظافر

يسعد ايامك وانت ولد تاجر ومعروفه تجارة ال شايق وال صافي ومونس من زمان في سوق الثلاثاء .

شكرا لمرورك بارك الله فيك .

جمانه

بارك الله فيك وجزاك خير الجزاء على دعائك وشكرا لك على مرورك .

ابو فهد العمري

التجارب تصقل الرجال ..
والمعانة تولد في النفس الصبر ..

فأنتم خير مثال لنا في زمننا هذا , نستنير في خطواتنا بمنارات بصائركم ..
حفظكم الله من كل شر ومكروه ..

يابو فهد
الزمن تغير الحين ..!!
تقدر تقنعني وتحلف لي يازمان ماكان طموحك في حمار ...؟؟


هذا هو الحال الآن لكن بتغير الأحتياجات وتجددها .
لكن تبقى هذه الأمور بسيطة والأصعب هو النتاج بعد كل هذا .
هل هو مستقيم أو فيه أعوجاج فهو الهم الذي يشغل كل أب في هذا الزمان , والمشكله أن مفاتيح الأمور في يدالأب ..

كنت الأسبوع الماضي في أحد المستشفيات بالرياض في ساعة متأخرة من الليل وكان بجانبي رجل في اواخر العقد الخامس من العمر .
أخذت بنا دقائق الأنتظار تعصف فأستهوانا الحديث .

فجأه قال لي " الحين صاروا الشباب عديمي الأنتاجية والمسؤلية "

في قرارة نفسي قلت " أكيد عنده أولاد وهبلوا فيه لكن قلت أعطيه المجال في الكلام لين يطلع كل اللي في قلبه بالسؤال كيف , وش الشواهد ووو... الخ .. لين قال مثلاً أولادي "

صدق حدسي وأنا بديت اتفلسف
" خلاصة حديثنا أن التنشأه ومرحلة الطفل للأستجابة والأستقامه السويه هي السنوات الأولى من عمره وزرع الطموح والمثابره فيه والمسؤلية ...الخ "

وهذا هو الأهم , فقد انعدم عند صاحبي هذا لكثرة دوراته خارج المملكه بسبب طبيعة عمله ..

فالأهم السداد والصلاح في التصرفات .
واذا عاد إلاالشحمه فياخذ السبله كلها ويكون ثعلب
ويكون في نفس الوقت يتخارج مع عواصف هذا الزمان ويثبت خطواته ليسير في ثبات ..



نسأل الله الصلاح والهداية لنا وللجميع ..
تقديري واحترامي لك يابو فهد وللجميع ..

يوسف العمري

بيض الله وجهك وشكر الله لك مداخلتك القيمة .
اسعدني مرورك بارك الله فيك .

المشاركة الأصلية كتبت بواسطة ابوفهد العمري

اذكر مرة رجعت فرحان بعد اخذ النتيجة وعدت مسرعاَ لابلغ الوالده بذلك . قلت لها وانا فرحان ابشرك نجحت واخذت الثاني على الفصل .... قالت الله يفضحهم يكنون اعطوك العاشر ولازادوا شويه !!! لكنك ضايع يالضايع .
تصوروا كيف كان شعووري ؟؟ رحم الله والدينا وجزاهم الجنة .
,.

الله يرحمها وموتى المسلمين ..حدثنا الوالد عن عجوز يعرفها يقول ودوها لمستشفى بعيد عن قريتها التي تسكنها ..يقول بعد الفحوصات والتحاليل قالو سليمه الحمد لله ..
قالت الله يفضحهم ضربنا مشوار وماقالو فييه ضغط والاسكر هههههه
همها المشوار أكثر من صحتها ..


موضوع راائع

بساطه وحياه جميله حتى وإن شابها التعب والكدر

يعطيك الف عافيه

يبقى الفارق في تقدير المسؤلية عامل هام يا أبا فهد ..
فأي الجيلين كان يرى ذلك ياترى ؟
بارك الله فيك وفي ما تقدم ..
كل التقدير ..

ابو فهد يارب يخليك ويبارك لهذا المنتدى بشيباتك ِ

كنا اذا جينا وقلنا نجحنا قالوا ماهبناكم إلا اوتنجحون غير بسرعه الحقوا على الشغله الفلانيه

يعنى الحال من بعضه بس وقتها كان جيلنا بنعيم بالنسبه لأباءئنا وامهاتنا وماعانوه من قبل
وكان وقتها يقولون لنا ياحليلكم من حياتكم

فكيف بهذا الجيل
ابنتى ال 8سنوات تقول بكل صراحه وتر ى انه حق من حقوقها اذا نجحت بتجيبون لى بلاك بيرى يعنى بتجيبونه
يعنى لاذنبى ولاذنبك ولاذنب هذا الجيل فيما عم من تطورات وحضاره منها الصالح واكثرها طالح

هذا الجيل وهما راكبين السياره مجرد اهتزت السياره قاموا يدعون على الاولى والتالى والحاضر والغائب

يعنى لاتحمل ولاتقدير
وإذا قلت لهم حالكم احسن من غيركم
قالوا ماهو ذنبنا

اللهم اصلح شبابنا عامة يااااااااااارب

ابوفهد الله يعطيك العافيه ولك كل الشكر

يازين هدرتك يا أبافهد
تلك الايام الصعبه والتي كانت رغم الصعوبه ذات طعم , أفرزت جيل الابطال أصحاب التجارب الناجحه ..

جيل اليوم غريب لايبدو عليه بوادر أمل لتحمل مسؤليات جسيمه لإنه لم يمر ولن يمر بما مر به جيلك ..

الله يديم النعمه وما رافقها من مقومات الحياة العصريه الحديثه التي لو أنقطعت عن هذا الجيل لما أستطاع البقاء لإيــام ..

طرح هادف ورائع
دمت بعطاء

كل شي صار متوفر للاغلبيه وماصار يملى عينهم شي
نحب نملك كل شي جديد لكن بحدود المعقول والقناعه
الاجيال الحاليه أجيال رفاهيه ودلع اذا ماتأسسوا صح عليهم السلام
والاب والام بيدهم مفتاح التوعيه و التأسيس السليم
أبو فهد كلامك دُرر دمتَ لنا

لكل زمان رجال
ولكل مقام مقال ..

وصراحه استمتغت كثيرا بهذا الموضوع الذي لم اره مثله من زمان ...